Скачать с ютуб Ellawala Waterfall | Alikota Ara Reservoir | Kaluwala Ella | Wellawaya в хорошем качестве

Ellawala Waterfall | Alikota Ara Reservoir | Kaluwala Ella | Wellawaya

ඇල්ල වල : ඇල්ල - වැල්ලවාය මර්ගයේ 3 km පැමිණ අලිකොට ආර මාර්ගයේ ජලාශය පසුකර මද දුරක් ඉදිරියට එන විට ඇල්ල වලට පිවිසුම් මාර්ගය හමුවේ. වැල්ලවාය නගරයේ සිට 6 km. ඇල්ල වලට පිවිසුම් මාර්ගය දක්වා අපහසුවකි තොරව වාහනයකින් ලඟා විය හැක. නමුත් ඉන් අනතුරුව මාර්ගය තරමක් දුෂ්කර බැවින් වාහන මග නවතා යායුතුය. යතුරුපැදි සහ උසින් වැඩි වාහනයක් නම් මේම මාර්ගයේ ඉහලටම යා හැකිවේ. කෙසේ නමුත් ඇල්ල නැරඹිමට 500 m පමණ ගල් වැටි මැදින් වැටී ඇති අඩි පාරේ යායුතුය. මෙය නොගැඹුරු ජලය සහිත ජනප්‍රිය නාන ස්ථානයක් වුවද, තටාකයට ජලය කඩා හැලෙන තැන වැලිපර සහිත ගැඹුරු කුහරයක් ඇත. ඒ නිසා දිය ඇල්ල යටට යාම මාරාන්තිකයි. මේ වන විට මෙහි දිය නෑමට ගොස් අහිමි වු ජීවිත ප්‍රමාණය විශාල සංඛ්‍යාවකි. සුන්දර දිය ඇල්ලක් වුවද වර්ෂාපතන කාලයට ඇල්ල ඉතා රෞද්‍ර ස්භාවයක් ගන්නා අතර අවට ප්‍රදේශයම පිනි බිදු වලින් වසා ගනී. කඳුකරයට පතිත වන කුඩා වර්ෂාපතනයකට වුවද ඇල්ල ඉතා ඉක්මනින් සක්‍රිය වන බැවින් මෙහි දිය නෑමේදී මේ පිළිබඳ සැලකිලිමත් විය යුතුය. අනතුරු බහුල ස්ථානයක් බැවින් මෙහි පැමිණෙන අයගේ ආරක්ෂාව හේතු කොට ගෙන පොලිස් ජීවිත ආරක්ෂක කණ්ඩායමක්ද ස්ථාපිත කර තිබේ. දිය නාන්නේ නම් ඔවුන්ගේද උපදෙස් වලට අවනත වීම වැදගත්ය. මේ වන විට දේශීය මෙන්ම විදේශීය සංචාරකයින්ගේ ද සිත් ඇද ගන්නා සුලු ස්ථානයක් වී ඇත. අලිකොට ආර ජලාශය : ඇල්ල වැල්ලවාය මර්ගයේ 3 km පමණ එනවිට අලිකොට ආර මාර්ගයේ 2 km පමණ එන විට හමුවේ. අලිකොට ආර ජලාශය උමා ඔය ජල විදුලි ව්‍යාපෘතියේ බහුකාර්ය සංවර්ධන ව්‍යාපෘතියක් ලෙස හඳුන්වන්න පුලුවන්. ඇල්ල වලින් ගලා යන ජලය සහ අලිකොට ආර දොලෙන් ජලාශය පොෂණය වේ. මේ ජලාශය මගින් අවට කෘෂිකාර් මික අවශ්‍යතාව සඳහා ජලය මුදා හරිනු ලබනවා. ජලාශ වේල්ල උඩට ගිය විට අලංකාර දර්ශනයක් දැක ගත හැකි වේ. ජලාශය මැද තිබෙන මුල් බැසගත් දිරාපත් වු වෘක්ෂයන් වැඩි සුන්දරත්වයක් එක් කරනු ලබනවා. ඒ වගේම ඈතින් බදුල්ල දිස්ත්‍රිකයට අයත් කඳු පන්ති ඉතා මනරම්ව දැක ගත හැකි වේ. සංචාරකයින්ට මෙහි සිටින ආරක්ෂක නිලධාරිතුමන්ගේ අවසර ගෙන ජලාශය නැරඹිමට අවස්ථාව තියෙනවා. ඇල්ල වැල්ලවායේ සැරිසරන සංචාරකයින්ට ඉතා හොඳ නැරඹුම් ස්ථානයක් ලෙස අලිකොට ආර හඳුන්වන්න පුලුවන්. කලු වල ඇල්ල : වැල්ලවාය කොස්ලන්ද මාර්ගයේ 2 km එන විට (අයිස් පීල්ල) ජලය පිරිසිදු කරන මධ්‍යස්ථානය අසලින් පහලට ගමන් කළයුතුය. අයිස් පීල්ල හරියේ තිබෙන සැඟවුන කුඩා දිය ඇල්ලක් වගේම දිය නෑමට යෝග්‍ය ස්ථානයක්. මෙයට ලඟා වීමට ජලය පිරිසිදු කරන මධ්‍යස්ථානයට ජලය රැගෙන එනු ලබන ඇලට සමාන්තරව වැටි ඇති අඩි පාර දිගේ 500 m පමණ ගමන් කළයුතු වේ. මෙහි ගිය විට කලු වලට ඇද හැලෙන කුඩා දිය ඇල්ල දැකගත හැකිය. කලු වල අඩි 15 පමණ ගැඹුර බව තමා දැන ගන්න ලැබුනේ. දිය නානවනම් තමන්ගේ ආරක්ෂාව ගැන සැලකිලිමත් වන එක වාඩාත් හොඳයි. ඇල්ල උඩ ඉදන් කලු වලට පනින්න වුනත් පුලුවන්. කොහොම වුවත් මේ ස්ථානය පිළිබඳව අවබෝධයක් තිබෙන පුද්ගලයකු නොමැතිව අවධානමක් නොගත යුතුයි. අපත් සමඟ ප්‍රදේශයේ හිතවත් මිතුරකු ගමනට එක් වුන නිසා මේ ස්ථානය පහසුවෙන් සොයාගන්න පුලුවන් වුනා වගේම ආරක්ෂාවත් සැලසුන බව කිය යුතුයි.