Скачать с ютуб ليه لما بتكتشفي النرجسي بتتجاهلي الحقيقة وترفضي تصدقيها ؟! в хорошем качестве

ليه لما بتكتشفي النرجسي بتتجاهلي الحقيقة وترفضي تصدقيها ؟!

رقم واتس اب الحجز وشراء كتاب التشافي من العلاقة النرجسية 00971568496791 لينك الواتس اب https://wa.me/message/MKKOMJ3C77WMB1 حجز الاستشارات : https://kawtharsanad.com/ ما عليك سوى الانتساب إلى هذه القناة للاستفادة من المزايا:    / @user-id-kawthers-sanad   فهمتي النرجسي وعرفتي مشاكله؟ طيب فهمتي ايه اللي وصلك له وعرفتي مشاكلك اللي مخلياكي لسة قاعدة في العلاقة دي؟ بغض النظر عن الظروف والماديات والأولاد انا مش بقصد قاعدة في العلاقة انك تسيبيه وتمشي انا اقصد انتي لسة جوة العلاقة نفسيا ، ليه انتي لسة جوة العلاقة نفسيا ؟ ليه انتي بتهربي من التشافي ومن التغيير واحيانا من انك تعرفي اكتر عن النرجسي والأشخاص السامة ؟ حالات بتقول لي انا بعد ماسمعت عن النرسية وحسيت ان زوجي منطبق عليه الكلام بطلت اسمع أي حاجة لمدة سنة وانا بحاول انكر وفي نفس الوقت بعاني ولكن مع فتات الخبز اللي كان بيديها لي كنت بقول اهو هو مش كدة ابداهو كويس وانا اللي لي اخطائي ولكن ماطولتش اكتشفت خيانته او مثلا كدبة كبيرة او أي كارثة فوقتها ، وأكدت لها انه فعلا زي ما الفيديوهات بتقول وان كل حاجة بتنطبق عليه وبعدين تقول لي انا ادركت اني كنت بهرب من اني اعرف مش عايزة اعرف ان مفيش امل ، طيب وبعد ماعرفتي ؟ يعني في الأول هربتي من انك تعرفي انه مش حيتغير ومفيش امل يرجع زي مرحلة الحب الدهبية ودلوقتي الهروب حيكون من مواجهة نفسك ومن تطويرها ، بعض الحالات دي بعد ماتتأكد ان مفيش امل ممكن تتوقف عن الحياة وترفض التشافي وتعمل إيقاف تام لكل شيء وتستسلم للمرض النفسي وبعضهم بيهرب من التشاف يلانها فاكرة ان التشافي حيجبرها تسيب النرجسي او فاكرة ان معنى التشافي انها تتطلق ، وبتفضل واقفة في مكانها مش عايزة تاخد أي خطوة في اتجاه نفسها ، ليه ؟ ليه بيحصل دة ؟ لانك عارفة انك حتمشي مشوار طويل متعب ومرهق ومحزن وكله معاك مخيفة بالنسبة لك . لانك عارفة انك حتواجهي صعوبات ومشاكل وحروب مع النرجسي ومع اهلك ومع مجتمعك كله ، برضه انا مش بتكلم عن الطلاق انا بتكلم عن تغيرك انتي عن خطوات تاخديها في اتجاه نفسك ، انتي خايفة من التغيير الداخلي جواكي انتي خايفة تتغيري عشان عارفة ان التغيير حيخسرك ناس كتير والفكرة بقى انك أصلا مفروض تخسريهم او بمعنى اصح مفروض تتخلصي منهم أصلا ، دكتور محمد طه كان منزل بوست عجبني جدا بيقول ايه ؟ بيقول قبل ماتخوض الرحلة خليك عارف من الأول انك حتدفع تمن لكل خطوة حتخطيها ، وهو دة اللي مخوفك وهو دة اللي بيخليكي تدي ظهرك لاي حد بيقول لك اتعالجي من العلاقة اللي انتي فيها وأول تمن انتي خايفة تدفعيه هو الوحدة ولان الوحدة حتحصل لما توصلي للوعي فانتي في الأول خالص وقفتي الفيديوهات ومش عايزة تعرفي اكتر مش عايزة ترفعي مستوى وعيك لانك لو وعيتي حتكتشفي انك مش حينفع تكملي زي ماانتي نفس الشخصية اللي بتتعاملي بحب ورحمة وصفاء