Скачать с ютуб Legel Ranj | لەگەڵ رەنج - گەنجان بیبینن؛ زیندانی ئاسایشی سلێمانی в хорошем качестве

Legel Ranj | لەگەڵ رەنج - گەنجان بیبینن؛ زیندانی ئاسایشی سلێمانی

"قەت بەپاكی لە زیندانی چاكسازی نەهاتوومە دەرەوە، ‏لەوێ‌ ‏ماددە ‏هۆشبەرەكان لە دەرەوە زیاتر دەست دەكەوێت". ‏ئەوە قسەی ‏‏تۆمەتبارێكی ماددە هۆشبەرەكانە، كە لە ئاسایشی ‏سلێمانی زیندانییە، ‏ئەو ‏لەدایكبووی 1978 و لە تەمەنی ‏‏18ساڵییەوە لە ئێران ئالوودەی ‏ماددە ‏هۆشبەرەكان بووە، لە ‏روخسار‌ و لە قسەكانیشیدا پەشیمانی ‏تەواوی پێوە دیارە كە ‏ئالودەبووە، هەر بەو هۆیەشەوە هاوژینەكەی ‌و ‏‏كەسە نزیكەكانی ‏لەدەستداوە.‏ ئەم ئالوودەبووە ‏تاقانەی حەوت ‏خوشكە، چوار جار لەسەر ماددە ‏هۆشبەرەكان ‏دەستگیركراوە و 13 ‏ساڵی تەمەنی لەنێو زیندان ‏بەسەربردووە، وەك خۆی ‏دەڵێت "سەری لە ‏زیندان سپی كردووە". ‏هەر بەهۆی ماددە هۆشبەرەكانەوە ‏تووشی ‏ڤایرۆسی جگەر بووە، ‏هێندە ماددە هۆشبەرەكانی بەدەرزی ‏‏بەكارهێناوە بەشێكی زۆری ‏جەستەی كون كون كردووە، وەك خۆی ‏دەڵێت ‏‏"هەموو لەشم شوێن ‏دەرزی ماددە هۆشبەرەكانە، نزیكەی ‏‏3000 كونم ‏كردووەتە ‏جەستەم، پەشیمانم، بەڵام تازە پەشیمانی ‏سوودی چییە، ئێمە ‏ئەو ‏گۆزەیە بووین شكاین، بەڵام هیوادارم ‏گەنجەكان ‌و نەوەی ‏داهاتوو ئاگایان لە ‏خۆیان بێت تووشی ئەو ‏كارەساتە نەبن". ‏ میوانەكان مەریوان عەلی، بەڕێوەبەری ماددە هۆشبەرەكان لە ‏ئاسایشی ‏سلێمانی‏ د. سەڵاح ئەنوەر، راوێژكار لە وەزارەتی ‏كار‌وكاروباری ‏كۆمەڵایەتی ‏ ‏ دارا فایەق، چارەسەركار‌و سەرپەشتیاری دەروونی لە ‏رێكخراوی وچان د.ئیبرهیم رەمەزان، سەرۆكی ‏رێكخراوی ‏رۆشنبیری ‏هۆشیاری ‏دژی ‏ماددە ‏‏‏‏هۆشبەرەكان لە ‏كوردستان ‏