Скачать с ютуб انفجار تشرنوبل.. لماذا انفجر مفاعل تشرنوبل وكيف دفع الشعب السوفيتى ثمن غرور القادة ؟ в хорошем качестве

انفجار تشرنوبل.. لماذا انفجر مفاعل تشرنوبل وكيف دفع الشعب السوفيتى ثمن غرور القادة ؟

حلقات مقترحة تركيا خدعت الكل    • كيف استغلت تركيا حرب روسيا واوكرانيا   نهاية الحرب    • ألمانيا تتدخل لإنهاء حرب روسيا واوكرا...   هزيمة بوتن    • فضيحة بوتن بعد ضرب قاعدته الجوية   أوروبا عطشانه    • جفاف أنهار أوروبا وغرق مدينة الاسكندرية   خيانة الزعيم    • تجنيد زعيم كوريا الشمالية ضد الصين   تفكيك الاتحاد الأوروبى    • فرنسا تغادر الاتحاد الأوروبي   يوم 26 ابريل سنة 1986.. وتحديدا الساعة 1.. 23.. و45 ثانية بالظبط.. يفاجئ العالم كله بانفجار المفاعل النووى تشيرنوبل فى الاتحاد السوفيتى.. هنا الإجراء الطبيعى اللى بيحصل مع أى انفجار فى الدنيا.. هو ان المطافى تجرى بسرعة علشان تطفى الحريق.. وفعلا ده اللى حصل.. لكن سيدى المواطن الموضوع لو بالبساطة دى مكناش عملنا عنه حلقه.. وخلينى أحكيلك.. بمجرد ما وصل رجال المطافى لموقع الانفجار.. وبدؤوا يطفوا الحريقة.. وبرغم انهم واقفين بعيد عن النار.. إلا إنهم بدؤوا يقعوا واحد ورا التانى.. الواحد منهم يبقى ماسك خرطوم المايه وشغال بيطفى فى الحريقة.. لكن فجأة هووب.. يقع.. والحقيقة مكنش ده الخطير فى الموضوع.. أخطر حاجه هى ان واحد من رجال الإطفاء وكان اسمه فاسيلي إجناتنكو.. وخليك فاكر اسمه علشان هحكيلك حكايته مع زوجته ليودميلا كمان شويه.. فاسيلي إجناتنكو ده شاف حجر كبير مكسور ومرمى بعيد عن المفاعل.. فاستغرب ازاى حجر بالضخامة دى يتقسم نصين ويطير المسافة دى كلها من المفاعل؟.. لكن برده الأسئلة دى مكنتش أخطر حاجه.. أخطر حاجه انه بعد ما مسك الحجر بايده – علما بإنه لابس فى ايده جواندى عازل للحرارة.. بدأ يصرخ كأنه عيل صغير.. ايده بتتحرق.. ولما زمايله قلعوه الجواندى اترعبوا.. كف ايده مش بس اتحرق.. ده اتشوه.. الجلد اختفى.. وهنا كان السؤال.. ايه اللى حصل؟.. ايه الحجر اللى مسكه بايده ده وازاى عمل فيه كده؟.. هقولك.. الحجر ده سيدى المواطن اسمه حجر الغرافيت.. وخطورته فى ان مكانه الطبيعى هو قلب المفاعل.. ده موجود فى قلب المفاعل من جوه.. وبالتالى هنا السؤال؟.. ايه اللى طلعه من قلب المفاعل النووى وكسره ورماه بعيد عن المحطة النووية كلها؟.. خد بالك لحد اللحظة دى كل عمال الإطفاء مش فاهمين حاجه ولا يعرفوا الحجر ده بتاع ايه؟.. كل اللى شايفينه ان الحجر ده شوه ايد زميلهم.. وان باقى زمايلهم بيقعوا واحد ورا التانى.. حضرتك تقولى طيب ما يبعدوا عن الحريقة دى لحد ما يفهموا ايه اللى بيحصل.. أقولك طبعا مينفعش.. حضرتك فى الاتحاد السوفيتى.. يعنى أى تقصير فى شغلك سهل جدا تقضى اللى باقى من عمرك فى معتقلات سيبيريا.. ومعتقلات سيبيريا أخر مكان على كوكب الأرض ممكن تفكر انك تقضى فيه 4 دقايق على بعض.. فاللى كان بيحصل ان عمال الإطفاء اللى بيقعوا.. بييجى غيرهم يكملوا شغلهم.. شوية والجداد هما كمان يقعوا وييجى غيرهم يكملوا شغلهم.. وهكذا.. طيب