Скачать с ютуб بيجو 504 🇨🇵 | وحش البيجو الاكثر اعتماديه بالتفصايل الكامله PEUGEOT 504 в хорошем качестве

بيجو 504 🇨🇵 | وحش البيجو الاكثر اعتماديه بالتفصايل الكامله PEUGEOT 504

#بيجو 504 وحش البيجو الاكثر اعتماديه peugeot 504 حرفيا كدا موديل واحد و ال هو #بيجو ٥٠٤ شالت شركه بيجو ع كتافها ودا بسبب شعبيتها و ومبيعاتها الضخمه ال وصلت لاكتر من ٣ مليون عربيه في اوروبا و العالم واكتر من مليون عربيه في افريقيا ودي تعتبر ارقام اعجازيه في الوقت دا ظهر الاسد بيجو ٥٠٤ في ١٢ سبتمبر سنه ١٩٦٨ بتصميم من المهندس الطلياني الدو بروفاروري و ال كان بيشتغل وقتها في مكتب بينين فيرينا ودي الشركه ال صممت عربيات كتير ل فيراري لكن سابتها وحاليا بتعمل ع تصاميم لنفسها اخرها الباتيستا الكهربائيه ال ٥٠٤ ظهرت في صالون باريس وكانت بموديل سيدان ٤ باب وسقف ثابت وموتور بقوه 1800 cc ٧٩ هورس باور و قبلها كان في اضطرابات سياسيه وصناعيه لفرنسا في شهر مايو ودا ال اخر ظهورها ٣ شهور وبعدها بسنه بالظبت سنه ١٩٦٩ خدت جايزه افضل سياره في اوروبا ودا دليل علي مدي كفاءتها ال ٥٠٤ ظهرت بالشكل السيدان ال كلنا عارفينه وبالشكل الكوبيه في نفس السنه وظهرت بالاستيشن بعدها بسنه واخر حاجه منها النص نقل ال تقريبا منزلش منها في مصر ال ٥٠٤ نزلت ب موديلات بفئات مختلفه اول فئه كان بيجو ٥٠٤ L ودا ال اتكلمنا عليه في اول الفيديو بييجي بموتور ١٨٠٠ cc جر خلفي كارونه . . . تاني فئه ٥٠٤ اس ار بموتور ٢٠٠٠ cc 8 جر خلفي كبالن خلفيه تالت فئه ٥٠٤ جي ار بموتور ٢٠٠٠ cc جر خلفي كارونه رابع فئه ٥٠٤ جي ال ودي اعلي فئه بموتور ٢٠٠٠cc جر خلفي وكبالن خلفيه وبتتميز يتصميم عدادات دائري ومسند للرأس ال بيكون جوا المقعد والتحكم في بشكل ديناميكي دا غير ان الشبكه الاماميه فيها خطين كروم مع تطعيمات كروم في القوايم والمقابض الداخليه مع فرش جلد للابواب او جلد مطعم بصوف اما بقي بالنسبه لمواصفاتها فالعربيه نزلت ب ارتفاع متر ٤٦ وطول ٤ متر ٤٨ وعرض متر ٦٩ وارتفاعها عن الارض ١٦ سم ووزنها طن ٧٥ ك وسرعتها القصوي ١٩٠ ك بمعدل تسارع من صفر ل ١٠٠ في ١٢ ثانيه و كانت مؤهله جدا للمواقف الصعبه وانها تجر حتي احمال كبيره. فكانت دايما بتنزل بجنش خلفي يأهل العربيه لجر عربيات بأوزان تقيله ودا نتيجه لقوه دفعها وعفشتها البيجو ٥٠٤ اتوقف انتاجها في اوروبا سنه 1983 وبرغم دا الي ان انتاجها استمر في كينيا لسنه ٢٠٠٥ ونيجيريا لسنه ٢٠٠٦ ودا بيرجع لمميزات كتير اولها الاعتماديه و الاعتماديه بتتحدد في اغلب العربيات في حاله ان العربيه مفهاش اعطال الا حاجات بسيطه او محتاجتش لصيانه بشكل كبير لفتره متوسطها من ٥ ل ١٠ سنين بتختلف بقي من نوع عربيه للتاني لكن لما تيجي عربيه تعمل خلل وتغير المفهوم دا تبقي اكيد عربيه اسثتنائيه ومختلفه ودا بقي ال عملته بيجو ٥٠٤ بأستمرارها واعتماديتها من سنه ٨٦ لحد وقتنا دا تاني ميزه قوه الموتور ال ٥٠٤ موتورها يعتبر قوي ودا في كل موديلاتها تالت ميزه صيانتها و ال تعتبر سهله ومش معقده ودا بيخلي اغلب الصنايعيه يشتغلو فيها رابع ميزه توافر قطع غيارها دا غير انها بتقبل قطع غيار بديله في بعض الاجزاء خامس ميزه اتزنها وثباتها ع الطريق ودا لان تصميمها بييجي بأنحناءات بتساعد انها تكون انسيابيه ع الطريق دا غير متانه العفشه وتناسق وزنها مع ابعادها ف من الاخر كدا البيجو ٥٠٤ هتديك تجربه قياده ممتعه جدا ع الطريق مش موجوده في موديلات حديثه سادس ميزه قوه الصاج ومتانته سابع ميزه استهلاك البنزين استهلاك ال ٥٠٤ للبنزين يعتبر متوسط ومقبول بالمقارنه بعربيات تانيه من نفس الفئه بأستهلاك ١٠ لتر لكل ١٠٠ ك تامن ميزه قوه نظام التعليق و دي واحده من اهم مميزات ال ٥٠٤ وهو متانه العفشه وقوتها ال بتخليها تستحمل وتكون اعتماديه تاسع ميزة مساحتها الداخليه و ال مناسبه انها تكون عائليه عاشر ميزة ارتفعها عن الارض يعتبر مناسب جدا لشوارعنا وللطرق المكسره و المطبات اما الميزه رقم ١١ شعبيتها و دا بسبب انتاجها بأعداد كبيره في العالم وافريقيا ف بالاخص في مصر العربيه ليها شعبيه كبيره فالعربيه خدت القاب كتير في مصر فقالو عليها اسد الطريق . النعش الطائر . البابور . اسطوره التاكسي الابيض في اسود. . وحش الطريق الزراعي و البيجو ٥٠٤ بتستخدم كعربيه اجره لحد النهارده وبرغم دا الي ان العربيه اعطالها قليله ونتيجه لسعرها ال يعتبر رخيص بالنسبه لمواصفاتها والمميزات الكتير ال ذكرناها ف اعاده بيعها تعتبر سهله وسريعه وزي م ٥٠٤ ليها مميزات. الي ان بردة ليها عيوب ولازم نتكلم عنها اول عيب سعر الموتور يعتبر عالي في حاله انه محتاج تغيير تاني عيب قطع غيارها الاصليه مش موجوده بشكل كبير تالت عيب البارومه و ال بتنتشر فيها من وقت للتاني رابع عيب ال ٥٠٤ في الطرق المكسره مش هتبقي مريحه نهائيا وهتحس بكل النقر و المطبات. ودا نتيجه لمتانه وصلابه الفشه خامس عيب ضعف الياي الخلفي ودا مش في كل الموديلات وبيكون في حاله انك بتستخدمها في اوزان عاليه بشكل مستمر اما اخر عيب العزل العزل فيها يعتبر ضعيف وسيئ جدا وهيخليك تسمع صوت الموتور و الكاوتش بشكل كبير لكن طبعا مع الوقت هتتاقلم ع كدا و في الغالب ممكن ميكنش عيب بعد كدا دا كدا بالنسبه ل ٥٠٤ وال تعتبر اهم عربيه جت في تاريخ بيجو والاكثر تأثيرا وبسبب تأثيرها والطلب الكبير عليها اعلنت شركه بيجو عن الشكل الجديد منها ودا كان في فعاليات معرض مونديال السيارات سنه ٢٠١٨ و نزلت بشكل جديد بأسم e legend ف من رأيي انا شايف ان البيجو ٥٠٤ تعتبر قيمه جدا جدا مقابل سعرها ال يعتبر رخيص بالنسبه لامكانيتها و بكدا خلصنا فيديو ٥٠٤ متنساش ي صحبي اللايك والسبسكرايب سلام ي وحش الفيديو دا من سلسله ارخص سيارات في مصر