Скачать с ютуб هل يتعرض نهر النيل لجفاف أنهار أوروبا ؟ в хорошем качестве

هل يتعرض نهر النيل لجفاف أنهار أوروبا ؟

قناة حياة بوك    / hayahbook   حلقات مقترحة أوروبا عطشانه    • جفاف أنهار أوروبا وغرق مدينة الاسكندرية   مصر وحرب تايوان    • مصر وحرب تايوان   اقتحام منزل الرئيس    • اقتحام منزل الرئيس   فى الوقت اللى الصين مشغولة فيه بتنفذ مناورات بالذخيرة الحية ضد تايوان.. وأمريكا مشغولة بتنفيذ مناورات بالذخيرة الحية ضد كوريا الشمالية والصين.. تفاجئ أمريكا والصين بجفاف أنهارهم.. نهر اليانغ تسي.. ده أطول نهر فى الصين وتالت أطول نهر فى العالم.. ونهر كولورادو فى أمريكا.. وده مسؤول عن توفير ماية الشرب لـ 40 مليون مكسيكى و7 ولايات أمريكية.. ده غير 10 أنهار تانيين فى أمريكا مهددين برده بالجفاف.. بيحاولوا يلحقوهم دلوقتى.. وبالتالى حضرتك بتدرك ان كارثة جفاف الأنهار اللى بتعيشها أوروبا واللى حكيتلك قصتها فى حلقة أوروبا عطشانه.. أمريكا والصين بيعيشوها دلوقتى.. ومش بس أمريكا والصين.. الموضوع وصل عندنا هنا فى الجزائر.. زى ما هحكيلك كمان شوية.. المهم هنعمل ايه وهنتصرف ازاى؟.. قالك اجرى بسرعه ابدءلى عمليات استمطار علشان نجبر السما انها تمطر.. الاستمطار ده شرحناه فى حلقة منفصله اسمها سرقة الأمطار لو حابب تعرف تفاصيل أكتر.. وهو انك ببساطة تطلع طيارات أو حتى تضرب صواريخ تغذى السحب بيوديد الفضة ومن خلال عملية كميائية معينة السحب دى بتتملى بالميه فالسما تمطر.. وفعلا طيروا الطيارات وأطلقوا الصواريخ فى أمريكا والصين علشان السما تمطر.. لكن المفاجأة كانت ان الموضوع محققش النتيجة المطلوبة.. محتاجين ميه أكتر بكتير.. ومع مرور الوقت وغياب المايه.. بدأت الصين تقفل مصانع وتجبر الناس على تقليل استهلاك الكهرباء.. قفلت مصانع فى 19 مدينة.. 19 مدينة كاملة فى الصين مصانعها اتقفلت.. من أشهر المصانع مثلا اللى عطلت Foxconn Technology Group ودى المسؤولة عن تصنيع منتجات شركة أبل فى الصين.. ومصانع تانيه مهمه زى تويوتا وفولكس فاغن.. وبالتالى انتاجهم للعربيات هيقل.. معاك بقى لحد ما الأنهار ترجع تتملى من جديد والصين تستعيد قدرتها على توليد الكهرباء من الأنهار.. فترجع من تانى المصانع دى تشتغل.. وهنا مصانع السيارات دى نفسها طلعت قالت ان تسليم العربيات للزباين هيقل خلال الفترة الجاية علشان تعمل حسابك لو ناوى تشترى عربية ولا حاجه.. طيب هو إغلاق المصانع ده لفترة محددة ولا مفتوحه؟.. الصين ردت وقالت ان المصانع دى هتفضل مقفولة بشكل مبدئى كده لمدة 6 أيام.. والله الوضع اتحسن ترجع تشتغل.. لو الوضع متحسنش مفيش قدامنا غير اننا نمد الفترة 6 أيام تانين وهكذا.. طيب يا صين حضرتك ليه اخترتى المصانع بالذات علشان تقفليها.. ليه مثلا مقطعتيش الكهرباء عن الناس فى البيوت وتفضل المصانع شغاله.. فردت الصين وقالت لأ.. الناس فى البيوت أولى.. خصوصا وان الأنهار جفت بسبب درجات الحرارة العالية.. ودرجات الحرارة دى لما عليت الناس