Скачать с ютуб قصيدة العاديات | شعر وإلقاء صاحب السمو الشيخ محمد بن راشد آل مكتوم в хорошем качестве

قصيدة العاديات | شعر وإلقاء صاحب السمو الشيخ محمد بن راشد آل مكتوم

قصيدة محمد بن راشد"العاديات" رداً على "سلام من فزاع لأهل الهجن" لحمدان بن محمد. دنيا الشِّعِرْ عندي مباديها آعرفْ أَوَّلْها وتاليها ما تنرفعْ رايةْ شعرْ وإلاَّ قِوَّةْ يميني لي تِعَلِّيها حبْ الرِّمَكْ يجري بشراييني آحبِها وآحبْ طاريها أقْسَمْ بها الرَّحْمنْ ف كتابهْ سبحانهْ إبعلمهْ مِسَوِّيها العادياتْ الإسمْ للسُّورهْ حَلَفْ بها وهذا مِغَلِّيها وفي الغاشيهْ آيهْ لمنْ فَكَّرْ والهينْ مذكورَهْ بتاليها وماينحلفْ إلاَّ ترىَ بغالي هوُ لي ذكرها وهوُ مِسَميِّها إظهورها عِزْ وشرَفْ تالدْ وبطونها كَنْزْ إلمِحبّيِها ولي ما يعَرفْ الخيلْ يظلِمها وأهلْ الجَهَلْ لِصقورْ تشويها والمورياتْ اللِّي حوافرها تجدحْ شرارْ النَّارْ تَوْريها وإذا المدىَ طَوَّل بقوَّتها إتزيدْ ماشَيٍّ يهَدِّيها تشَهدْ لها القِدْرَهْ علىَ القِدْرَهْ وتِشْهدْ لها الدِّنيا ومنْ فيها قضيتْ عمري في مِوَدَّتها أحبِّها ولا أقدَرْ أخَلِّيها ياكَمْ منْ صَحرا ومنْ غابهْ قطَعْتها وآنا أجَدِّيها وياكَمْ بأفكاري أحاورها ولوُ نِختِلِفْ أرجَعْ وأراضيها إتْعَرفِني وإتعَرفْ أسلوبي والخيلْ تِفْهَمْ طِبْعْ راعيها فيها الذكا والعِرفْ والفِطنهْ إبلا كلامْ أفهَمْ وأحاكيها وإنْ غِبتْ عَنها دَوِّرَتْ عَنيِّ ريحَةْ ثيابي بَسْ تكفيها هي مِثلْ شعري ومِثْلْ تَفكيري حِرَّهْ ولا شيٍّ يساويها عطيتها لي مَرْ منْ عمري واللي بقىَ منْ العمرْ بَعْطيها