Скачать с ютуб يا لبيه يا العاصوف | جفران بن هضبان | 2024 в хорошем качестве

يا لبيه يا العاصوف | جفران بن هضبان | 2024

للتواصل والاستفسارات الحسابات الرسمية : https://bio.site/i505 الابيات : ‎تمثني على قوس الصدر ياهبوب النود ‎لعله يطيب وتنجلي ضيقته عنه ‎كياني مع العالم وبالي مهب موجود ‎عسى الشعر يجمعني على هيله وبنه ‎لكّنّ القريحة حالها منهك ومضهود ‎مثل حال منهو يلحق الكنة الكنة ‎ترا النادر من الشعر دايم وهو مفقود ‎مهوب أهطلٍ من جوّد معذّره عنّه ‎ اذا الناقد الناقد وقع سهو فالمنقود ‎وش العذر لاجات المناقيد مستنه ‎وانا لا تبيّن لي سليل الوفاء و الجود ‎ترا ماني بفيصل اذا ما ضحك سنه ‎يا لبيه يا العاصوف وارحب و إرق سنود علي الطلاق ان اردف الشنه بشنه ‎تعالو ياذويقة قصيدي أنا موجود ‎معي نخبة بيوتٍ لها رونق ورنه ‎انا مرتكي له بأجزل و آخر العنقود ‎تعرّض على الفنان و تعلمه فنه ‎رفيقي وأعرف انه لا جاء الماقف المشهود ‎يجي لي على ظني واجي له على ظنه ‎على مدحته ينقاد سرب المدايح ود ‎وتكرب سروج الخيل و تقط الاعنّه ‎أشوف الشرايد في مديحه مناكب طود ‎المستحيل سهوم الامداح تخطنه ‎لكَنْ ودي ان حبر القصيدة من الكمبود ‎ماودي يمر اسمه ولا اطيّبه منه ‎هذا الصامل اللي قلبه أصمل من البارود ‎هذا اللي زمانه طول سيرته ما حنه ‎هذا سيفنا اللي في وجيه العدا مجرود ‎اناطح به الكافر ويرجع على السنة ‎على العايلين اقسى من اللي وطى لاخدود ‎وعلى المصفحين الطف من العود ابو خنه ‎هذا والله اللي ماعلى خوته منشود ‎على جامدات الشبط والا على الكنة ‎هذا طيب السيرة و راع النبا المحمود ‎هذا اللي له قلوب البداوين ممتنه ‎ياكم فقريٍ جلاب يبغى الهنا والفود ‎ينادي على العاصوف خوفٍ من المنه ‎وجاه ودبل الاسوام ثم جاوبه من زود ‎نصيبك وجعل ابيك يافهيد فالجنة ‎ تسيد بقوٌة ناظرٍ كنه العبرود ‎مهو ناظر اللي بين ليته ولو انه ‎ترف البيارق في قطر والرجال حشود ‎وقفا بها واخصامه تبادل الونه ‎قليل الكلام اللي فعوله بدون حدود ‎عليه العدا من بدة الناس منجنة ‎بعزمه وباسه زاد سعر البكار السود ‎بكارٍ تلذّع لا عناجٍ ولا دنه ‎ياكم ذود لحقّها لوايل وياكم ذود ‎حرق كرتها والدنه تخالف الدنه ‎ليا جاته العنة وفودٍ تجر وفود ‎تركهم على جنب وطرح قايد العنه ‎لاقيل البرا مردود قال البرا مردود ‎وثن الحبل ياللي تبي حربنا ثنه ‎عسى الله يعز الدين والدار وابن سعود ‎ويرضى على يامٍ ويدخلهم الجنة