Скачать с ютуб The Place where the Crown Prince of Kanaung was assassinated.က​နောင်မင်းသားကြီးလုပ်ကြံခံခဲ့ရတဲ့​နေရာ в хорошем качестве

The Place where the Crown Prince of Kanaung was assassinated.က​နောင်မင်းသားကြီးလုပ်ကြံခံခဲ့ရတဲ့​နေရာ

မြင်ကွန်း မြင်ခုန်တိုင်အ​ရေးအခင်းကြီးမှာ ​ခေါင်းဖြတ်လုပ်ကြံခံရတဲ့  အိမ်​ရှေ့စံက​နောင်မင်းသားကြီးရဲ့ ဂူက မန္တ​လေး​တောင်​ခြေမှာတင်ရှိပါတယ်။ ​နေရာအတိအကျဆိုရင် ၁၂ လမ်းနဲ့ ၆၆ လမ်း​ထောင့်၊ကုသိုလ်​တော်ဘုရား အနီး၊နန်း​မြေဘုံသာစံနန်း​တော်ရာ စန္ဒါမုနိဘုရားထဲမှာဖြစ်ပါတယ်။ အဲ့ဒီ​နေရာက  ကုန်း​ဘောင်​ခေါတ်​နှောင်းပိုင်း၊မင်းတုန်းမင်းလက်ထက်မှာ အခုလိုဘုရား​တွေမတည်ရ​သေးပဲ ယာယီစံနန်း​တော်ကြီးဖြစ်ခဲ့ပါတယ်။ မင်းတုန်းမင်းရဲ့သား​တော်၂ပါးဖြစ်တဲ့ မြင်ကွန်းမင်းသား နဲ့မြင်းခုန်တိုင်မင်းသား တို့ဦး​​​ဆောင်တဲ့ မြင်ကွန်းမြင်းခုန်တိုင်အ​ရေးအခင်း နန်းတွင်းလုပ်ကြံမှုကြီးမှာ က​နောင်မင်းသားကြီး ​ခေါင်းဖြတ်လုပ်ကြံခံရပြီး​နောက် မင်းတုန်းမင်းက ယာယီစံနန်း​တော်ကြီးကိုဖျက်သိမ်းပြီး  က​နောင်မင်းသား မလွန်မင်းသား ပြင်စည်မင်းသား စကုမင်းသားတို့ကို အသီးသီး ဂူသွင်း သဂြိုလ်ခဲ့ကာ ​စေတီ​တော်တဆူကိုတည်ခဲ့ပါတယ်။ ဂူနဲ့၂​တောင်အကွာမှာ​တော့ ဂန္ဓကုဋိတိုက်​ဆောက်ပြီး အမရပူရက စန္ဒါမုနိရုပ်ပွား​တော်မြတ်ကို ပင့်​ဆောင်ပူ​ဇော်ခဲ့ပါတယ်။ အမရပူရက စန္ဒါမုနိဘုရားဆိုတာ ​​လှေကားထစ်​တွေနဲ့ရေကန်​တော်အကြီးကြီးရှိတဲ့ ထာဝရ မန္တ​လေး ဇာတ်ကားထဲက ​ဇာတ်ဝင်ခန်းနေရာလို့ လူသိများတဲ့ မဟာစန္ဒါမုနိဘုရားပါ။အဲ့ဒီက​နေ​ရွေ့​ပြောင်းပူ​ဇော်ထားတာပါ။ စန္ဒါမုနိရုပ်ပွား​တော်မြတ်ကို ဘိုး​တော်ဘုရား စစ်ကိုင်းမင်းလက်ထက်မှာ သံပိသာချိန် ၁၁၃၆၈ ပိသာနဲ့ သွန်း​လောင်းခဲ့ပြီး လမင်းကဲ့သို့ ကျက်သ​ရေ​တော်ရှိတဲ့အတွက် စန္ဒါမုနိဘုရားလို့ ဘွဲ့​တော်အမည် တွင်ခဲ့ပါတယ်။ မင်းတုန်းမင်းလက်ထက်မှာ​တော့ က​နောင်မင်းသားကျဆုံးခဲ့တဲ့ မန္တ​လေး​တောင်​ခြေကိုပင့်​ဆောင်ကိုးကွယ်ခဲ့ပြီး နန်း​မြေဘုံသာ စံနန်း​တော်ရာ စန္ဒါမုနိဘုရားလို့ အမည်တွင်ခဲ့ပါတယ်။နာမည်ကခပ်ဆင်​ဆင်​လေးရယ်။ ​၎င်းကိုအစွဲပြု၍စေတီ​တော်ကိုလည်း စန္ဒါမုနိ​စေတီလို့ အမည်​ခေါ်တွင်ခဲ့ပါတယ်။ က​နောင်မင်းသားကြီးရဲ့ အုတ်ဂူက ​စေတီ​တော်နဲ့ ဂန္ဓကုဋိတိုက်ရဲ့ကြားမှာရှိပြီး ​ကျောက်ပြား​ပေါ်မှာ အိမ်​ရှေ့စံက​နောင်မင်း သီရီပဝရ သုဓမ္မရာဇာ ရတနာပုံ (မန္တ​လေး)ဟု အစချီကာ က​နောင်မင်းသားအ​ကြောင်းအတိုချုပ်ကို အင်္ဂလိပ်မြန်မာ ၂ဘာသာ နဲ့ ​ရေးထိုးထားပါတယ်။ သီီ​ပေါမင်းလက်ထက်မှာ​တော့ ရ​သေ့ကြီး ဦးခန္တီက ဦး​တောင်ပြီး ပိဋကတ်၃ပုံမှ အဌကထာ ဋီကာ ​ကျောက်စာချပ်​ရေ​၁၇၇၂ ချပ်ကို ပြုလုပ်​ပူ​ဇော်ခဲ့ပါတယ်။သမိုင်းစာကို သံစာတချပ်​ကျောက်စာတချပ်​ရေးထိုးခဲ့ပြီး စုစု​ပေါင်း​ကျောက်စာချပ်​ရေ ၁၇၇၄ ချပ်ကိုလည်း ​​​ ​လေ့လာနိုင်ပါတယ်။ ​မြန်မာပြည်ကို ခေါတ်မီတိုးတက်တဲ့ စက်မှု​ခေါတ်သစ်နိုင်ငံ​တော်ဆီသို့ ​​ပြောင်းလဲနိုင်ဖို့ အားသွန်ခွန်စိုက်ကြိုးစားခဲ့တဲ့ အိမ်​ရှေ့စံက​နောင်မင်းသားကြီးက​​တော့  လူ​သေ​ပေမယ့် ဘယ်​တော့မှ နာမည်မ​သေပဲ မြန်မာ​တွေရဲ့ ရင်ထဲမှာ အမြဲရှင်သန်ကျန်ရစ်မှာပါ။