Скачать с ютуб ليه النرجسي اختارك انتي بالذات в хорошем качестве

ليه النرجسي اختارك انتي بالذات

ليه اختارك النرجسي انتي بالذات ؟ احنا اتفقنا ان النرجسي بينقي مش بيختار غير الاجمل والانجح والكثر اشراقا وانوثة وا وا وا .... طيب ماهو اكيد فيه زيك كتير حلوات وفيهم الصفات دي اشمعنى اختارك انتي؟ كل نرجسي بيختار ضحيته بناء على شخصيته واحتياجاته ، يعني كلهم كلهم بيختاروا الصفات اللي قلناها ودي صفات عامة لكن لما بيختار من الكتير في عندهم الصفات دي بيختار بناء على احتياج عنده ،تعالي نشرح الكلام دة بالتفصيل لو كان النرجسي عنده مشكلة مع امه بيدور على زوجة تقوم بدور الام وتديه حب غير مشروط ودي حتكون طبعا الشخصية المتعاطفة والاعتمادية ولو كانت امه قوية على ابوه حيكون بيدور على ضحية هادية ومطيعة وتاخد على دماغها وتسكت اللي هي الشخصية المتسامحة زيادة عن اللزوم او المتسامحة وهو حيعلمها تكون متسامحة زيادة عن اللزوم ، ولو كان النرجسي كان كبش الفدا لابوه ومشكلته مع ابوه حيدور على ضحية شخصيتها قوية عشان تدافع عنه لكن طبعا بيلاقيها قوية عليه فبيكسرها وبعدين متدافعش عنه فيسيبها ويدور تاني على واحدة قوية وهكذا ودة بيكرر قهريا الارتباط والفسخ والزواج والطلاق ، واللي بيكون الطفل الذهبي فدة بيختار ضحيته اجمل ماتكون ومكتملة الاوصاف لانه يستحق دة ولكن لازم تكون متعاطفة لانه بيحتاج حب غير مشروط لانه عانى مع ابوه من الحب المشروط ، طيب كل دة بيوريكي انه اختارك لسبب مش عشوائي والسبب دة ماهو الا نقطة ضعف فيكي وان كانت بسيطة وهو كبرها ، وكل واحدة ادرى بنفسها وبنقطة الضعف اللي النرجسي اختارها عشانها ولو جينا نفكر علم نفس حنلاقي ان أي نقطة ضعف اختارك عشانها حترجع في الأصل لنقطة ضعف اصيلة في النفس البشرية وهي الخوف ، ازاي؟ دلوقتي انتي متعاطفة بزيادة او اعتمادية يعني ايه يعني بتساعدي الناس وبتهتمي بيهم وبتحاولي تراضيهم ليه؟ لانك خايفة تفقدي حبهم (خوف) طيب شخصية حدية قلب الشخصية الحدية الخوف من الهجر (خوف) ، انتي اهلك نرجسيين وهم نقطة ضعفك وحييجوا عليكي واكيد مش حتكوني عايزة تتطلقي عشان ماترجعيش لهم ليه؟ لانك خايفة من الحياة اللي جربتيها معاهم ومن المعاملة السيئة اللي بيعاملوها لك حيعاملوا اولادك بيها (خوف) ، انتي مش بتشتغلي ومش حابة تشتغلي وبتفضلي تقعدي في البيت وحد يصرف عليكي ليه؟ كسولة ومش عايزة تتعبي نفسك ليه؟ ماعندكيش طاقة أصلا عشان تهدريها وخايفة الشغل يهدم الطاقة وبالتالي مش حتعرفي تعيشي حياة طبيعية (خوف) مش عايزة تشتغلي عشان عارفة انك حتفشلي على مستوى اللاواعي (خوف من الفشل) مش عايزة تشتغلي عشان مش عايزة تتعاملي مع الناس ومعندكيش ثقة بنفسك (خوف من الناس) انتي عمرك ماقلتي لا لحد ودايما موافقة على أي حاجة عشان محدش يزعل منك لانك مش بتحبي تشوفي حد بتحبيه يكون زعلان (خوف من المشاعر السلبية) كل دي نقط ضعف ممكن تكون موجودة عن ضحية النرجسي وكل واحدة تقدر تعرف نقطة ضعفها بنفسها بس شوية تفكير بعمق حتوصلي ،حقول لك على طريقة تعمليها عشان تعرفي نقط ضعفك هاتي ورقة وقلم واكتبي عنوان انا بخاف من ونقطتين فوق بعض ومن اول السطر واحد كذا كذا ، اتنين ، ثلاثة افضلي اكتبي لحد ماتزهقي وتاني يوم اقعدي واكتبي تاني حتلاقي حاجات كتير كتير اكتبي كل حاجة واي حاجة بتخافي منها حتى الخوف من الحشرات اكتبيه ، وبعد أسبوع مثلا حتلاقي نفسك كتبتي كل حاجة ، امسكي الحاجات اللي اقل في الخوف ورتبي المخاوف دي الخفيف الأول وبعدين الأقوى واخر حاجة تكون اكبر مخاوفك وبعدين هاتي ورقة تانية ونقي المخاوف اللي بتخليكي مش عارفة تتخلصي من سيطرة النرجسي عليكي او منه هو شخصيا ، ورتبيهم برضه من الأقل للاكبر ، فكري كويس في المخاوف دي كدة انتي عرفتي نقاط ضعفك اللي رابطاكي بالنرجسي طيب حتتخلصي منها ازاي ؟ كل واحدة تكتب في التعليقات اقوى نقطة ضعف اكتشفتها وبناء على التعليقات حبدأ اجهز لكم حلقات ازاي تتخلصوا من النقاط دي ولو موجودة فعلا في القناة ححط لكل واحدة لينك الفيديو اللي يعالجها او حجمعهم كلهم واحطهم لكم في صندوق الوصف بإذن الله