Скачать с ютуб SOQOVI NI MANUA NA SAVENACA iKa 6 ni June 2020 в хорошем качестве

SOQOVI NI MANUA NA SAVENACA iKa 6 ni June 2020

Ena Vakarauwai, na ika6 ni siga ni Jiune, 2020, sa kauta yani kina na Manua na Savenaca, na iLiuliu ni Mataivalu ni noda Vanua o Viliame Naupoto inakoro o Yalobi. E vutucoqa na vanua o Nalotu se Vanua vakaturaga o Nalotu ena nodra tavaka ka kidavaka vakavanua, na Savenaca. Era a kidavaki taumada vakavanua na iLiuliu ni Mataivalu, ni bera nira qai cereka na vatunivakananumi kei Savenaca. Era a tiko tale ga na Momo na Tui Vuda, era vasulevu se vasuturaga mai Waya, kei na iVukevuke ni Vunivolalevu ni Lotu Wesele e Viti kei Rotuma, Talatala Iliesa Naivalu, ratou vakaitavi ena cereki ni vatu ni vakananumi kei Savenaca. Na rai e rai mai kina na iLiuliu ni Mataivalu, me lesu tale mada inakoro o Save, nibera, ni qai sokota na wasawasa kei Viti ena qaravi ni yadravaki ni kena iqoliqoli. E ciqoma ka marautaka na Vanua na vakasama ya, e matanataki ena nodra kidavaka, ka tavaka vakavanua, vakaturaga na Savenaca, sa sega ni qai cauravou ni Yalobi, sa cauravou kei Viti, me yadrava ka taqomaka na iqoliqoli kei na veiqaravi cava ga, ena dau vakayagataki, ka veiqaravi kina o Savenaca.