Скачать с ютуб പരിശുദ്ധനായ യൽദോ മാർ ബസേലിയോസ് ബാവ/ കന്നി 20 പെരുന്നാൾ /കോതമംഗലം വിശുദ്ധ മാർത്തോമ ചെറിയപള്ളി/ в хорошем качестве

പരിശുദ്ധനായ യൽദോ മാർ ബസേലിയോസ് ബാവ/ കന്നി 20 പെരുന്നാൾ /കോതമംഗലം വിശുദ്ധ മാർത്തോമ ചെറിയപള്ളി/

1678 മുതൽ 1684 വരെ സുറിയാനി ഓർത്തഡോക്‌സ് സഭയിലെ കിഴക്കിന്റെ മഫ്രിയോനോ ആയിരുന്നു പരിശുദ്ധനായ ബാവായും പരിശുദ്ധ യാക്കോബായ സുറിയാനി സഭയും..... 1593നടുത്ത് ആധുനിക ഇറാഖിലെ മൊസൂളിന് അടുത്തുള്ള ബഹുദയ്‌ദ (കാരഖോഷ്) എന്ന പ്രദേശത്താണ് യൽദോ ജനിച്ചത്. അദ്ദേഹം ജനിച്ച ഗ്രാമം കൂദേദ് എന്നാണ് അറിയപ്പെട്ടിരുന്നത്. ചെറുപ്പത്തിൽ തന്നെ സഭാ പ്രവർത്തനത്തിലും ആത്മീയ കാര്യങ്ങളിലും ആകൃഷ്ടനായ അദ്ദേഹം സമീപത്തുള്ള മോർ ബഹ്നാം ദയറോയിൽ ചേർന്ന് റമ്പാനായി. 1678ൽ പാത്രിയർക്കീസ് ഇഗ്നാത്തിയോസ് അബ്ദുൽമസിഹ് 1-ാമൻ ഇദ്ദേഹത്തെ മഫ്രിയോനോ ആയി വാഴിച്ചു. തുടർന്ന് ബസേലിയോസ് യൽദോ എന്ന് അദ്ദേഹം പേര് സ്വീകരിച്ചു. ഇന്ത്യയിലെ മാർത്തോമാ നസ്രാണികളുടെ സവിശേഷ സാഹചര്യവും പേർഷ്യൻ സഭയുമായി നിലനിന്നിരുന്ന ബന്ധവും കണക്കിലെടുത്ത മഫ്രിയോനോ സ്വയം മലബാറിലേക്ക് പോകാൻ തീരുമാനിച്ചു. അപ്പോൾ 90 വയസ്സ് പിന്നിട്ടിരുന്നു അദ്ദേഹത്തിന്. അദ്ദേഹത്തിൻറെ പ്രായാധിക്യം ചൂണ്ടിക്കാണിച്ചു പലരും അദ്ദേഹത്തെ പിന്തിരിപ്പിക്കാൻ ശ്രമിച്ചുവെങ്കിലും ഈ ഉദ്യമം സ്വയം ഏറ്റെടുക്കാൻ ഉള്ള തീരുമാനത്തിൽ അദ്ദേഹം ഉറച്ചുനിന്നു. മൊസൂളിന് സമീപമുള്ള മോർ മത്തായി ആശ്രമത്തിൽ വെച്ച് കർദ് ദ്വീപിൽ നിന്നുള്ള ദിയസ്കോറസ് മെത്രാപ്പോലീത്തയെ തൻ്റെ പിൻഗാമിയായി അദ്ദേഹം തിരഞ്ഞെടുത്തു. തുടർന്ന് ഇന്ത്യയിലേക്ക് അദ്ദേഹം യാത്ര പുറപ്പെട്ടു. മോർ യൽദോയും സംഘവും യാത്ര ചെയ്ത കപ്പൽ 1685ന്റെ മദ്ധ്യത്തിൽ ഗുജറാത്തിലെ സൂറത്ത് തുറമുഖത്ത് നങ്കൂരമിട്ടു. അവിടെനിന്നും വടക്കൻ മലബാറിലെ തലശ്ശേരി തുറമുഖത്ത് അവർ എത്തിച്ചേർന്നു. മോർ യൽദോയും ഇവാനിയോസ് എപ്പിസ്കോപ്പയും മൊത്തായി റമ്പാനും മാത്രമേ സംഘത്തിൽ അപ്പോൾ അവശേഷിച്ചിരുന്നു.6 സിറിയയിൽ നിന്നുള്ള ബിഷപ്പുമാരെ തടയാൻ പോർച്ചുഗീസുകാർ അക്കാലത്ത് പ്രത്യേക ശ്രദ്ധ ചെലുത്തിയിരുന്നു. അതിനാൽ വേഷപ്രച്ഛന്നരായാണ് അവർ മലബാറിൽ എത്തിച്ചേർന്നത്. തുടർന്ന് പോർച്ചുഗീസുകാരുടെയും കൊള്ളക്കാരുടെയും ഭീഷണി ഒഴിവാക്കാൻ അവർ കിഴക്കോട്ട് യാത്ര ചെയ്യുകയും ചുരം കയറി തമിഴ്‌നാട് പ്രദേശങ്ങളിലേക്ക് കടക്കുകയും ചെയ്തു. ഇതിനിടെ വന്യജീവികളുടെയും മറ്റും ആക്രമണങ്ങൾ അവർക്ക് നേരെയുണ്ടായി എങ്കിലും അത്ഭുതകരമായി അവയിൽ രക്ഷപ്പെട്ടു എന്ന് വിശ്വസിക്കപ്പെടുന്നു. തുടർന്ന് പശ്ചിമഘട്ട മലനിരകളിലെ മലമ്പാതകളിലൂടെ യാത്രചെയ്ത് മൂന്നാറിന് അടുത്തുള്ള ഒരു മലയോര വാണിജ്യ കേന്ദ്രത്തിൽ എത്തിച്ചേർന്നു. കൊള്ളക്കാരുടെ സാന്നിധ്യം ഉണ്ടാകും എന്ന് വിലയിരുത്തി അവിടെയുള്ള താൽക്കാലികസത്രങ്ങളിൽ കഴിയാതെ മലമുകളിൽ ചെന്ന് അവർ രാത്രി ചെലവാക്കി. പൗരസ്ത്യ സുറിയാനി പാരമ്പര്യം അനുസരിച്ച് സെപ്റ്റംബർ മാസം 13-ാം തീയതിയാണ് വിശുദ്ധ കുരിശിന്റെ തിരുനാൾ ആയി മലബാറിൽ ആചരിച്ചിരുന്നത്. പരിശുദ്ധ സ്ലീബ കണ്ടെത്തിയതിൻ്റെ തിരുനാൾ എന്നാണ് ആ ദിവസം അറിയപ്പെട്ടിരുന്നത്. മലബാറിലെ പ്രാദേശിക രീതി അനുസരിച്ച് കന്നിമാസം 13നാണ് ഈ ആചരണം കൊണ്ടാടിയിരുന്നത്. കോതമംഗലം പള്ളിയിലും അന്നേദിവസം വലിയ ആഘോഷങ്ങൾ ഉണ്ടായിരുന്നു. അതിൻറെ ഭാഗമായി പള്ളിയുടെ കൊടിമരത്തിൽ കൊടിയേറ്റാൻ മോർ യൽദോയെ പള്ളി വികാരി ക്ഷണിച്ചു. എന്നാൽ അദ്ദേഹം അതിന് തയ്യാറായില്ല. 13-ാം തീയ്യതി അല്ല 14-ാം തീയ്യതി ആണ് വിശുദ്ധ കുരിശിന്റെ തിരുനാൾ ആചരിക്കേണ്ടത് എന്ന് അദ്ദേഹം നിലപാട് എടുത്തു. ഇതിനുശേഷം അവർ കോതമംഗലത്തിന് അടുത്തുള്ള കോഴിപ്പള്ളി എന്ന ഗ്രാമത്തിൽ എത്തി. ചക്കാലക്കുടി എന്ന സ്ഥലത്ത് വെച്ച് ഒരു നായർ യുവാവിനെ കണ്ടുമുട്ടിയ മോർ യൽദോ അദ്ദേഹത്തിൻറെ സഹായത്തോടെ കോതമംഗലം ചെറിയ പള്ളിയിൽ എത്തി. ഇതുമായി ബന്ധപ്പെട്ട് ചില അത്ഭുതങ്ങൾ പറയപ്പെടുന്നു. പശുക്കളെയും നെയ്ച്ചു കൊണ്ടിരുന്ന ആ നായർ യുവാവ് തുടക്കത്തിൽ അദ്ദേഹത്തോടൊപ്പം വരാൻ കൂട്ടാക്കിയിരുന്നില്ല പകരം പള്ളിയിലേക്ക് ഉള്ള വഴി കാണിച്ചുകൊടുത്തു. തുടർന്ന് മോർ യൽദോ തന്റെ ഊന്നുവടി കൊണ്ട് നിലത്ത് ഒരു വലിയ വൃത്തം വരയ്ക്കുകയും യുവാവിനോട് തന്റെ പശുക്കളെ അതിനുള്ളിൽ ആക്കാൻ ആവശ്യപ്പെടുകയും ചെയ്‌തു. അപ്രകാരം