Скачать с ютуб വൃക്കകളുടെ ഘടനയും ധർമ്മവും | Structure & Functions of Kidney в хорошем качестве

വൃക്കകളുടെ ഘടനയും ധർമ്മവും | Structure & Functions of Kidney

വൃക്കയും അവയുടെ പ്രവർത്തനവും മനുഷ്യ ശരീരത്തിൽ വളരെയേറെ സംഘീർണമായ ജോലികൾ കൈകാര്യം ചെയ്യുന്ന ഒരു അവയവമാണ് വൃക്ക. സ്വാഭാവിക മനുഷ്യ ശരീരത്തിൽ രണ്ടു വൃക്കകളാണ് ഉണ്ടാവുക. ഉദരത്തിൽ വാരിയെല്ലിന്റെ ഇരുവശത്തായിട്ടാണ് വൃക്കകൾ ഉണ്ടാവുക. വാരിയെല്ലിന്റെയും മറ്റു ആന്തരികാവയവങ്ങളും കൊണ്ട് ചുറ്റപ്പെട്ട് വളരെയേറെ സുരക്ഷിതമായിട്ടാണ് വൃക്കകൾ സംരക്ഷിക്കപ്പെട്ടിട്ടുള്ളത്. വൃക്ക ഒരു പയറുമണിയുടെ രൂപത്തിൽ ആണുള്ളത്. മുതിർന്നവരിൽ 10 സെമി നീളവും 6 സെമി വീതിയും 4 സെമി ഖനവും ഉണ്ടാവും. ഓരോ വൃക്കയും ശരാശരി 120 - 170 ഗ്രാം ഭാരവും ഉണ്ടാവും. ശരീരത്തിൽ ഉണ്ടാവുന്ന മാലിന്യങ്ങൾ പുറന്തള്ളുന്നതാണ് വൃക്കകളുടെ പ്രധാന ജോലി. മൂത്രത്തിൽ കൂടിയാണ് വൃക്ക മാലിന്യം പുറന്തള്ളുന്നത്. വൃക്ക ഉത്പാദിപ്പിക്കുന്ന മൂത്രം മൂത്രവാഹിനിയിലൂടെ വന്ന് മൂത്ര സഞ്ചിയിൽ ശേഖരിച്ചു മൂത്രാനാളിയിലൂടെ പുറത്തു പോകുന്നു. വൃക്കയുടെ പ്രവർത്തനങ്ങൾ എന്തെല്ലാമെന്ന് നമുക്ക് പരിശോധിക്കാം, 1. രക്തശുദ്ധീകരണം 2. ധാതുലവണം, ജലം നിയന്ത്രിക്കൽ 3. രക്തസമ്മർദം നിയന്ത്രിക്കുക, രക്താണുക്കളെ ഉത്പാദിപ്പിക്കുക. എന്നതാണ്, വൃക്കയുടെ പ്രധാന ജോലി മാലിന്യം പുറംതള്ളുന്നതും അതുവഴി രക്തത്തെ ശുദ്ധീകരിക്കലും ആണ്. ശരീരത്തിൽ ആവശ്യമില്ലാത്ത മാലിന്യം, ഉപ്പ്, രാസപദാർത്ഥങ്ങൾ എല്ലാം വൃക്കകൾ മൂത്രത്തിലൂടെ പുറന്തള്ളുന്നു. ശരീരത്തിൽ 'അധികം ഉള്ള ജലാംശത്തെ പുറംതള്ളി ജലത്തിന്റെ അളവ് നിയന്ത്രിക്കുന്നത് വൃക്കയാണ്. വൃക്ക പ്രവർത്തനരഹിതമാവുമ്പോൾ ശരീരത്തിൽ ജലം തങ്ങി നിൽക്കുകയും മൂത്രം പോകാതെ ശരീരത്തിൽ നീര് വെക്കുകയും ചെയ്യുന്നു. ഹൃദയത്തിൽ നിന്നുള്ള രക്തത്തിന്റെ 20% (ഏകദേശം 1250 മില്ലി ) ഓരോ വൃക്കയിൽ കൂടി ഓരോ മിനിറ്റും കടന്നു പോകുന്നു. അതായത് ഏകദേശം 100 ലിറ്റർ രക്തശുദ്ധീകരണം ഒരു ദിവസം ശരീരത്തിൽ നടക്കുന്നു. മാലിന്യങ്ങൾ രക്തത്തിലും വൃക്കയിലും എത്തുമ്പോൾ അത് ശുദ്ധീകരിക്കുന്ന അരിപ്പയാണ് നെഫ്രോൺ (NEPHRONS). ഓരോ വൃക്കയും പത്തു ലക്ഷം നെഫ്രോണുകളാൽ നിർമ്മിതമാണ്. ചെറിയ പദാർത്ഥങ്ങളും വെള്ളവും ഇതിലൂടെ അരിച്ചെടുക്കുന്നു. 1 മിനിറ്റിൽ 125 മില്ലി ജലം അരിക്കപ്പെടുന്നു. 24 മണിക്കൂറിൽ 180 ലിറ്റർ ജലം ഇങ്ങനെ അരിക്കുന്നു. ഇതിൽ മാലിന്യം മാത്രമല്ല, ഗ്ലൂക്കോസ് പോലെയുള്ള ഗുണമുള്ള പദാർത്ഥങ്ങളും അടങ്ങിയിരിക്കുന്നു. അകത്തേക്ക് എടുക്കുന്ന ജലം, അന്തരീക്ഷ താപനില എന്നിവ മൂത്രത്തിന്റെ അളവ് നിർണയിക്കുന്നതിൽ പ്രധാന ഘടകമാണ്. വെള്ളം അകത്തേക്ക് എടുക്കുന്നത് കുറയുമ്പോൾ മൂത്രം കൂടുതൽ വീര്യമുള്ളതും അളവ് 500 മില്ലി വരെ കുറയുകയും ചെയ്യാം. കൂടുതൽ വെള്ളം അകത്തേക്ക് എടുക്കുന്നത് മൂത്രത്തിന്റെ അളവ് വർദ്ധിപ്പിക്കാം. ഉഷ്ണകാലത്ത്‌ വിയർക്കുമ്പോൾ മൂത്രത്തിന്റെ അളവ് കുറയാം. എന്നാൽ തണുപ്പ് കാലത്ത് വിയർപ്പു കുറയുമ്പോൾ മൂത്രത്തിന്റെ അളവും കുറയും. വൃക്കയിലെ കല്ലെന്ന് കേട്ടാൽ നാം കാണുന്ന കല്ലാണെന്ന് തെറ്റിദ്ധരിക്കേണ്ട. മൂത്രത്തിൽ ധാതു ലവണങ്ങൾ അടങ്ങിയിരിക്കുന്നതായി അറിയാമല്ലോ. ഈ ധാതുലവണങ്ങൾ അടിഞ്ഞുകൂടി ചെറിയ കല്ലിന്റെ രൂപത്തിലാകു ന്നതാണിത്. വൃക്ക പ്രവർത്തനരഹിതമായാൽ നമ്മുടെ ശരീരത്തിന്റെ തുലനാവസ്ഥയ്ക്ക് തന്നെ അത് ഭീഷണിയാണ്. മാലിന്യങ്ങൾ ശരീരത്തിൽ നിന്ന് നീക്കം ചെയ്യപ്പെടാനാവാതെ ശരീരം ബുദ്ധിമുട്ടനുഭവിക്കും. ഇങ്ങനെയുള്ള ഘട്ടത്തിലാണ് ഡയാലിസിസ് യൂണിറ്റ് ഉപയോഗിക്കുക. രോഗിയുടെ ശരീരത്തിൽ നിന്ന് രക്തം ഡയാലിസിസ് യൂണിറ്റിലേക്ക് കടത്തിവിടുന്നു. ഒരു വൃക്ക പോലെ പ്രവർത്തിക്കുന്ന ഡയാലിസ് യൂണിറ്റ് രക്തത്തിലെ മാലിന്യങ്ങളെ നീക്കം ചെയ്യുന്നു. ശുദ്ധമായ രക്തം രോഗിയുടെ ശരീരത്തിലേക്ക് പ്രവേശിക്കപ്പെടുന്നു. രക്തത്തിലെ മാലിന്യങ്ങൾ സമയാസമയം നീക്കം ചെയ്തില്ലെങ്കിൽ ഇവയെല്ലാം കോശങ്ങൾക്കുള്ളിൽ തിങ്ങിനിറഞ്ഞ് ശരീരത്തിന്റെ സാധാരണ അവസ്ഥയെ തകരാറിലാക്കും.