الناس اللى بتقع دى بيروحو فين؟.. بيطلعوا على المستشفيات.. الغريب هنا بقى ان على ما الاسعاف كانت بتوصل المستشفى توصل عمال الإطفاء اللى وقعوا.. المسعفين هما كمان كانوا بيقعوا قدام باب المستشفى.. وهنا بدأت الناس تقلق.. فى حاجه غلط بتحصل.. عمال المطافى بيقعوا من الحريقة والدخان والمجهود.. ماشى.. لكن المسعفين اللى يادوب شالوا عمال المطافى وحطوهم فى الإسعاف ورجعوا بيهم على المستشفى.. بيقعوا ليه؟.. هو ده كان السؤال.. مين هنا يمسك طرف الخيط؟.. الدكاترة.. الدكاترة اللى فى المستشفيات بمجرد ما شافوا أعراض عمال المطافى والمسعفين.. عرفوا انها بسبب الإشعاع.. وكان أكتر واحد باين عليه أعراض الاشعاع هو مين ؟.. فاسيلي إجناتنكو اللى كلمتك عنه من شويه.. لدرجة ان زوجته ليودميلا لما حاولت تدخله المستشفى تطمن عليه.. منعوها علشان متتأثرش من الإشعاع اللى مغرق جسم جوزها.. لكن طبعا محدش قالها على موضوع الاشعاع ده.. هما منعوها من الزيارة وخلاص.. لكن ولأن ليودميلا كانت بتحب جوزها.. فضلت تراوغ لحد ما دخلت وسط انشغال الدكاترة بالحالات اللى عماله توصل.. وأول ما شافت جوزها فاسيلي إجناتنكو.. اترمت فى حضنه.. لكن مش ده الخطير.. الخطير انها كانت حامل.. طيب حصلها ايه بعد كده هى والجنين اللى فى بطنها؟.. هقولك كمان شوية.. خلينى أقولك الأول أضرار الإشعاع علشان تبقى عارفها.. لو اتعرض الانسان لنسبة كبيرة من الإشعاع خلاياه بتتحلل.. بيتحول الجلد للون الأحمر وبعد كده اللون الأسود.. بعد كده بيمر جسمه بفترة خمول مدتها يوم أو اتنين.. الألم بيقل وبيتخيل الانسان ان حالته بدأت تتحسن.. لكن الحقيقة عكس كده تماما.. لأن بعد اليومين دول.. بيبدأ الانهيار.. خلايا النخاع العظمى بتموت.. والجهاز المناعى بيعطل.. وتبدأ أعضاء جسم الإنسان تتحلل.. كل ده وهو لسه حى مماتش.. وبالتالى بيحس بألم رهيب لا يمكن لحضرتك انك تتخيله بسهولة.. وبعد أسبوعين أو 3 بالكتير من الألم الرهيب ده.. بيموت.. أما فى حالات التعرض لنسبة بسيطة من الإشعاع.. فالإنسان صحيح مش بيصاب بالأعراض دى.. لكن حمضه النووى بيتأذى.. وبيصاب بالسرطان أو فقر الدم.. وفى الحالتين بيموت خلال 4 أو 5 سنين بالكتير.. أما فى حالة التعرض لنسبة عالية جدا من الإشعاع.. فجسم الإنسان بينهار ويموت مباشرة.. لدرجة انهم قسمو سطح مفاعل تشيرنوبل لـ 3 أجزاء.. الجزء الأول سموه كاتيا.. وده كان نسبة الإشعاع فيه ألف رونتغن فى الساعة.. والرونتغن دى وحدة قياس الإشعاع.. طيب نسبة الألف رونتغن دى بتعمل ايه؟.. بتموت الإنسان فى ساعتين بس.. لو قعدت جواها ساعتين تموت.. الجزء التانى من سطح المفاعل سموه نينا.. نسبة الإشعاع فيه ألفين رونتغن فى الساعة.. ودى نسبة مميته.. تموت فى أقل من ساعتين.. أما الجزء الأكبر من سطح مفاعل تشيرنوبل فكان اسمه ماشا.. ونسبة الإشعاع فيه 12 ألف رونتغن.. والمكان ده وصفوه وقتها بإنه أخطر مكان على وجه الأرض.. من المصادر Chornobyl 01:23:40 The True Story of the World's Worst Nuclear Disaster. by Andrew Leatherbarrow #كارثة_تشيرنوبل #المواطن_سعيد