Скачать с ютуб اية الحلاوة دي !! خان الخليلي تحفة - جولة داخل خان الخليلي في مصر в хорошем качестве

اية الحلاوة دي !! خان الخليلي تحفة - جولة داخل خان الخليلي في مصر

فى قلب خان الخليلى تقدر تشوف وتحس أصالة الماضى وعظمة التاريخ وتعيش النوستاليجا على حق وتلمس قلب التاريخ وتسمع نبضه كمان ، ولما الشاعر العظيم سيد حجاب قال ان اللى بنى مصر كان فى الأصل حلوانى كان غلطان ده اللى بنى مصر الف حلوانى وحلوانى . ويجى من ٦٠٠ سنة كده فى عصر المماليك ظهر حلوانى منهم وأمر بأنشاء الخان فى المنطقة دى وكان أسمه جهاركس الخليلى وكان مملوك فلسطينى الأصل لكن صابته عدوى الفن الأصيل اللى موجودة أثرها فى كل زقاق وشارع من شوارع القاهرة الفاطمية والخان ولولا خان الخليلى مكناش لا سمعنا ولا قرينا رواية عظيمة زى رواية خان الخليلى واللى كتبها الأديب العظيم نجيب محفوظ ، ولا كنا عيشنا ولا شوفنا إبداعاته الفنية والكل يعرف أنه كإنسان اتربى فى المنطقة وأتأثر بالجو الفني الأصيل ده . ومن بعد جهاركس ما مات جه قنصوة الغورى وشال الخان وبنى مكانه السوق بالمحلات والورش اللى فيه واللى لسه موجودة لحد دلوقت محتفظه بجمالها . ودلوقت وبعد مئات السنين لما تدخل خان الخليلى هتحس بجمال المحلات والشغل اللى عرضاه ومش هتقدر تغمض عنيك فعلا من جمال وحلاوة المعروضات والتحف الفنية والمنحوتات الأسلامية وشغل الخزف والنحاس المدهب كل حاجة معمولة بأحترافية وجمال عالى . وأحلى لحظة ممكن تعيشها لما تدخل قهوة الفيشاوى وتشرب أحلى كوباية شاى معمولة على أنغام الطرب الاصيل وتسمع دقة العوادين على الأوتار بترج كيانك واللى موجودين فى كل زاوية تحت أمر كل زواق ومستمع للنغم الأصيل ياسلام على العظمة والسلطنة طوابير من البشر واقفة مستنية كرسى يفضى لأجل ما تنول حظها من ساعة الحظ اللى متتعوضش. ولما رجلك تاخدك وتدور فى دواير الخان وشوارعه هتوه فى الالوان المبهجة للمحلات كأنه كرنفال على الطريقة الخان خاليلية وكل ده بين أحضان مبانى الخان القديمة واللى لسه بتحكى ذكرياتها على مدار السنين ولو ركزت هتسمع الحواديت دايرة ما بينهم على شكل اغانى جميلة متسلطنة . لو ركزت أكتر هتلاقى الشغف فى عيون الأجانب اللى مبهورين بالمكان و بالبضائع من شغل فضة ونحاس و دهب ومنحوتات وبرديات بتحكى تاريخ القدماء المصريين ومن فوق منهم المشربيات الخشب بتبص عليهم تستقبلهم بابتسامة صافية وترحاب . المكان كله بيحكى لرواده تاريخ حقيقى ملموس ومبدع ومن أجمل الأماكن اللى أضمنلك فيها متعة حقيقة وتجربة خيالية . #خان_الخليلي #timewasters #قهوة_الفيشاوي #قهوة_الفيشاوي_الحسين #الحسين