Скачать с ютуб اربع حاجات اوعي تقوليها للنرجسي в хорошем качестве

اربع حاجات اوعي تقوليها للنرجسي

رقم واتس اب الحجز وشراء كتاب التشافي من العلاقة النرجسية 00971568496791 لينك الواتس اب https://wa.me/message/MKKOMJ3C77WMB1 حجز الاستشارات : https://kawtharsanad.com/ ما عليك سوى الانتساب إلى هذه القناة للاستفادة من المزايا:    / @user-id-kawthers-sanad   أربع حاجات اوعي ابدا تقوليهم للنرجسي أحيانا بتحسي انك حيجرالك حاجة من الغيظ وحتموتي وتنفجري في النرجسي وعايزة تاخدي حقك وخصوصا اول مابتعرفي انه نرجسي وشخص مزيف وكداب وهو طول الوقت بيتهمك بكل اللي بيعمله .. استني بس اوعي تنفجري ١- أول حاجة قلناها قبل كده بس مهمة جدا ولازم نؤكد عليها ولان لسة لحد الان حالات بتيجي تقول لي انها قالتها له واللي هي إنت نرجسي ، حالة واحدة بس ممكن تقولي له دة لو انتي مقررة تمشي نهائيا وتخرجيه برة حياتك . غير كدة انتي بتجازفي ، المشكلة ان انتي اول ما بتعرفي الحقيقة دي بتبقي عايزة تقولي له إنت نرجسي مزيف كذاب عديم الإحساس و عايزة تقولي لكل الناس الحقيقة ودة حقك طبعا ودة طبيعي لكن احنا عارفين ان ليس الشديد بالصرعة ولكن الشديد من يحكم نفسه عند الغضب ، فهنا بقى لازم تكوني شديدة لان لحظة الغضب دي ممكن تسبب لك اذى من شخص مختل وظيفيا على مدى طويل ليه؟ لانك لما تستسلمي لغضبك وتعريه ادام نفسه انتي مش هتستفيدي أي حاجة يعني هو ولا حيتأثر ولا حيتكسف من نفسه مثلا ولا هيتصدم لأ عادي جدا هو نرجسي زي ما هو حيتلاعب بيكي وحيقلب عليك التربيزه هيقول لك إنت إللي نرجسية ولو هو بقى متلاعب شاطر ومتمكن فإنت حتقتنعي فعلا إن إنتي نرجسية وحشة وحتقومي من القعدة دي وإنت مصدقة إنك غلطانة ومريضة نفسيا ودة كلام حقيقي وكتير حالات بتيجي تقول لي انا تقريبا اللي نرجسية ومقتنعة تماما انه طيب وغلبان وهي شكاكة ومفترية وعصبية ومسودة عيشته وهو أصلا خاينها عشرين مرة ومعاها اثباتات على الخيانة وواحدة منهم مثلا قفشته في بيتها مع واحدة ومع ذلك قدر يقنعها انها شكاكة وظالمه وهي اللي نرجسية ٢- تاني حاجة ابدا ماتقوليهاش للنرجسي انك فاهمة التلاعب اللي بيعمله معاكي ليه؟ لان بعض النرجسيين من الغباء وطمس البصيرة وعدم الوعي وعدم الادراك بيكون بيعمل الجاسلايتينج مثلا لمجرد انها وسيلة للدفاع عن نفسه وشايف انه بيدافع عن نفسه ومش فاهم ان دة أسلوب تلاعب ممكن يجنن الضحية ولكن هو شايف انه طريقة بيها بيقدر ينجو بفعلته دايما وغالبا بيكون خارج من بيئة كلها تلاعب ودة شيء عادي فيها ومتعايشين معاه فبيتصرفه بشكل تلقائي وفي الحالة دي انتي لما تقولي له انت بتعمل واحد اتنين تلاتة وتفهميه اللي هو بيعمله بينتبه ان فيه طريقة ممكن تجننك لو اتقنها وطورها ودة اللي بيحصل عادة ، النرجسي حيتحول من التلاعب اللاواعي ودة غالبا بيكون في الاطياف الخفيفة يعني نرجسي خفيف ومتوسط للتلاعب الواعي وهنا بيحصل تطور للنرجسية وبيتحول لنرجسي خبيث قاصد ومتعمد الأذى (دة ملوش علاقة بمحاولة