ചെയ്ത യുവാവ് പശുക്കൾ വൃത്തത്തിൽ നിന്ന് പുറത്തു വരാതെ ഉള്ളിൽ തന്നെ നിൽക്കുന്നത് കണ്ട് അത്ഭുതപ്പെട്ടു. ആ യുവാവിന്റെ ഗർഭിണിയായ സഹോദരിയെ മോർ യൽദോ സുഖപ്പെടുത്തുകയും അന്ന് തന്നെ അവൾ ഒരാൺകുട്ടിക്ക് ജന്മം നൽകുകയും ചെയ്തു. തുടർന്ന് ആ യുവാവ് കൃതജ്ഞതയോടെ അദ്ദേഹത്തെ പള്ളിയിലേക്ക് കൂട്ടിക്കൊണ്ടുപോയി. പ്രായാധിക്യവും ദീർഘവും ദുർഘടവുമായ യാത്രയും മോർ യൽദോയുടെ ആരോഗ്യം ക്ഷയിപ്പിച്ചിരുന്നു. എത്തുമ്പോൾ അദ്ദേഹത്തിന് 92 വയസ്സ് പ്രായം ഉണ്ടായിരുന്നു. കോതമംഗലം ചെറിയപള്ളിയിലെ തിരുനാളിനും മെത്രാഭിഷേകത്തിനും ശേഷം മൂന്നാം ദിവസം ആയപ്പോഴേക്കും അദ്ദേഹം അസുഖബാധിതനായി. തുടർന്ന് വൈദികർ അദ്ദേഹത്തിന് അന്ത്യ കൂദാശയും ഒടുവിലത്തെ ഒപ്രൂശ്മയും കൊടുത്തു. ഇതിനുശേഷം കന്നി 19ന് പള്ളിക്കുള്ളിൽ വച്ച് അദ്ദേഹം മരണപ്പെട്ടു. അന്ന് ശനിയാഴ്ചയായിരുന്നു. അദ്ദേഹത്തിൻറെ മരണത്തെ തുടർന്ന് മുമ്പേ പ്രവച്ചിരുന്നതുപോലെ പള്ളിയുടെ മുമ്പിലെ കൽക്കുരിശ് തിളങ്ങി എന്ന് വിശ്വസിക്കപ്പെടുന്നു. വലിയൊരു കൂട്ടം ആളുകൾ അവിടെ സമ്മേളിച്ചിരുന്നു. പിറ്റേദിവസം അദ്ദേഹത്തിൻറെ കബറടക്കം നടന്നു. കോതമംഗലം ചെറിയപള്ളിയുടെ മദ്ബഹയിലാണ് അദ്ദേഹത്തെ കബറടക്കിയത്. യെൽദോ മാർ ബസേലിയോസ് ബാവായെ 1947 നവംബർ 5 നു പരിശുദ്ധനായി ബസേലിയോസ്സ് ഗീവർഗീസ് ദ്വിതീയൻ കാതോലിക്കാ ബാവ പ്രഖ്യാപിച്ചു. അദേഹത്തിൻ്റെ ഓർമപ്പെരുന്നാൽ യാക്കോബായ സഭയിൽ ഒക്ടോബർ 2,3 എന്നീ തീയതികളിൽ ആചരിക്കപ്പെടുന്നു. യാക്കോബായ സുറിയാനി സഭയിലും മറ്റി തര സഭകളിലും ജാതിമതഭേദമന്യേ പരിശുദ്ധ ബാവായുടെ അനുഗ്രഹങ്ങൾ നിമിത്തം നൂറുകണക്കിന് കുട്ടികൾക്ക് "എൽദോ" എന്നോ “ബേസിൽ” എന്നോ വിശുദ്ധ മാമോദിസയിലൂടെ പേരിടുന്നു. ജനനം 1593 കൂദേദ് (കാരഖോഷ്) മരണം 1685 സെപ്റ്റംബർ 29 കോതമംഗലം കബറിടം കോതമംഗലം ചെറിയപള്ളി വിശുദ്ധപദവി തിരുനാൾ ദിനം കന്നി 20 വിശുദ്ധപദവി പ്രഖ്യാപനം 1947 നവംബർ 7ന് ബസേലിയോസ് ഗീവർഗ്ഗീസ് ദ്വിതീയൻ 1987 നവംബർ 20ന് ഇഗ്നാത്തിയോസ് സഖാ പ്രഥമൻ ഇവാസ് പരിശുദ്ധനായ എൽദോ മാർ ബസേലിയോസ് ബാവ ഞങ്ങൾക്ക് വേണ്ടി അപേക്ഷിക്കണമേ.. #Christian Jacobite #kothamangalam Church #perunnal