Скачать с ютуб နေ့စဥ်ဝတ်ပြုခြင်းအလင်းပြ “ဒုက္ခဆင်းရဲမှ ငြိမ်းချမ်းခြင်းနှင့် ပျော်ရွှင်ခြင်းဆီသို့” အပိုင်း(၅) в хорошем качестве

နေ့စဥ်ဝတ်ပြုခြင်းအလင်းပြ “ဒုက္ခဆင်းရဲမှ ငြိမ်းချမ်းခြင်းနှင့် ပျော်ရွှင်ခြင်းဆီသို့” အပိုင်း(၅)

နေ့စဥ်ဝတ်ပြုခြင်းအလင်းပြ “မျက်နှာတော်ကိုမလွှဲ၊ အော်ဟစ်သောအခါ နားထောင်တော်မူပြီ။” “He does not hide his face from him, but he hears him when he cries out to him.” အဓိကအချက် - “ဒုက္ခဆင်းရဲမှ ငြိမ်းချမ်းခြင်းနှင့် ပျော်ရွှင်ခြင်းဆီသို့တိုးဝင်ခြင်း။” – “A struggle from the gloom of adversity to peace and joy.” အပိုင်း(၅) ဖတ်ရန်ကျမ်းချက် - ဆာလံကျမ်း ၂၂း၂၂-၂၅ “ထာဝရဘုရားမိန့်တော်မူသည်ကား၊ နှစ်သက်ဖွယ်သောအချိန်၌ သင်၏စကားကို ငါနားထောင်ပြီ။ ကယ်တင်ရာကာလ၌ သင့်ကိုမစပြီ။ သင့်ကိုလည်း ငါစောင့်ရှောက်၍၊ သင်သည် ပြည်တော်ကို ပြုပြင်လျက်၊ ဆိတ်ညံသော အမွေခံရာအရပ်တို့ကို အမွေပေးစေမည်အကြောင်း၊-” (ဟေရှာ၊ ၄၉း၈) ဆာလံဆရာသည် ခက်ခဲနက်နဲတဲ့အခြေအနေထဲမှ ဆက်လက်ပြီး၊ ဘုရားသခင်ဘက်ကို မျက်နှာပြုအော်ဟစ်တဲ့အခါမှာ နောက်ဆုံး ကိုယ်တော်ကို ချီးမွမ်းပါတယ်။ သူကိုယ်တိုင်ချီးမွမ်းတာလောက်သာ မဟုတ်ပဲ သူ့ပရိသတ်တွေကို ချီးမွမ်းဖို့တိုက်တွန်းတယ်၊ ပရိသတ်အလယ်မှာ ချီးမွမ်းတယ်၊ ထာဝရဘုရားကို ကြောက်ရွံ့သောသူတို့၊ ယာကုပ်အမျိုး၊ ဣသရေလအမျိုးအပေါင်းတို့လည်း ဘုရားသခင်ကိုချီးမွမ်းဖို့သူတိုက်တွန်းတယ်။ အကြောင်းမူကား “နှိမ့်ချလျက်ရှိသောသူ၏ နှိမ့်ချသောအဖြစ်ကို မထီမဲ့မြင်ပြုတော်မူသည် မဟုတ်” လို့ရေးသားထားတယ်။ နှိမ့်နေတဲ့သူကို ဘုရားသခင်သည် မထီမဲ့မြင်မပြုဘူး၊ ဂရုပြုတယ်၊ အလေးအနက်ထားတယ်၊ နောက်ပြီးတော့ “မျက်နှာတော်ကိုမလွှဲ၊ အော်ဟစ်သောအခါ နားထောင်တော်မူပြီ။....”။ ဘုရားသခင်ကို အော်ဟစ်တဲ့အခါဘုရားသခင်သည် နားထောင်ကို နားထောင်တော်မူတယ်။ မျက်နှာတော်ကို လွဲတဲ့ဘုရားမဟုတ်ဘူးဆိုတာကို သူသိတယ်၊ သူသက်သေခံတယ်၊ အဲ့ဒီတော့ မဟာပရိသတ်အလယ်မှာ ချီးမွမ်းမယ်၊ ကိုယ်တော်ကို ကြောက်ရွံ့သောသူတို့ရှေ့မှာ၊ သစ္စာကတိထားသည်အတိုင်း သစ္စာဝတ်ကို ဖြေမယ်လို့ ဆက်လက် သက်သေခံချီးမွမ်းပါတယ်။ ကိုယ်တော်နဲ့ပြန်ပြီး သစ္စာဝတ်ကို ဖြေရမယ့်အချိန်ရောက်ရှိလာမှာဖြစ်တယ်။ ကျွန်တော်တို့အသက်တာမှာ လည်းအခက်အခဲတွေ၊ ဒုက္ခတွေ၊ ဆင်းရဲမှုတွေကျရောက်တယ်။ မကယ်မနုတ်နိုင်အောင် အခြေအနေမှာရှိသော်လည်းပဲ နှိမ့်ချလျှက်ရှိတဲ့သူတွေကို မထီမဲ့မြင်မပြုတတ်တဲ့၊ အော်ဟစ်တဲ့လူတွေရဲ့အသံကို နားထောင်တတ်တဲ့ ဘုရားသခင်သည်၊ အချိန်တန်ရင် ကျွန်တော်တို့ကို ကောင်းမြတ်တဲ့ မြင်မြတ်တဲ့ ကယ်တင်ခြင်း၊ လွတ်မြောက်ခြင်း၊ ရွေးနုတ်ခြင်းနဲ့ လွတ်မြောက်စေမှာ ဖြစ်တယ်ဆိုတာကို သိမှတ်ဝန်ခံချီးမွမ်း ဆုတောင်း ဆက်ကပ်ကြပါစို့။ ဆင်ခြင်ရန် - ဘုရားသခင်ထံ အော်ဟစ်တောင်းလျှောက်သံများကို ဘုရားသခင် နားထောင်သည်။ မျက်နှာတော်ကိုလွဲခြင်း မပြုပါ။ ဆုတောင်းရန် - မေတ္တာတော်ရှင်ဘုရားသခင် နှိမ့်ချလျှက်ရှိတဲ့သူတွေကို မထီမဲ့မြင်မပြုတတ်တဲ့ သခင်ဘုရား၊ အော်ဟစ်တဲ့လူတွေရဲ့အသံကို နားထောင်ပြီး၊ ကိုယ်တော့်ရဲ့အချိန်အတိုင်း ကောင်းမြတ်တဲ့ မြင်မြတ်တဲ့ ကယ်တင်ခြင်း၊ လွတ်မြောက်ခြင်း၊ ရွေးနုတ်ခြင်းနဲ့ လွတ်မြောက်စေတော်မူပါ။ အာမင်