Скачать с ютуб ပင်လောင်းနှင့် ဖယ်ခုံမြို့နယ်တို့တွင် မြေမြှုပ်မိုင်းများအား ကာကွယ်ရေးတပ်ဖွဲ့ ရှာဖွေရှင်းလင်း в хорошем качестве

ပင်လောင်းနှင့် ဖယ်ခုံမြို့နယ်တို့တွင် မြေမြှုပ်မိုင်းများအား ကာကွယ်ရေးတပ်ဖွဲ့ ရှာဖွေရှင်းလင်း

ဂျူချန်း (မဇ္ဈိမ) ။ ။ရှမ်းပြည်နယ်၊ ဖယ်ခုံမြို့နယ်နှင့် ပင်လောင်းမြို့နယ်အတွင်း စစ်‌ကောင်စီတပ်များ ထောင်ထား ခဲ့သည့် မြေမြှုပ်မိုင်းများကို ကာကွယ်ရေးတပ်ဖွဲ့များက မိုင်းရှင်းလင်းရေး လုပ်ဆောင်နေကြရကြောင်း KNDF ထံမှ သိရသည်။ ဖယ်ခုံမြို့နယ်နှင့် ပင်လောင်းမြို့နယ်အတွင်းရှိ စလုံး(တောင်)ရွာနှင့် စလုံး(မြောက်)ကျေးရွာများတွင် စစ်ကောင်စီတပ်ဖွဲ့များက တပ်စွဲခဲ့ခြင်းဖြစ်ပြီး ၎င်းတို့ဆုတ်ခွာသွားချိန်၌ မြေမြှုပ်မိုင်းများ ထောင်ထားခဲ့ ခြင်းဖြစ်သည်ဟု ဆိုသည်။ “မိုင်းရှင်းတဲ့အခါမှာတော့ အန္တရာယ်အများကြီးရှိပါတယ်။ ကျနော်တို့ ခေတ်မှီနည်းပညာ၊ ခေတ်မှီ မိုင်းရှာ စက်တွေလည်း မသုံးနိုင်ဘူး။ မြေပြင်မှာရှိတဲ့ ရဲဘော်တွေကတော့ ကိုယ့်နည်းကိုယ့်ဟန်နဲ့ ရှာရပါတယ်။ ဒါပေမယ့် အများပြည်သူနေတဲ့ ရပ်ကွက်တွေမှာ မိုင်းတွေရှင်းပေးဖို့တာဝန်ရှိတဲ့အတွက် ခုလိုရှင်း နေရ တာဖြစ်ပါတယ်” ဟု KNDF ဗဟို သတင်းနှင့် ပြန်ကြားရေးဌာနမှ တာဝန်ရှိသူတဦးက မဇ္ဈိမကိုပြောသည်။ လက်ရှိအချိန်အထိ ရှာဖွေရရှိထားသည့် မြေမြှုပ်မိုင်းအရေအတွက် အလုံး ၁၀၀ ခန့်ရှိသည်ဟု ဆိုသည်။ ပြီးခဲ့သည့် ဖေဖော်ဝါရီလ နောက်ဆုံးအပတ်မှစတင်ကာ စစ်ကောင်စီတပ်သည် ပင်လောင်း-ဖယ်ခုံဘက်သို့ အင်အားအလုံးအရင်းဖြင့် စစ်ကြောင်းထိုးလာပြီး မေလအထိ တိုက်ပွဲပြင်းထန်ခဲ့ရာ သုံးလကျော်ကြာပြီး နောက် စစ်ကောင်စီတပ်များ ပြန်လည်ဆုတ်ခွာသွားခြင်းဖြစ်ကြောင်း သိရသည်။ “ဇွန်လလောက်မှာ ထိတွေ့တိုက်ပွဲတွေ တဖြည်းဖြည်းနည်းသွားတော့ စစ်ကောင်စီတပ်တွေက တဖြည်း ဖြည်း ဆုတ်သွားတယ်။ ဆုတ်သွားတာကလည်း လုံးဝဥဿုံဆုတ်သွားတာမျိုးမဟုတ်ဘဲ PNO ထိန်းချုပ် တဲ့ရွာတွေမှာ PNO နဲ့တွဲပြီးရှိနေတာ” ဟု KNDF ဗဟို သတင်းနှင့် ပြန်ကြားရေးဌာနမှ တာဝန်ရှိသူတဦးက မဇ္ဈိမကိုပြောသည်။ သုံးလကျော် တိုက်ပွဲများအတွင်း စစ်ကောင်စီတပ်က လေကြောင်းတိုက်ခိုက်မှု အကြိမ်ရေ ၁၀၀ ထက် မနည်း လုပ်ဆောင်ခဲ့ရာ ပင်လောင်းမြို့နယ်၊ လုံးပင်ကျေးရွာအုပ်စု၊ စလုံး(တောင်)ရွာ၊ စလုံး(မြောက်)ရွာ၊ တောင်မဲသင်းနှင့် လုံးပျဥ်ကျေးရွာများတွင် စစ်ကောင်စီ၏ လေကြောင်းပစ်ခတ်မှုများကြောင့် နေအိမ် ၃၀၀ ကျော် ပျက်စီးခဲ့ရကြောင်း KNDF Pekhon Zone ၏ ထုတ်ပြန်ချက်အရ သိရသည်။ မိုးဗြဲ-ဖယ်ခုံ လမ်းပိုင်းတွင်လည်း စစ်ကောင်စီတပ်များက ယခင်တပ်စွဲထားသည့် နေရာများ၌ မြေမြှုပ်မိုင်း များ ထောင်ထားခဲ့သဖြင့် ကာကွယ်ရေးတပ်ဖွဲ့ဝင်များက မြေမြှုပ်မိုင်းများကို သံချောင်းများအသုံးပြုကာ ရှင်းလင်းနေကြကြောင်း သိရသည်။ သို့သော် မိုးဗြဲမြို့အဝင်နေရာများဖြစ်သည့် ညောင်ဝိုင်းရပ်ကွက်၊ စည်ကား(၃)၊ ဒုန်းဒူထန်နှင့် စက်တော်ရာ ရပ်ကွက်များတွင် စစ်ကောင်စီတပ်များ တပ်စွဲထားဆဲဖြစ်ရာ ဒေသခံများအနေဖြင့် နေရပ်ပြန်ရန် အဆင် မပြေကြသေးကြောင်း သိရသည်။ “ကျမတို့တော့ အဆင်ပြေသလိုနေရတယ်။ အိမ်ကထွက်လာတာ တလကျော်တော့ အိမ်လွမ်းပြီ။ လမ်းမ ကြီးအောက်ပိုင်းရပ်ကွက်မှာ မီးပြန်လာတော့ တချို့အိမ်ပြန်နေကြပြီ။ ကျမတို့လမ်းမကြီးအပေါ်ပိုင်း အရင် စစ်ဇုံကတော့ အိမ်ပြန်မအိပ်ရဲကြသေးဘူး။ မီးလည်းမလာသေးဘူး။ မီးလောင်သွားတဲ့အိမ်ကလောင်။ လက်နက်ကြီးကျလို့ နေလို့မရတဲ့ အိမ်လည်းရှိတယ်” ဟု မိုးဗြဲမြို့ခံတဦးက မဇ္ဈိမကိုပြောသည်။ လက်ရှိတွင် မိုင်းရှင်းလင်းရေး လုပ်ဆောင်နေဆဲကာလဖြစ်သောကြောင့် ပင်လောင်း-ဖယ်ခုံအစပ်ရှိ စလုံး(တောင်)ရွာ၊ စလုံး( မြောက်)ရွာနှင့် မိုးဗြဲမြို့မှ ပြည်သူများအနေဖြင့် နေရပ်ပြန်ခြင်းများ မပြုလုပ် ကြရန် KNDF Pekhon Zone က သတိပေးထားသည်။ စာတည်း။ ။ ဖူးသိမ်ကျ စာမူတည်းဖြတ်။ ။စောဖေ #ရှမ်းပြည်နယ် #ဖယ်ခုံမြို့နယ် #စစ်ကောင်စီတပ် #မြေမြှုပ်မိုင်း ----------------------------------------- @MizzimaTV မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U    / @mizzimanewstv   Subscribe now and join the Mizzima TV family to get insights into Burma's culture and people. Facebook | Myanmar Language - https://bit.ly/3BuWBSJ Facebook | English language - https://bit.ly/3d5g1V2 Facebook | Mizzima+TV - https://bit.ly/3eGNjdl Twitter - https://bit.ly/3Dbvqh1 Telegram - https://bit.ly/3RRn2rk Tiktok - https://www.tiktok.com/@mizzimadaily?... Get Mizzima TV App Free - https://onelink.to/jnuwak/ Website - https://www.mizzimaburmese.com/