Скачать с ютуб ازاي ترفعي هرمونات السعادة وتستغني عن النرجسي .. التشافي (٨).. كوثر سند в хорошем качестве

ازاي ترفعي هرمونات السعادة وتستغني عن النرجسي .. التشافي (٨).. كوثر سند

ازاي حنتخلص من الرابطة المسيئة ؟؟ ست حاجات حتعمليها حتساعدك تتخلصي من تعلقك المرضي بالنرجسي النهاردة حقول لك ٦ حاجات تعمليها عشان تكسري الروابط الكيميائية اللي رابطاكي بالنرجسي عشان نتخلص من الروابط الكميائية اللي هي بسبب الهرمونات اللي اتكلمنا عنها في الحلقات اللي فاتت لازم نفهم الاول ان الموضوع حيكون مؤلم ومش سهل ابدا وخصوصا بالنسبة للناس اللي مش حتترك النرجسي ومضطرة تتعايش معاه وحتفضل في العلاقة لان حيكون قصادها تحديات اقوى بكتير من اللي بتبعد وتقطع العلاقة تماما وان كانت هي كمان حتعاني ذبعا اعراض الانسحاب من العلاقة لكن البعد حيسهل عليها المهمة جدا طيب ازاي بقى حتتخلصي من التعلق والروابط دي ؟ عن طريق اننا نحل مشكلة الهرمونات اللي بيتم افرازها اثناء العلاقة واللي بدورها بتسبب الادمان ، فلازم نخفف اعراض الانسحاب من الهرمونات دي بطريقة صحية وبعيدة عن النرجسي ، يعني لازم نشوف طريقة نخلي الهرمونات دي تفرز بنفس المعدل لكن متكنش الطريقة دي هي التعامل مع النرجسي ولازم تكون طريقة صحية وآمنة طيب ايه بقى الطريقة دي . حنمسك هرمون هرمون ونشوف مع بعض ايه اللي ممكن يزود افرازه ونعمله وحنبدأ بهرمون الاوكسيتوسين اللي هو هرمون الحب او هرمون العناق ، تعويض الاوكسيتوسين : قطع العلاقة او التخلص من التعلق بالنرجسي هو بمثابة الفطام من الاكسيتوسين ، وطبعا حيحصل حنين شديد جدا للرجوع للعلاقة فبدل ماتستسلمي للحنين دة حتحاولي تعوضي الاكسيتوسين من مصادر جديدة زي ايه؟ حديكي امثلة وكل واحدة تعمل اللي يناسبها على حسب امكانيتها ١- زيادة الاتصال الجسدي . يعني ايه ؟ يعني زيادة الاحتضان ،، احضني اولادك كتير واخواتك ومامتك اتعلمي تحضني ومش لازم في وجود النرجسي وخصوصا لو اولادك شباب لان في التعليقات فيه ناس بتقول ان النرجسي بيغير من اولاده الشباب ومش عايزها تحضنه ، فمش لازم ادامه ، بس لازم تحضني اولادك كل يوم طول الوقت احضني حيوانات اليفة : فيه دراسة اتعملت سنة ٢٠٠٣ بتقول ان احتضان كلب بيزود نسبة الاكسيتوسين للكلب وللشخص سبحان الله واللي خايفة من النجاسة فيه مذهب الامام مالك قال اتوضي ، اللي مش عايزة تجيب قطة هي نفس النتيجة حاولي يكون عندك حيوان اليف في الفترة دي حيفرق معاكي . وكمان ممكن تحضني نفسك ، تخيلي بقى انك لما تلفي دراعاتك حوالين نفسك بحب ورضا عن نفسك حيفرز الاكسيتوسين ، ٢- ارجعي لصداقاتك اللي قطعك منها وحاولي تخرجي مع صاحباتك وقوي علاقتك باهلك واخواتك ، العلاقات القوية اللي فيها حب صادق بتحسن مزاجك وحتديكي احساس بإنك محبوبة وبالتالي يزيد الاكسيتوسين ، وتفهمك انك ممكن تتحبي بدون شروط وان المشكلة مش فيكي وان الكلام اللي زرعه وبيزرعه في دماغك مجرد كدب وافترا وتبدأ صورتك تتغير ادام نفسك وتشوفي نفسك بشكل احسن . طيب اذا معندكيش صداقات ومش عارفة تعملي صداقات جديدة ؟ ٣- روحي جيم و لو بتروحي فعلا غيريه ولو مفيش امكانية جيم ، روحي المسجد او الكنيسة احضري دروس اونلاين ، مفيش كل دة طيب ٤- ادخلي فيس ونقي كام واحدة مشكلتها مشابهة لمشكلتك من مجموعات النرجسية وكونوا مجموعة خاصة تحكوا فيها لبعض وتتعرفوا على بعض وياريت تكونوا في منطقة جغرافية واحدة بحيث ممكن تتقابلوا ولو مرة كل شهر ، وممكن تنتفعوا بخبرات بعض ، ٥- ممكن تساندي صديقة وتسمعي لها وتساعديها ، المساعدة بالنسبة لك بتحسن المزاج وترفع مستوى هرمونات السعادة بصفة عامة مفيش كل دة ؟ ٦- روحي ملاجيء او جمعيات خيرية او منازل رعاية المسنين وتسمعي لهم وتحكي لهم قصص وتساعديهم وتعوضيهم عن اهلهم وناسهم انتي حتسانديهم وهم حيساندوكي ،، اظهارك للتعاطف حيزود افراز الاكسيتوسين . الناس اللي بتحب القراءة تدخل نت تقرأ مقال دكتور كريستين نيف عن تأثير رعاية الآخرين على كيمياء المخ والجسم . تابعونا على الفيس اكونت الفيس بوك https://www.facebook.com/profile.php?... جروب ادرس عدوك النرجسي   / kawthersanad11   الكتب ١- Becoming the Narcissist's Nightmare ٢- Disarming the Narcissist 3- healing from narcissist