Скачать с ютуб နေ့စဥ်ဝတ်ပြုခြင်းအလင်းပြ “အိုသောအခါ ပယ်တော်မမူပါနှင့်။” “Cast me not off in the time of old age;” в хорошем качестве

နေ့စဥ်ဝတ်ပြုခြင်းအလင်းပြ “အိုသောအခါ ပယ်တော်မမူပါနှင့်။” “Cast me not off in the time of old age;”

နေ့စဥ်ဝတ်ပြုခြင်းအလင်းပြ “အမိဝမ်းတွင်းမှစ၍ ကျေးဇူးတော်ကို ခံရပါပြီ။” “you brought me from my mother's womb;” အဓိကအချက် - “အိုသောအခါ ပယ်တော်မမူပါနှင့်။” “Cast me not off in the time of old age;” ဖတ်ရန်ကျမ်းချက် - ဆာလံကျမ်း ၇၁း၁-၆ “ထိုကြောင့်၊ ခရစ်တော်သည် ဤလောကသို့ ကြွလာသောအခါ၊ အို ဘုရားသခင်၊ ကိုယ်တော်သည် ယဇ်နှင့် ပူဇော်သကာကို အလိုတော်မရှိသည်ဖြစ်၍၊ အကျွန်ုပ်အဖို့ ကိုယ်ခန္ဓာကို ပြင်ဆင်တော်မူပြီ။-” (‌‌ဟေဗြဲ၊ ၁၀း၅) ဒီဆာလံသည် ခေါင်းစဥ်တစ်ခုခု မပါပဲ တစ်ခြားဆာလံများနည်းတူ တောင်းလျှောက်ခြင်းနဲ့ ချီးမွမ်းခြင်းရောယှက်ထားတဲ့ ဆာလံ တစ်ပုဒ်ဖြစ်တယ်။ အခန်းငယ် ၁ မှ ၃ အထိ၊ ဆာလံကျမ်း အခန်းကြီး ၃၁ အငယ် ၁-၃ အထိတူတယ်။ ပထမဦးဆုံး ဘုရားသခင်ကို စိတ်ချယုံကြည်စွာနဲ့တောင်းလျှောက်တယ်။ ဘုရားသခင်ကို ကျွန်ုပ်ခိုလှုံတယ်၊ အရှက်ကွဲခြင်းနှင့် အစဥ်ကင်းလွတ်ပါစေသော လို့တောင်းလျှောက်တယ်။ ရှုပ်ရှက်ခတ်နေတာတွေ ကနေကင်းဝေးပြီးတော့မှ ဘုရားသခင်ကယ်နုတ်ဖို့ အလိုရှိတယ်။ နောက်ပြီးတော့ ဘုရားသခင်ကယ်နုတ်တဲ့ အခါမှာလည်း ဘုရားသခင်တရားတဲ့ အတိုင်းပဲ စီရင်ပါ။ ဘုရားသခင်ရဲ့ဖြောင့်မတ်ခြင်းတရားအတိုင်းသာ လုပ်ဆောင်မယ်ဆိုရင် ကျွန်ုပ်သည် ကယ်နုတ်ခြင်း ခံရမှာ ဖြစ်တယ်လို့ သူတောင်းလျှောက်တယ်။ ကျွန်ုပ်ဆုတောင်း ခြင်းကို ကိုယ်တော်နားညောင်းဖို့ အထူးလိုအပ်တယ် ဆိုတာကို ဖော်ပြတယ်။ နောက်ပြီးတော့ ဘုရားသခင်သည် ငယ်စဥ်အခါတည်းက ခိုလှုံရတဲ့ ကျောက်၊ ရဲတိုက်ဖြစ်တယ်။ ကျွန်ုပ်ကို ကယ်တင်မယ်လို့ အမိန့်တော်ရှိပြီးတော့ ကျွန်ုပ်ကျောက်၊ ရဲတိုက် ဆက်ဖြစ်ပေးပါလို့တောင်းလျှောက်တယ်။ မတရားတဲ့သူ၊ ဆိုးတဲ့သူ၊ ကြမ်းတမ်းတဲ့သူ၊ ကောက်ကျစ်တဲ့သူတွေလက်ထဲမှ ကယ်နုတ်ပါလို့ ဆက်လက် တောင်းလျှောက်တယ်။ သူ့ရဲ့ အဓိက အကြောင်းအရာက မတရားတဲ့သူ ကောက်ကျစ်တဲ့သူနဲ့ သူရင်ဆိုင်နေရတယ်။ မတရားတဲ့သူဆိုတာက သူလက်ထဲမှာ ဘာမှ ဥပဒေသမရှိဘူး သူစိတ်ထင်ရင် ထင်သလို အသက်အန္တရယ်ရှာနိုင်တယ်။ အချိန်မရွေးဖမ်းနိုင်တယ်၊ ပြန်လွတ်နိုင်တယ်၊ ပြန်ပြီးတော့ သတ်ဖြတ်တာလည်းဖြစ်နိုင်တယ်။ အဲ့ဒီလို မတရားတဲ့ သူလက်ထဲက သူ့ကို ကယ်နုတ်ပါလို့ တောင်းလျှောက်ထားခြင်းဖြစ်တယ်။ ဘုရားကို မျှော်လင့်တယ်၊ ငယ်စဥ်အခါကတည်း ကဘုရားကို ကိုးစားတဲ့အခါမှာ ကျွန်ုပ်အတွက်က အကုန်လုံးကချီးမွမ်းစရာဖြစ်နေတယ်၊ အချိန်တိုင်းမှာ ကျေးဇူးတော်နဲ့ ပြည့်စုံနေတယ်လို့ အခန်းငယ် ၆ မှာ ချီးမွမ်းခြင်းကို ပြန်လည် အစပြုထားပါတယ်။ ဆာလံအများစုသည် ဒုက္ခအခက်အခဲ အကြပ်အတည်းကြားထဲက ဘုရားသခင်ကို အော်ဟစ်ပြီး နောက်ဆုံးမှာ ချီးမွမ်းခြင်းများနဲ့ အဆုံးသတ်ထားတာကို ကျနော်တို့‌တွေ့ရတတ်ပါတယ်။ ဒုက္ခအခက်အခဲရှိတဲ့ အခါမှာ ကျနော်တို့ ဘုရားသခင်ကို ကယ်တင်ဖို့ဆုတောင်းဖို့လိုသလို၊ ဒုက္ခအခက်အခဲ ထဲကနေဘုရားသခင်ဘက်ကို မျက်မှောက်ပြုတဲ့ အခါမှာ လည်း ချီးမွမ်းစရာတွေကို ပိုပြီးတွေ့ကြုံရ ပါတယ်။ ဆင်ခြင်ရန် - အခက်အခဲ ကြားထဲက၊ အားလျှော့နေချိန်မှာ ဘုရားသခင်ကို အော်ဟစ်တောင်းလျှောက်ခြင်းသည် ချီးမွမ်းခြင်းများကိုယူဆောင်လာပေးနိုင်ပါသည်။ ဆုတောင်းရန် - အချိန်တိုင်းမှာ ကောင်းမြတ်တော်မူသော ဘုရားသခင် ကျွန်ုပ်တို့ အခက်အခဲ ကြားထဲမှအော်ဟစ်တောင်းလျှောက်ပါသည် နာညောင်းလျှက် ကယ်နုတ်တော်မူပါ။ အာမင်