Скачать с ютуб شجرة الدر.. كيف تولت السلطانة العارية حكم مصر؟ в хорошем качестве

شجرة الدر.. كيف تولت السلطانة العارية حكم مصر؟

حلقات مقترحة من هزم التتار    • التتار   كيف تابت تحيه كاريوكا    • كيف تابت الراقصة تحيه كاريوكا   فاتن حمامه والمخابرات    • Видео   مصر وغزو الكويت    • غزو الكويت   انفجار تشرنوبل    • انفجار تشرنوبل - المشاهد كاملة   لو كل معلومات حضرتك عن شجرة الدر من فيلم واسلاماه.. فخلينى أقولك انك اتظلمت.. اتظلمت بسبب نقص المعلومات.. اتظلمت بسبب القص واللزق والحبكة الدرامية.. اتظلمت لما محدش سمحلك تشوف من حياتها غير النص الوحش.. والأهم انك اتظلمت بسبب الوصف الضعيف اللى قلل من قيمة الحكاية وأبطالها.. مين هى شجرة الدر وازاى مقدرتش تحكم مصر أكتر من 80 يوم بس؟.. وازاى خلال الفترة القليلة دى قدرت انها تواجه حملات الصليبيين بقيادة لويس التاسع وتهزمه؟.. ومين اللى وثقت فيه وخانها؟.. ومين اللى رفعها من جارية وخلالها أم لأمير المؤمنين؟.. ومين بعدها اللى نزلها من سابع سما وحرمها انها تدفن غير بعد ما جسمها يعفن؟.. وايه حكاية اللؤلؤ اللى كانت بتشيله فى ملابسها الداخلية وكان سبب فى انها تموت عريانه؟.. كل دى أسئلة وغيرها أكتر الأفلام مجاوبتش عليها.. لكن النهاردة بإذن الله هنحكى الحكاية بكل تفاصيلها.. شجرة الدر أو شجرة اللؤلؤ.. الدر اللى هو اللؤلؤ.. فاسم شجرة الدر معناه شجرة اللؤلؤ.. وده كان بسبب جمالها الشديد اللى تقريبا يشبه جمال حبات اللؤلؤ.. كانت جارية أرمينيه اشتراها الأمير نجم الدين أيوب قبل ما يبقى سلطان.. إلا انه ومن بين كل جواريه أو حريمه.. حريم السلطان.. حبها هى حب شديد جدا.. لدرجة انها كانت أقرب له من أى جارية تانيه.. وبمجرد ما أنجبت له ابنه خليل.. مش بس أعتقها.. ده منحها حق المشاركة فى الحكم.. تبقى سلطانه يعنى.. كان بيحبها جدا.. طيب هل هى مكنتش تستاهل الحب ده؟.. هقولك وانت احكم بنفسك.. فى حياة الملك الصالح نجم الدين أيوب.. كان بيطلع حروب كتير أغلبها ضد قرايبه الأيوبيين اللى طمعانين فى حكمه.. وفى الوقت اللى كان بيطلع فيه للحروب.. كان بيسلم مقاليد الحكم لمين؟.. لشجرة الدر.. للدرجة دى كان بيثق فيها.. والحق يقال هى كانت اد الثقة دى.. لدرجة انه بمجرد ما مات مطمعتش فى الحكم.. وبعتت لابنه توران شاه علشان ييجى يستلم مقاليد الحكم بعد أبوه.. إلا ان توران شاه نفسه حاول يقتلها فهربت منه.. هحكيلك انا التفاصيل دى كمان شوية.. المهم اللى عاوزك تعرفه دلوقتى انها كانت وفيه لجوزها السلطان نجم الدين أيوب لدرجة انه كان دايما قبل ما يخرج لأى معركة.. يسيب معاها ورق فاضى بتوقيعه وختمه علشان تاخد هى القرارات فى غيابه.. للدرجة دى السلطان نجم الدين أيوب كان بيثق فيها.. المهم فى اخر سنه من حكمه.. حكم الملك الصالح نجم الدين أيوب.. وتحديدا السنه اللى مات فيها.. الصليبيين هاجموا مصر فيما يعرف بالحملة الصليبية السابعه بقيادة ملك فرنسا لويس التاسع.. لكن يشاء المولى ان الملك الصالح فى عز الحرب الدايرة مع الصليبيين يتعب ويموت.. طيب هنعمل ايه هنتصرف ازاى؟.. الصليبيين دخلوا دمياط.. وجيشنا لو عرف ان السلطان الصالح مات مش بعيد معنوياته تقع فى الأرض.. وبرده لو جيش الصليبيين عرف ان سلطان مصر مات أكيد معنوياته هترتفع ويطوروا هجومهم علشان يستغلوا فرصة موت السلطان.. فى الوقت ده وبعد وفاة الملك الصالح.. مكنش حولين شجرة الدر غير الأمير فخر الدين يوسف قائد الجيوش المصرية.. وواحد تانى اسمه الطواشى جمال الدين محسن.. وده كان رئيس القصر السلطانى.. جابتهم وقالتلهم ايه رأيكم؟.. هنعمل ايه؟.. نعلن خبر وفاة السلطان ومصر تقع فى ايد الصليبيين؟.. ولا نأجل إعلان الخبر لحد ما نطرد الصليبيين بره البلد.. فردوا عليها وقالولها عندك حق طبعا.. لو أعلنا الخبر معنويات الجيش هتنهار.. قالتلهم طيب.. هاتولى فارس الدين أقطاى زعيم المماليك البحرية.. وابعتوه على حصن كيفا علشان يبلغ توران شاه بوفاة أبوة الملك الصالح.. ويبلغه ان شجرة الدر بتطلب منه يرجع مصر بسرعه علشان يتولى حكم البلاد.. قالولها عين العقل.. وفعلا بلغوا توران شاه ونقلوا جثمان الملك الصالح بره القصر لمكان تانى اسمه قلعة جزيرة الروضة.. ومن شدة خوفها ان خبر وفاة الملك الصالح يتسرب للصليبيين.. بلغت خدمها وباقى الناس اللى فى القصر ان الملك الصالح تعبان.. والأطباء مانعين عنه الزيارة.. ونبهت عليهم ان الأكل والدواء يدخلوله غرفته فى مواعيدهم.. الفطار يدخله فى معاده.. والغدا يدخله فى معاده وهكذا.. من المصادر بدائع الزهور فى وقائع الدهور النجوم الزاهرة في ملوك مصر والقاهرة الدرة الزكية في أخبار الدولة التركية السلوك لمعرفة دول الملوك دم المماليك للباحث وليد فكرى #المواطن_سعيد #شجرة_الدر #المماليك