Скачать с ютуб يا ترى أخر مرة افتكرت الموت كانت امتى ؟ в хорошем качестве

يا ترى أخر مرة افتكرت الموت كانت امتى ؟

بدون مبالغة.. ده أعظم نصيحة وأعظم معلومة عرفتها في حياتي عن التحفيز. قرأت كتب ومعلومات وحقائق وأسرار كتير جدا عن التحفيز والتشجيع ولكن حرفيا السر الي هتكلم عليه دلوقتي. هو فعلا الي ساب أثركبير عليا وعلى حياتي. أحيانا بحس بالملل والزهق وانا بكتب سكريبت للحلقة الجديدة. وافضل أقول أنا هأجل الحلقة لما ألاقي فكرة كويسة اتكلم عنها. وأكيد الفكرة دي هتيجي بكرة بكرة بكرة أو بعده ولما تيجي هجهز حتة سكريبت يكسر الدنيا عشان خاطر حبايبي. وييجي بكرة وانا زي مانا. بطيخة نايمة مكانها. ولكن لما بستخدم السر السهل البسيط ده. بقوم من مكاني فورا وأبدأ أكتب واشتغل بكل طاقتي. السر ده فعلا يا جماعة قادر انه يحرك بركان الطاقة الي جوا كل واحد فينا. قادر انه يشحن حماسك ويخليك تقوم من مكانك تنجز أي حاجة وراك. قادر انه ينهي ويقضي ع كسلك . قادر انه يفجر كل مشاعر التحفيز لأي إنسان. السر الي انا هتكلم عليه النهاردة هسميه. الموت. افتكر انك هتموت قريب جدا. ممكن دلوقتي ممكن بكرة ممكن بعده. ممكن كمان سنة او عشر سنين او عشرين سنة. الموت بييجي في لحظة بدون أي مقدمات أو أي تنبيه. اأفتكر ان أيامك محدودة جدا في الحياة. الفراعنة والرومان وجميع الحضارات كان مصيرهم الموت. كل الناس الي قبلك ماتت. انت كمان هتموت. وهتبقى ماضي زيهم والمستقبل هيبقى ماضي وهكذا . جمعية ودايرة يا حبيبي. عايز أفكرك ان الوقت بيعدي بسرعة وان الدنيا مش دايمة ولا مستمرة معاك. انت ليك عدد محدود من الأيام هتعيشه وبعد كده رصيدك من الأيام هيخلص وهتفارق كل حاجة. لازم تعيش حياتك ودايما راسم الموت قدامك . لازم كل يوم تفتكر الموت. في كتاب اسمه الساموراي في فقرة بتكلم عن الموت وبتقول .الوقت الي انت فرحان فيه وعايش حياتك بهدوء وسلام لازم تفتكر انك هتموت. افتكر انك هتموت وجسمك هيتقطع بالسهام وحياتك هتخلص . لازم كل يوم تفكر في الموت. انا عارف ات الكلام الي فات ده أحبطك شوية. ولكن الحقيقة انت لو فكرت في الموت هيكون ده بالنسبالك دافع قوي و محفز ليك عشان تنجز كل مهامك واولياتك الي عمال تأجل فيها. مثلا مثلا يعني . قدامك بالظبط شهر واحد هتعيشه في الدنيا دي. هتعمل إيه. مفتكرش انك هتكون فاضي للتفاهات وتضييع الوقت. مفتكرش انك هترتكب أي عادة سيئة في الشهر ده. هتحافظ جدا ع وقتك. هتقرب من صحابك وقاريبك وهتقعد نعاهم وهتصل رحمك. هتعتذر لكل الناس وهتصالح أي حد زعلان منك. هتقرب من ربنا لدرجة انك ممكن تكمل الشهر ده كله معتكف في المسجد. صلاة وصوم وطاعة واستغفار ودعاء بالرحمة والمغفرة. طيب نفترض مثلا مثلا ان الشهر ده بقى سنة كاملة أو خمس سنين. هل هتمارس وتكمل حياتك بنفس الطريقة ولا ايه التغيير الي هيحصل؟