Скачать с ютуб 思念故鄉 戰火燒馬來 в хорошем качестве

思念故鄉 戰火燒馬來

影片來源（剪輯）    • Taiwan The Face Of Free China 1960 Ed...   思念故鄉 胡美紅唱    • 胡美紅 思念故鄉   戰火燒馬來 江蕙唱    • 思念故鄉 江蕙   「一歌一故事系列」講稿： 楊三郎佇1952年組一个「烏貓歌舞團」佇全台巡迴演出，1954年熱人烏貓歌舞團佇高雄國際戲院公演的時，嘉義革新話劇團請伊為新話劇「戰火燒欲來」寫一首主題曲，閣共歌詞交予楊三郎，楊三郎歌詞提咧去附近的一間咖啡廳點一杯咖啡，咖啡啉落靈感一下來隨就動筆譜曲，大約兩點鐘後，服務生提醒伊咖啡冷去矣，楊三郎感覺歹勢閣點一杯，這首戰火燒欲來就佇兩杯咖啡的時間完成。 毋過，國民政府認定原作詞者思想有問題，共掠去槍殺，楊三郎聽著這个消息擔心受牽累，趕緊共這首歌提轉來，另外請周添旺重新填詞，閣共歌名改做「思念故鄉」，新歌詞是按呢： 山明水秀天氣燒烙(o) 甘蔗躼躼像竹篙(o) 水牛仔食草田岸趖(o) 佮伊談情佮相褒(o) 思念我故鄉自然的山河(o) 如今離開千里遠(ng) 啊！ 啊！想著心又慒(o) 啊！ 啊！想著心又慒(o) 秋天已到暝夜愈長(ng) 好天透早出家門(ng) 我來播田你又擔秧(ng) 做陣踮在田中央(ng) 思念我故鄉美麗的田園(ng) 如今離開千里遠(ng) 啊！啊！想著心會酸(ng) 啊！啊！想著心會酸 農村風光在我眼前(ing) 草木青翠溪水清(ing) 我有純情的心性(ing) 佳哉會得通分明(ing) 思念我故鄉美滿的家庭(ing) 如今離開千里遠(ng) 啊！啊！想著心袂清(ing) 啊！啊！想著心袂清(ing) 資料來源：文化部「臺灣大百科全書」https://nrch.culture.tw/twpedia.aspx ?id=10069 江蕙唱的版本和周添旺的歌詞有精差，毋過咱毋敢確定這首是毋是「戰火燒馬(欲)來」的原詞，雖然經過遐濟年（對1949年戒嚴開始到1987解嚴為止攏算是白色恐怖時期），楊三郎受採訪的時心神猶會不安，嘛無透露作詞者的姓名佮歌詞，干焦講革新話劇團的頭家是嘉義的木材商，伊寫這首歌換著四跤柴箱佮一个演奏台。「戰火燒馬來」的原詞有可能是按呢： 我騎水牛你來飼鵝(o) 山頂食草溪邊趖(o) 談情說愛好𨑨迌(o) 為何失戀心慒慒(o) 可愛的故鄉可愛的山河(o) 今日離開千里遠(ng) 啊！啊！何時再相會(ue) 啊！啊！何時再相會(ue) 我來播田你來擔秧(ng) 秧仔播落心頭酸(ng) 春來秋去日頭長(ng) 為何你毋在田中央(ng) 可愛的故鄉可愛的田園(ng) 今日離開千里遠(ng) 啊！啊！何時再相會(ue) 啊！啊！何時再相會(ue) 我來有情你來有義(i) 毋驚散赤毋驚窮(ing) 只驚這業學袂成(ing) 為何心情袂分明(ing) 可愛的故鄉可愛的家庭(ing) 今日離開千里遠(ng) 啊！啊！何時再相會(ue) 啊！啊！何時再相會(ue)