Скачать с ютуб 方皓玟獻唱：《你是你本身的傳奇》場面感人 《楚撚記大排檔呈獻 方皓玟LOST n FOUND演唱會》尾場 в хорошем качестве

方皓玟獻唱：《你是你本身的傳奇》場面感人 《楚撚記大排檔呈獻 方皓玟LOST n FOUND演唱會》尾場

由Sunny Idea主辦，Strawberry Fields合辦，《楚撚記大排檔呈獻 方皓玟LOST n FOUND演唱會》於昨晚假紅磡香港體育館舉行尾場，方皓玟（小明）在唱出經典大熱作時，全場一起大合唱，粉絲熱情的表現打動小明上台Encore，而完騷後她透露為個唱多次突破自己，成功克服畏高。 小明為了今次演唱會，有多番自我突破：「我有畏高，今次舞台有好多升降台，但原來為咗個騷，就算企喺升降台上，真係會忘我地唱歌。另外，跳Contemp（當代舞）我又未試過，去演繹一啲角色，跳舞加埋唱歌，要穩定地唱歌及表達到當中嘅訊息，我覺得好好玩。因為挑戰自己，有啲新鮮嘅嘢俾大家睇，係我想做到。」 個唱來到尾場，當小明的經典作品〈你是你本身的傳奇〉和〈假使世界原來不像你預期〉音樂前奏響起時，粉絲已主動開啟電話閃光燈揮動，台上熒光幕播放着現場觀眾的臉孔時，大家見狀都投入打招呼，彷如回應著小明，自豪地高呼「你是你本身的傳奇」，場面感人。小明事後表示：「自己唱呢兩首歌時，我覺得呢部份好有香港嘅氣味，好似共度咗一段時間之後大家互相認識，好似大家都有共同嘅回憶，亦都係互相支持對方，所以整個氣氛都好warm。雖然嗰度冇特別嘅舞蹈，但係呢部份嘅感動就係嚟自己大家有共同嘅感受，所以變咗大家一齊互相支持的時候，我自己都被感動。」 小明昨晚完騷後再度上台Encore，直言是受到觀眾熱烈反應打動，決定加碼獻唱報答歌迷，更連續唱了〈如果想我哭〉、〈無人像你〉及〈Life Is So Beautiful〉三首歌。最後，她邀請所有演出單位包括RubberBand、林家謙、章尾而和樂隊成員一同鞠躬謝幕，演唱會便在一片熱烈掌聲下圓滿結束。