وطيبة وضعف أحيانا وعطاء وتضحيات ولا حتقدري أصلا تستمري مع الناس اللي بيستغلوكي وتفضلي معاهم في علاقات سامة ، وطبعا انتي عارفة ان النرجسي تحديدا مش حيتقبل التغيير ولا حيسمح بيه أصلا ومش هو لوحده ناس كتير حواليكي حيرفضوا التغيير والدراك المفاجيء اللي بيحصل لك بعد الوعي ودة بيخوفك من ان الكل حيبعد عنك وممكن النرجسي يطلقك وتبقي وحيدة ، ودة تمن صعب تدفعيه ، كمان لما تدركي وتفهمي وتتعافي حتبدأي تحطي حدودك ودة تاني حاجة محمد طه بيقول انك حتدفعي تمنها والتمن هنا هو انك حيتهموكي انك انانية ماهو انتي مش عايزة تساعدي زي الاول وبترفضي أي طلب ممكن تيجي فيه على نفسك ما انتي كنتي مش بترفضي قبل كدة مانتي كنتي حلوة وسهلة وحدودك مفتوحة اللي رايح واللي جاي يدوس زي ماهو عايز لا انتي اتغيرتي وبقيتي انانية وطبعا لما تنجحي في بناء حدودك وتتعافي حتبدأي تكملي طريق التطوير الذاتي وتبدأي تتخلصي من الاعتمادية العاطفية اللي مخلياكي متاحة ٢٤ ساعة لكل حد محتاجك الخطوة دي حتدفعك في اتجاه تاني الاستقلالية الكاملة اللي بتخليكي تشيلي كل مسئولياتك عن نفسك لان التخلص من الاعتمادية العاطفية بيخليكي تشوفي نفسك واحتياجاتك ولما تدركي انك موجودة لكي احتياجات وانك مفروض تكوني مسئولة عن نفسك الأول وبعدين الاخرين بتبدأي تخافي من المسئولية وخصوصا لو معاكي كمان أولاد مسئولين منك وهنا محمد طه بيقول لما تقرري تستقلي حيكون التمن انك حتواجهي اقوى مخاوفك مادية ومجتمعية وشخصية ، هو بيقول حتضطر تكبر وتخرج برة كل مناطق راحتك ، وهنا اقوى مرحلة في التغير اذا عديتيها كسبتي الأرض والمعركة وكل حاجة ، مش سهلة ومش بسيطة لكن ناس كتير عدتها وكسبتها بالتعب والمجهود والإصرار في اللحظة دي لما تعدي المرحلة دي حتلاقي نفسك اختلفتي عن نفسك وعن اللي حواليكي لان كلهم كانوا شبهك قبل الرحلة او انتي كنتي شبههم ، وحتلاقيهم كلهم بيقاوموا اختلافك وبيقاوموا تغيرك لانهم مش عايزين يفقدوكي ولا قادرين يبدأوا الرحلة زيك فيشدوكي ترجعي تاني وهنا لازم تقاومي الرجوع بكل طريقة ، حتبعدي عنهم بس حتقربي من نفسك وممكن بعدين تعلميهم ازاي يبدأوا الرحلة ويحصلوكي وبما انك اضطريتي تكبري واختارتي تنضجي وتنمو نفسيا وترفعي مستوى وعيك وتكملي رحلتك بقوة وإصرار وعزيمة فانتي زي مامحمد طه بيقول : هاتبقى عامل زى كتلة الدهب.. اللى بتتعرض لدرجة حرارة عالية جداً لدرجة الانصهار التام.. علشان يطلع منها فى الآخر سبيكة نقية، بأقل قدر من الشوائب.. الرحلة طويلة وشاقة لكن لها نهاية سعيدة ولها فتحة نور بتشوفيها من بعيد ، انما الاستسلام والبقاء والهروب من المعرفة والهروب من العلاج بيكون اوله ظلم واخره ظلمة وانتي واقفة مكانك للنهاية لاهدف ولا حياة ولا امل . قومي واتعبي وادفعي تمن تحررك ادفعي تمن نفسك تعب والم واختلاف ومعارك بدل ما انتي عايشة نفس الألم والاختلاف والمعارك ولكن لحساب غيرك لحساب 0:00-0:21 المقدمة 0:21-2:49 حالك مع النرجسي 2:49-8:39 الخوف من دفع الثمن 8:39-8:57 الخاتمة #صحةـنفسية #القوة #الاكتئاب #النرجسي #النرجسية