Скачать с ютуб BengFah 99-na| Kum 41 hnua an chhuichhuah John-a Case Ngaihnawm в хорошем качестве

BengFah 99-na| Kum 41 hnua an chhuichhuah John-a Case Ngaihnawm

Zanlai dar 12 a rik meuh pawhin John-a hmel hmuh tur a la awm ta chuang lo. Dar 11-a bang tur an nih avangin a tlai berah an in hi dar 12 hma chuan thleng ngei ngei tur a ni si. Mahse John-a a lo haw thei si lo. A chhungte rilru a nuam lo tan a, a bik takin a nu a awm mai mai thei tawh lo. A tho lawk a, an motor chabi a la a, John-a zawng tur chuan a inkhalh chhuak ta. An school a va thlen chuan a lo hrep thiap tawh a, naupang reng reng hmuh tur an awm tawh lo. A nu chuan theihtawp chhuahin a fapa chu a han ko thin, chhangtu reng reng an awm thei si lo. Ava han mangang tawh teh lul em. An school-ah beisei tur a awm lo tih a hriat hnu chuan kawtthler hrang hrangah te, hmun fianrial lai deuhah te chuan kalin John-a chu a zawng zel a, a au lauh lauh zel bawk a, mahse a beisei angin thil a thleng ta tlat lo. Beidawng takin John-a nu Eveline-i chuan an in lam a pan leh ta a, zawng tura a chhuah chhungin John-a chu an in lamah a lo haw tawh beiseiin an in chhungah a han lut a, mahse a beisei ang a hmu ta chuang lo. John-a nu rilru a buai tak zet ta. Zing dar 1 a ri a, John-a hmel hmuh tur ala awm ta chuang lo, dar a kal ve zel a, khawvar thlengin John-a hmel reng reng hmuh tur a awm ta chuang lo. Hemi zan hian John-a nu hi chhin khat pawh a chhing lo a, a khat tawkin a tawngtai mawlh mawlh a, A fapa chu him taka hruai haw sak leh turin Pathian hnenah a ngen mawlh mawlh a ni. Mahse a ngenna erawh tihhlawhtlinsak a ni rih lo thung.