العلاج والكلام دة لان بيكون له تقنيات معينة في المواجهة والتعرية وكل دة بيكون بخطوات محسوبة) فلو انتي ناوية تكملي مع النرجسي ابدا ماتفهميهوش انك فاهمة أساليب التلاعب بتاعته و كمان لو هو أصلا خبيث وفهم انك فاهماه حيعلي التلاعب ويزود عليكي وحيزيد في الحيطة والحذر وحتبقى حرب ضروس انتي في غنى عنها ، او انه حيسيبك ويمشي فورا طالما انكشف كدة ادامك ٣- احنا فاهمين ان النرجسي لما نحب انه يعمل حاجة نقول له عكسها ودة فعلا حقيقي لكن دة مش مفروض يكون بشكل مباشر ومش في كل حاجة ، يعني مثلا انتي مش عايزاه يستخدم اولادك في استفزازك بانه يخانقهم طول الوقت تقومي تتخانقي انتي معاهم ادامه وباتفاق مع الأولاد (الكبار مش الأطفال) ، لو مش عايزاه يتأخر برة قولي له ايه دة جيت بدري يعني؟ او خد راحتك انا حنام بدري أصلا بس ماتعملش دوشة لما ترجع لو عايزاه يصحيكي عشان تعرفي رجع امتى ولو مش عايزاه يقلقك تقولي له ابقى صحيني لما تيجي عشان أقوم اصلي ، حاجات زي كدة لكن تروحي تقولي له انت عمرك ماحتتغير مثلا عشان يتغير لا دة مش حيشتغل معاه لان كدة انتي بتوجهي اتهام مباشر انه فيه حاجة غلط ومحتاج يغيرها وكدة انتي بتغلطي في عظمته ودة بيعمل تأثير عكسي وخناقة وقلب ترابيزة واتهامات وتلاعب ملوش أي لازمة فلا تقولي له محتاج تتغير ولا محتاج تتعالج ولا أي كلام من هذا القبيل طيب امال ازاي نتعامل مع البني ادم دة ننكتم خالص ومانتكلمش نتغاظ ومانغيظهوش؟ اكيد لا لكن اذا انتي ناوية تعيشي لازم يكون غيظك له مقنن ومحدد وله فايدة يعني احنا مش جايين نعمل مشاكل ولا ندخل معارك احنا جايين نصلح الوضع قدر المستطاع ونخلي الحياة هادية شوية فلازم تتعلمي ازاي يكون كلامك معاه من غير ماتثيري مشكلة تؤذيكي وتوتر الدنيا والأولاد يحسوا بيها ، حقول لك كام حاجة حتنفعك في الكلام مع النرجسي ١- اول حاجة لما تكلميه ابدأي بكلمة انا مش انت ، يعني بدل ماتقولي له انت بتكدب تقولي له ايه دة انا مش مصدقة اللي انت بتقوله دة ، او انا مش عارفة مفيش احتياج بيتم تلبيته ليا ، بدل انت عمرك مابتلب احتياجاتي ، او انا حاسة اني مش مسموعة ، بدل انت عمرك مابتسمعني ولا تديني اهتمام انتي كدة بتتقي شره وتحمي نفسك وتحمي اولادك من الهجوم المضاد اللي ممكن يعمله ، ٢- تاني حاجة الثبات الانفعالي ، الهدوء تجنبي الانفعال العاطفي تماما مع النرجسي عشان تكسبي الحوار وماتديهوش أي وقود ٤- رابع حاجة مش مفروض تقوليها إنها جسي أنا مش مسامحاك أول حاجة مش هيفرق معاه ولا هيتوجع ولا حيتأثر ، ثانيا هيقلب التربيزه عليكي وحتبقي غلاوية وصفراء ومش بتسامحي وقلبك اسود قاسي ومعندكيش إحساس عشان مش قادرة تسامحيه وهو أصلا معملش لكي غير كل خير وهو اللي مش مسامحك ومش حيسامحك وحياخد حقه منك وحيبدأ بقى يشكك في صلاتك وعباداتك 0:00-0:38 المقدمة 0:38-3:07 أنت نرجسي 3:07-6:00 أنتي فاهمة 6:00-10:06 مش كل حاجة العكس 10:06-10:51 أنا مش مسامحك 10:51-11:18 الخاتمة #صحةـنفسية #القوة #الاكتئاب #النرجسي #النرجسية