جريت على التكييفات علشان تشغلها.. ولما زاد استخدام التكييفات زاد العبء على شبكة الكهرباء.. فمكنش قدامنا غير اننا نفاضل بين الناس والمصانع.. فقفلنا المصانع علشان نوفر الكهرباء للناس.. لكن حضرتك طبعا سيدى المواطن عارف يعنى ايه المصانع فى الصين تتقفل.. المصانع هى مصدر الدخل الأول لاقتصاد الصين.. وبالتالى قفل المصانع معناه انك طعنت الاقتصاد فى الصين بسكينه.. قصفت جبهته.. لكن حرفيا الصين مقدمهاش حل تانى.. وهنا السؤال المهم اللى حضرتك أكيد بتسأله لنفسك.. هى الصين لما تعطش.. وتواجه فقر فى مصادر الطاقة.. ومصانعها تقفل.. هتقدر تحارب؟.. هتقدر تغزو تايوان؟.. هتقدر تواجه الجيش الأمريكي فى المحيط الهادئ؟.. ومش بس كده.. أمريكا نفسها اللى بتعانى دلوقتى من نفس جفاف الأنهار اللى بتعانى منه الصين وأوروبا.. واللى هحكيلك تفاصيله دلوقتى.. هل هتقدر تحارب الصين؟.. هل هتقدر تكمل حربها ضد روسيا فى أوكرانيا؟.. وهل وصول الجفاف للجزائر.. معناه اننا كمان معرضين لنفس الجفاف؟.. أقولك الله ينور عليك.. هى دى الأسئلة المهمه.. تعالا بقى نجاوب.. لكن قبل ما أجاوبك.. اسمحلى أرحب من جديد برعاية قناة حياة بوك لحلقة النهاردة.. قناة حياة بوك واحده من أفضل قنوات التاريخ على السوشيال ميديا.. واللى بتقدم تاريخ الحكام والدول بأسلوب سهل وممتع فى نفس الوقت.. والجميل انها متوثقة فعلا.. ده غير ان الشباب اللى شغالين على القناة مقدمين محتوى ديني مهم جدا.. عبارة عن مسلسل للأنبياء لأول مرة بشرح سهل وبسيط.. مسلسل حلو ومبذول فيه مجهود كبير سواء فى الرسم والجرافيك أو حتى الكتابة.. أنا عارف ان الناس اللى بتحب التاريخ هيعجبهم محتوى القناة هناك جدا.. علشان كده أنصحكوا تتابعوها لأنكم هتستفيدوا كتير.. تقدروا تشتركوا على قناة حياة بوك علشان يوصلكم إشعار بكل حلقاتهم الجديدة.. رابط القناة هتلاقوه في صندوق الوصف.. تعالا بقى نشوف حكاية جفاف انهار الصين وأمريكا.. الصين بتعتمد على الأنهار فى رى الأراضى علشان المحاصيل اللى بتوفر لهم الأكل.. وفى توليد الكهرباء للمصانع اللى هى أساس الاقتصاد الصينى.. الصين ورشة صناعة العالم.. فتخيل بقى لما الصين تخسر مصانعها.. تبقى ولا حاجه.. لكن تفاجئ الصين بإنها بتتعرض لأسوأ موجة حرارة حصلت لها من 60 سنة فاتو.. ومش ده الخطير.. الأخطر من كل اللى فات ان خبراء الطقس فى الصين بيتوقعوا ان موجة الحرارة وجفاف الأنهار ده ممكن يستمر لـ 20 سنة جايين.. أبوحميد انت بتقول ايه؟.. جفاف الأنهار فى الصين هيستمر 20 سنة جايين؟.. أقولك مش أنا اللى بقول.. خبراء الطقس فى الصين هما اللى بيقولوا والمصادر هسيبهالك فى وصف الحلقة تقدر تراجع كلامهم.. من المصادر https://on.wsj.com/3KgKuLQ https://on.wsj.com/3ToFJ7k https://on.wsj.com/3clPdzy https://bit.ly/3PL7mEC https://bit.ly/3pGNNCH https://bit.ly/3pEJnMA https://bit.ly/3wnDSpi https://bit.ly/3QNqp2i https://bit.ly/3QLx4db #المواطن_سعيد #نهر_النيل #جفاف_الأنهار