Скачать с ютуб Gartmore Falls | Lower Gartmore | Muskeliya | Maussakelle | Castlereigh в хорошем качестве

Gartmore Falls | Lower Gartmore | Muskeliya | Maussakelle | Castlereigh

ගාට්මොර් හැටන් - දික්ඔය - නෝවුඩ් - මස්කෙළිය - ගාට්මෝර් ගිනිගත්හේන - නොර්ටන් - කාසල්රී - නෝවුඩ් - මස්කෙළිය - ගාට්මෝර් ගිනිගත්හේන - නොර්ටන් - මස්කෙළිය - ගාට්මෝර් ගාට්මෝර් වෙත ලඟා වීමට ඉහත ගමන් මාර්ග කිපයම භාවිතා කළ හැකිය. මෙම මාර්ග කීපයම කාසල්රී හා මාවුස්සාකැලේ ජලාශ හරහා තේ වතු මැදින් වැටී ඇති සුන්දර ගමන් මාර්ගයන්ය. මෙම මාර්ගයන්ගෙන් අප තොරා ගනු ලැබුයේ කාසල්රී හා මාවුස්සාකැලේ යන ජලාශයන් දෙකම අතරින් වැටී ඇති ඉහත දෙවනියට දක්වා ඇති මාර්ගයයි. විශාලා තේ වතු හාරහා වැටී ඇති මෙම මාර්ගය හඳුන්වන්නේ කැරොලිනා නොර්ටන් මර්ගය නමිනි. මෙම මාර්ගයේ යන විට තේ වතු වල සුන්දරත්වය වගේම කාසල්රී වේල්ල සහ ජලාශය දෙකම බලාගත හැකි වේ. ඒ වගේම‍ෙ තේ වත්තක් මැදින් කාසල්රී ජලාශය වෙත යා හැකි අලංකාර නැරඹුම් ස්ථානයක් ද හමුවනවා. අනතුරුව මස්කෙළිය පසුකරන විට හමුවන්නේ මාවුස්සාකැලේ ජලාශයයි. මෙම මාර්ගයද විශාලා තේ වතු මැදින් දිවන අලංකාර මාර්ගයකි. ජලාශයේ ඈත කොනින් සමනල කන්ද බොහොම අපුරු දැකගත හැකි වේ. මෙම ප්‍රදේශයන්හි වැඩිපුර වාසය කරන්නේ වතුකර දමිල ජනතාවයි. ඔවුන්ගේ වතු නිවාස කෝවිල් පුද පුජා වැනි සංස්කෘතිකාංග රැසක්ම යන අතර මග දී දැක ගත හැකිය. අනතුරුව පිවිසෙන්නේ ගාට්මෝර් වතුයාය වෙතටය. ගාට්මෝර් කියන්නේ වචනයෙන් විස්තර ක්රන්න බැරි අලංකාර චිත්‍රයක් වැනිය. ගාට්මෝර් වතුයාය සෑම දෙසින්ම දිස්වන්නේ මාවුස්සාකැලේ ජලාශයයි. ජලාශයේ ඉවුරට පා තබන විට වම් පසින් ගාට්මෝර් වතුයාය හරහා ගලා හැලෙන ගාට්මෝර් ඇල්ලත් දකුණු පසට වන්නට තුරු ලතා මැදින් ගලා හැලෙන මරේ ඇල්ලත් අපුරුවට දැක බලා ගත හැකිය. මෙහි විශේෂත්වය වන්නේ දිය ඇලි දෙකම මාවුස්සාකැලේ ජලාශයට වැටෙන පරිදි නිර්මාණය වී තිබීමයි. එකම කන්දක ළඟින් පිහිටි දියඇලි දෙකක් සෘජුවම ජලාශයට පතිත වීම ඉතා දුර්ලබ චමත්කාර දසුනකි. මාරේ ඇල්ල වෙත පිවිසීමට නම් නල්ලතන්නිය දෙසින් පැමිණිය යුතුය. ගාට්මෝර් ඇල්ල පහළ සිට නැරඹීමට ගාට්මෝර් වතුයාය හරහා පහලට වැටි ඇති මාර්ගයේ යායුතුය. මෙම මාර්ගය වතුයායේ තේ දළු ප්‍රවාහනයට යොදා ගන්නා මාර්ගයක් බැවින් අබලන් තත්වයේ පතී. යතුරු පැදි හෝ උසින් වැඩි වාහනයක පැමිණෙන්නේ නම් ඇල්ල ආසන්නයටම ගමන් කළ හැකිය. නැතහොත් වාහන මග නවතා 1km පමණ පයින් ගමන් කළ යුතුවේ. කෙසේ නමුත් එසේ යන මග ගෙන එනුයේ ආකර්ශනීය සුන්දර දසුන් පෙලකි. දිය ඇලි දෙකම එකම ස්ථානයේ සිට නැරඹිය හැකි ස්ථානයක් ද මේ අතර මග හමුවේ. සමනල අඩවියෙන් ආරම්භවන ගාට්මෝර් ඇල්ල උසින් මීටර් 25 පමණ වේ. ඇල්ල පාමුලටම යා නොහැකි අතර මෙහි පහල ඇති ජල තටාකය ඉතා ගැඹුරු බව කිය යුතුය. වතු අධිකාරියේ ද පාලනයෙන් යුතු බැවින් ඊට අනුගතව ක්‍රීයා කිරීම අපගේද වගකීම වේ. ගාට්මෝර් ඇල්ල උඩ කොටසට පැමිණිමට ගාට්මෝර් මාර්ගයේ අවසානය දක්වාම ආ යුතුය. ඉන්පසු වැටි ඇති මාර්ගයේ 1km පමණ ගොස් වතු ඉහල කෙළවරින් වැටි අති මාර්ගයේ මීටර් 500 පමණ පයින් ආ යුතුය. අවශ්‍යය කෙනෙකුට ත්‍රී රෝද රථයකින් මෙම ආසන්නයට ලඟා වීමේ පහසුකම් ඇත. මෙම ස්ථානය දිය නා විනෝද වීමට වගේම කඳවුරු බැඳිමටද සංචාරකයින් අතර ප්‍රසිද්ධියක් උසුලයි. විශේෂයෙන් සති අන්තයන්හි මෙහි සංචාරකයින් බහුලවේ. ඇල්ල කඩා හැලෙන ආසන්නයටම ගොස් නැරඹිය හැකි වීම මෙහි ඇති විශේෂත්වයි. සීතල කාලගුණය‚ නිල් අහස සහ තේ වතු වලින් වටවී ඇති මාවුස්සාකැලේ ජලාශය ගාට්මෝර් ඇල්ල ට වගේම අවට පරිසරයට එක්කරනු අමුතුම වු සුන්දරත්වයකි. සංචාරකයින් බහුල පැමිණීම පරිසරයට යම් තර්ජනයක් ඇතිව තිබුනද ඇල්ලේ සුන්දරත්වයනම් එයින් අඩුවක් වී නොමැත. ඔබටද පරිසර හිතකාමියකු ලෙස මෙහි පැමිණ සුන්දරත්වය දැක බලා ගන්නා ලෙස ඇරයුම් කරමි. Dilum Hemachandra Life on the Travel