Скачать с ютуб අසිරිමත් ධාතු වන්දනාව... в хорошем качестве

අසිරිමත් ධාතු වන්දනාව...

තුන් ලොවට සෙත සැල සූ අපගේ ශාස්තෘ වූ ඒ භාග්‍යවත් අරහත් සම්මා සම්බුදු රජාණන් වහන්සේගේ උත්තම ශ්‍රී සම්බුද්ධ සර්වඥ ධාතූන් වහන්සේලා සහ අරහන්තක ධාතූන් වහන්සේලා සියැසින් දැක බලා පහන් සංවේගය උපදවාගෙන වන්දනා කරමින් අපමණ පින්ඵල නෙලාගැනීමේ උදාර අවස්ථාව මෙල්බර්න් නුවර වාසී සැදැහැවතුන් හට උදා විය. ඒ පසුගිය 14 සහ 15 වන දින මෙල්බර්න් නුවර මහමෙව්නාව භාවනා අසපුවෙහි දීය. මෙම උදාර පින්කමෙහි සැදැහැවතුන් විශාල පිරිසක් ඉතාමත් සැදැහැ සිතින්, මෙන් ම පහන් සංවේගයෙන් යුතුව මෙම උතුම් වන්දනාව සඳහා සම්බන්ධ විය. මේ ඇත්තේ ඒ උතුම් පින්කමෙහි සොඳුරු දසුන් කිහිපයකි. මේ තුළින් රැස්කළ සියලු පින් ගෞතම බුදු සසුනත් අප මාතෘ භූමියත් සුරකින්නා වූ සක් දෙවිඳුන් ප්‍රධාන සියලු දෙවියෝ මේ පින් අනුමෝදන් වෙත්වා.... අප හට මේ සියලු පින්කම් සඳහා මෙන්ම සෑම අයුරකින් ම අවවාද අනුශාසනා කරන්නා වූ අපගේ ගුරු දේවෝත්තම පින්වත් ලොකු ස්වාමීන් වහන්සේ ප්‍රධාන මහා සංඝරත්නයටත්, මෙම පින්කම සඳහා නොයෙක් අයුරින් උදව් උපකාර කළ සැමටත්, මෙල්බර්න් නුවර මහමෙව්නාව භාවනා අසපුවෙහි උපස්ථාන කමිටුවේ සැදැහැවත් සැමටත්, දැකබලා සතුටු වන්නා වූ සියලු දෙනාටත් මේ පින් අනුමෝදන් වෙත්වා... සසර දුකින් අතමිදෙන්නට මේ පින් උපකාර වෙත්වා....