Скачать с ютуб 法性講場 第75集 木魚 в хорошем качестве

法性講場 第75集 木魚

今集嘅主題對大家而言算係顯淺嘅題目，但未必知道當中深意、故事及內涵，就係「木魚」。大家到訪寺院，就算未必知其他法器，都一定認得佢，就好似中國佛教嘅象徵。 　　 《敕修百丈清規》指出，因魚類喺其「魚嘅生命」當中，永遠唔會合上雙眼，象徵精進、不懈怠，提醒修行人慧命嘅重要性。時日已過，命亦隨減，所以要好好把握時間，努力修持，故此有木魚嘅設置。呢個講法喺中國佛教當中最為普遍，亦最流行，其中有兩個特別嘅故事想同大家分享。 　　 第一個故事，來自唐玄奘法師〈指歸曲〉中記載嘅一個經歷。話說佢從西域返回中國途中喺一家人中作客，男戶主嘅現任太太，趁佢要離家幾天，將同前妻嘅孩子丟到海中。男戶主因為咁而愁眉苦臉，大師靈機一觸，就同佢講：「如果你想供養我，就打一條好大嘅魚俾我。」男戶主於是就去尋捕，並喺剖開魚腹時發現生還嘅孩子，非常感恩，但同時又殺害咗一條魚，於是請教大師。大師就教佢用木雕成魚嘅樣貌，供奉喺寺院內，請出家人日夜當法器之用，迴向呢條魚，令佢超升，同時亦感恩同表達恩情。 　　 第二個故事，來自《教苑清規》。講述喺佛陀時代，佛法流傳時有一位法師，因嫉妒嘅緣故，不停毀謗佛法同佢師父，往生之後墮入魚身，魚背後更生有一棵樹。但因為樹嘅浮力拉扯，唔可以潛入海底，只能喺海面飄流，結果經常撞上岸邊或礁石，遍體鱗傷。有一次適逢佢師父坐船渡海，魚憶起同師父嘅因緣，於是心有所愧，向師父懺悔，悔恨前生愚痴所作嘅壞事，最後，法師脫離魚身。而佢嘅師父知道後，亦用木雕刻成魚形，放喺寺院作法器，迴向呢條魚，幫助解脫苦果，遠離三惡道。 　　 綜合以上故事，大家每次見到木魚時，除咗提醒自己要精進外，還要警剔自己，心要防貪瞋癡，口要防口過。 ========= 想睇返上集內容，可到： 【法性講場】第74集 幢幡   / 318798272106013   【法性講場】第73集 電子燈 http://dn-ph.org/AbdBWgL 【法性講場】第72集 點燈功德 http://dn-ph.org/sJDepke 　　 #法性講堂 #法性講場 #木魚