Скачать с ютуб AAအတွက် အခက်ခဲဆုံးမြို့သိမ်းတိုက်ပွဲ | People's Spring в хорошем качестве

AAအတွက် အခက်ခဲဆုံးမြို့သိမ်းတိုက်ပွဲ | People's Spring

AAအတွက် အခက်ခဲဆုံးမြို့သိမ်းတိုက်ပွဲ ယောနသံ/People's Spring ရခိုင်ပြည်နယ်မှာ စစ်ကောင်စီစခန်းတွေကို တစ်ခုပြီးတစ်ခုတိုက်ယူနေပြီး မြို့တွေကိုဆက်တိုက်သိမ်းနေတဲ့ အာရက္ခတပ်တော် (AA)က ခက်ခက်ခဲခဲတိုက်ခိုက်သိမ်းယူခဲ့တဲ့ မြို့သိမ်းတိုက်ပွဲတစ်ခု ရှိပါတယ်။ ကမ္ဘာ့အလှဆုံးကမ်းခြေတွေထဲကတစ်ခုဖြစ်တဲ့ ငပလီကမ်းခြေရှိရာ သံတွဲမြို့ကို တိုက်ခိုက်သိမ်းပိုက် ခဲ့တဲ့တိုက်ပွဲဖြစ်ပါတယ်။ စစ်ကောင်စီရဲ့ ကြည်း၊ရေ၊လေစစ်ဆင်ရေးတွေကြားကနေထိုးစစ်ဆင်တိုက်ခိုက်ခဲ့ရတဲ့ သံတွဲမြို့သိမ်းတိုက်ပွဲဟာအာရက္ခဒေသ မြို့သိမ်းတိုက်ပွဲတွေထဲ ခက်ခဲတဲ့မြို့သိမ်းတိုက်ပွဲလည်းဖြစ်ခဲ့တယ်လို့ AA က ပြီးခဲ့တဲ့ဇူလိုင်လာထဲမှာ ထုတ်ပြန်ထားပါတယ်။ နိုင်ငံတစ်ဝန်း စစ်​ကောင်စီကိုခုခံ​တော်လှန်​​နေတဲ့ ​တော်လှန်​ရေး တပ်ဖွဲ့​တွေ အ​နေနဲ့ AA လို စစ်တပ်ရဲ့ကြည်း​ရေ​လေ ပူး​ပေါင်းတပ်​တွေကိုအံတုပြီး မြို့သိမ်းတိုက်ပွဲဆင်နွှဲ ခဲ့ရတာက အလွန်ရှားပါးတဲ့ဖြစ်ရပ်ဖြစ်ပါတယ် ။ သံတွဲ မြို့သိမ်းတိုက်ပွဲဟာ မဟာသင်္ကြန်ကာလဖြစ်တဲ့ဧပြီလ (၁၃) ရက်၊ နံနက်(၆) နာရီ (၁၀) မိနစ်တိတိမှာစတင်ခဲ့တာပါ။ သံတွဲမြို့အနီးက သူဌေးချောင်းရေအားလျပ်စစ်စီမံကိန်းရှိရာနေရာပတ်ဝန်းကျင်တွေက စစ်ကောင်စီစခန်းတွေကို AAက စတင် တိုက်ခိုက်ခဲ့တာပါ။ လင်းသီရွာ ၊ ရွှေလှေရွာနဲ့ ပတ်ဝန်းကျင်တွေမှာ တိုက်ပွဲတွေ ရက်ပေါင်းများစွာ အပြင်းအထန်ဖြစ်ပွားခဲ့ပါတယ်။ ဒေသခံတွေအနေနဲ့ ဘေးလွတ်ရာကို တိမ်း‌‌​ရှောင်ကြဖို့ AAကသတိပေးခဲ့ပါတယ်။ တိုက်ပွဲဟာ တရက်ထက်တစ်ရက်ပိုမိုပြင်းထန်လာပြီး မေလထဲမှာတော့ သံတွဲမြို့အနီးကိုရောက်ရှိလာပါတယ်။ ဒါအပြင် မေလအတွင်း တိုက်ပွဲတွေမှာ စစ်ကောင်စီအလွန်အထိနာပြီး သေဆုံးတဲ့ စစ်ကောင်စီတပ်ဖွဲ့ဝင်တွေကို ပြန်တောင်မကောက်နိုင်ဘဲ ကစဉ့်ကလျားထွက်ပြေးခဲ့ကြရပါတယ်။ ရုပ်အလောင်းတွေဟာ ချောင်းတွေ မြောင်းတွေထဲ မျောပါခဲ့သလို မိုးရွာလို့ မြေပေါ်ပေါ်လာတာတွေလည်းအများအပြားတွေ့ရှိခဲ့ရပါတယ်။ မေလကုန်ဇွန်လဆန်းပိုင်းမှာတော့ တိုက်ပွဲ​တွေဟာ သံတွဲမြို့ အနီးရောက်လာပြီး ငပလီကမ်းခြေဟိုတယ်ဇုန်ပတ်ဝန်းကျင်နဲ့ လေဆိပ်အနီးဝန်းကျင်မှာ ပြင်းပြင်းထန်ထန်ဖြစ်ပွားခဲ့ပါတယ်။အဲဒီနေရာတဝိုက်က ဂေါ့ရွာ၊ဆင်ခေါင်းရွာတွေကို စစ်ကောင်စီက လေကြောင်းကနေပြင်းပြင်းထန်ထန်တိုက်ခိုက်သလို လက်နက်ကြီးတွေ၊ ဒရုန်းတွေနဲ့လည်း တိုက်ခိုက်ခဲ့လို့ အရပ်သားသေဆုံးမှုတွေ၊ ထိခိုက်ဒဏ်ရာရတာတွေ၊ နေအိမ်ပျက်စီးတာတွေရှိခဲ့တယ်လို့ AAက ထုတ်ပြန်ခဲ့ပါတယ်။ တိုက်ပွဲအတွင်း စစ်ကောင်စီတိုက်ခိုက်မှုတွေကြောင့် သေဆုံးသူအရပ်သား ၁၀၀ခန့်အထိရှိတယ်လို့ လည်းသိရပါတယ်။ တိုက်ပွဲတွေပြင်းထန်နေစဉ်မှာ စစ်ကောင်စီက အရပ်သားပစ်မှတ်တွေကိုဦးတည်တိုက်ခိုက်နေတာကြောင့် သံတွဲ၊ ဘူးသီးတောင်၊ မောင်တောအပါအဝင် မြို့နယ်အသီးသီးမှာရှိတဲ့ နိုင်ငံတကာအဖွဲ့အစည်းတွေအ‌ နေနဲ့ လုံခြုံရေးအတွက် ဘေးလွတ်ရာသို့ ကြိုတင်ရွှေ့ပြောင်းထားကြဖို့နဲ့ အကယ်၍ စစ်ပွဲအန္တရာယ်ဇုန်ကြား ပိတ်မိခဲ့ပါက အချိန်မရွေး ဆက်သွယ်အကူအညီတောင်းခံနိုင်တဲ့ အကြောင်း(AA)က မေလ ၂၀ ရက်မှာ ထုတ်ပြန်ခဲ့ပါတယ်။ မုတ်သုံကာလ​ရောက်လာတဲ့အခါ သံတွဲမြို့သိမ်းတိုက်ပွဲဟာ ပိုပြင်းထန်လာခဲ့ပြီး သံတွဲမြို့ပတ်ဝန်းကျင်နေရာအများစုကို AAက ဇွန်လမှာ ထိန်းချုပ်နိုင်ခဲ့တယ်လို့ ​ဒေသတွင်းသတင်းဌာန​တွေက​ဖော်ပြကြ ပါတယ်။ ဒါပေမယ့် AAကတော့ တရားဝင်သတင်းမထုတ်ပြန်ခဲ့ဘဲ တိုက်ပွဲတွေဆက်လက်ဖော်ဆောင်နေခဲ့ပါတယ်။ သံတွံမြို့သိမ်းတိုက်ပွဲဟာ အစောပိုင်းမှာ ကြိုကြားကြိုကြားတိုက်ပွဲပုံစံဖြစ်ခဲ့ပေမယ့် မေနဲ့ဇွန်လမှာ နေ့နေ့တိုင်းနီးပါးပြင်းထန်နေခဲ့ကြောင်း၊ ဇွန်လအတွင်း နှင့် ဇူလိုင်လ ပထမအပတ်အတွင်း တိုက်ပွဲအရှိန်ဟာ အပြင်းထန်ဆုံးနဲ့ အမြင့်ဆုံးအချိန်ဖြစ်ခဲ့ကြောင်း AAက ဇူလိုင်လ ၇ ရက်မှာထုတ်ပြန်လာပါတယ်။ သံတွဲအခြေစိုက်တပ်ရင်း တွေဖြစ်တဲ့ ခမရ (၅၆၆) ၊ ခလရ (၅၅) တပ်ရင်းတို့အပြင် တပ်မ (၁၀၁) လက်အောက်ခံတပ်ရင်း ခလရ (၂၃၅)၊ ခလရ (၂၅၁)၊ ခလရ (၂၅၂)၊ ခလရ (၂၅၃)၊ ခလရ (၂၅၄)၊ ခလရ (၂၅၅)၊ ခလရ (၂၅၆)၊ ခလရ (၂၅၇)၊ ခလရ (၂၅၈)၊ ခလရ (၂၅၉) နဲ့ ခမရ (၃၁၅) (မိတ္ထီလာ-တမခ-၉၉) - လပခ ၊ ခမရ (၃၆၆) (မော်လိုက်-စကခ-၁၀-ကလေး) - နမခ၊ ဧရာဝတီအခြေစိုက် တပ်ရင်းအချို့၊ စစ်ကောင်စီရဲ့ သံတွဲဒေသခံ ပြည်သူ့စစ်တပ်ရင်းအချို့ နဲ့ Myanmar Navy SEALs တပ်ဖွဲ့ဝင်တွေပါ သုံးပြီး စစ်ကောင်စီကခုခံခဲ့တာလို့ ဆိုပါတယ်။ တပ်မ (၁၀၁) မှ တပ်ရင်း (၁၀) ရင်းစလုံး သံတွဲမြို့စစ်ဆင်ရေးမှာ ပါဝင်ခဲ့တယ်လို့ဆိုပါတယ်။ ဒါ့အပြင် ဘင်္ဂလားပင်လယ်မှာ တပ်စွဲထားတဲ့ ရေတပ်စစ်သင်္ဘော (၅) စီးကပါ စစ်ရေယာဉ်စု၊ ကွင်းဝိုင်း၊ သပြုချိုင်၊ ဂျိတ်တော စသည့်နေရာတွေကနေ လက်နက်ကြီးပစ်ကူ၊ လေကြောင်းပစ်ကူ၊ ဒရုန်းတိုက်ခိုက်မှု အမြောက်အမြား ပစ်ကူပေးပြီး ကြည်း၊ ရေ၊ လေ စုပေါင်းပြီး အသည်းအသန် ခုခံကာကွယ်နေခဲ့တယ်လို့ ဆိုပါတယ်။ အဲဒီလိုတိုက်ပွဲတွေကြားကနေ သံတွဲအခြေစိုက် ခမရ (၅၆၆) တပ်ရင်းကို ၂၀၂၄ ခုနှစ်၊ ဇွန်လ (၂၇) ရက်၊ ညနေပိုင်းမှာ သိမ်းပိုက်ရရှိခဲ့ပါတယ် ။ ခမရ (၅၆၆)ကို လက်လွှတ်လိုက်ရတဲ့ နောက်ပိုင်းတွင် စစ်ကောင်စီက သံတွဲ၊ လေဆိပ်၊ လေဆိပ်အနီးအဆောက်အအုံ တွေနာမည်ကြီးဟိုတယ်တွေထဲကနေ ခုခံခဲ့ပါတယ်။ ဒါပေမဲ့အဲဒီနေရာတွေအားလုံးကို ဇူလိုင်လ (၆) ရက်၊ နံနက်(၁၁) နာရီခန့်၊ငပလီ(မဇင်) လေဆိပ်အနီး လေဆိပ်အဆောက်အအုံနဲ့အနီးပတ်ဝန်းကျင်ကနေ အင်အား (၄၀၀) ခန့်နဲ့ ခုခံစစ်ဆင်နွှဲနေတဲ့နေရာများအားလုံးကို ဇူလိုင်လ (၅) ရက်၊ နံနက် အ​စောပိုင်းမှာ အပြီးသတ် သိမ်းပိုက်ခဲ့တယ်လို့AAကထုတ်ပြန်ခဲ့ပါတယ်။ အဲဒီတိုက်ပွဲတွေအတွင်း တပ်မ (၁၀၁)လက်​အောက်ကတပ်ရင်း အားလုံးကို AA က​ချေမှုန်းခဲ့ပါတယ် ။စစ်ကောင်စီအလောင်း (၄၀၀) ကျော်၊ လက်နက်ခဲယမ်း အများအပြားကိုသိမ်းဆည်းရ မိခဲ့ပြီး အလောင်းတွေကို ကောင်းမွန်စွာမြေမြှုပ်သင်္ဂြိုလ်ပေးခဲ့တယ်လို့ AAက ဇူလိုင်လ ၇ ရက်မှာ အသိပေးခဲ့ပါတယ်။ #ludunwayoo #လူထုနွေဦး #NewsUpdate 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴 𝗬𝗼𝘂𝗧𝘂𝗯𝗲 -    / @peoplespring   𝗙𝗮𝗰𝗲𝗯𝗼𝗼𝗸 -   / ludunwayoo   𝗪𝗲𝗯𝘀𝗶𝘁𝗲 - https://www.ludunwayoo.com/ 𝗜𝗻𝘀𝘁𝗮𝗴𝗿𝗮𝗺 -   / ludunwayoo   𝗧𝗲𝗹𝗲𝗴𝗿𝗮𝗺 - https://t.me/peoplespring