Скачать с ютуб Water Cutting Ceremony of Kaduwela Sri Rankadu Paththini Devalaya කඩුදෙවොල දිය රැණකෙළි මංගල්‍ය 2022 в хорошем качестве

Water Cutting Ceremony of Kaduwela Sri Rankadu Paththini Devalaya කඩුදෙවොල දිය රැණකෙළි මංගල්‍ය 2022

කඩුදෙවොල සිද්ධ රංකඩු පත්තිනි දේවාලයේ 210 වන දිය කැපීමේ මහා මංගල්‍යය 2022 ‪@CultureTV‬ බස්නාහිර පළාතේ කොළඹ දිස්ත්‍රික්කයේ හේවාගම් කෝරළයට අයත් කොළඹ අවිස්සාවේල්ල පැරණි මාර්ගයේ කඩුවෙල නගරයේ උස් කඳුගැටයක් මත කැලණි නදියට මුහුණලා පිහිටා තිබෙන වන්දනීයත්වයට පාත්‍ර වූ දේවාල ස්ථානයක් ලෙස කඩුදෙවොල සිද්ධ රන්කඩු පත්තිනි මහා දේවාලය හඳුන්වා දිය හැක. ඉතිහාසගත වාර්තා අනුව මෙම ඓතිහාසික කඩුදෙවොල සිද්ධ රන්කඩු පත්තිනි දේවාලය vi වන පැරකුම්බා රජ සමයටත් පෙර ගජබා රජ සමය දක්වා ඉතිහාසයකට දිවයන බව මෙම දෙවොල වටා ගෙතී ඇති ජනප්‍රවාදවල දැක්වේ. මුල්ලේරියාව සටන ජය ගත් රාජසිංහ රජු තමන්ගේ රන්කඩුව පූජා කර මේ දේවාලය ආරම්භ කළ බව ජනප්‍රවාදයේ එක කරුණක්. කඩුදෙවොල පිළිබඳ වූ ජනප්‍රවාදයකට අනුව මෙම දේවාලස්ථානයට අයිතිවාසිකම් කියමින් මෙහි අධිපති මැණික් බණ්ඩාර දෙවියන් හා බණ්ඩාර හත්කට්ටුවේ සහෝදර දෙවියන් අතර ඇති වූ විසම්මුතියකදී පත්තිනි දේව මෑණියන් මෙම ස්ථානයට වැඩමවා එම ආරවුල සංසිඳවූ බව පැවසේ. පරංගි ආක්‍රමණ හේතුකොට ගෙන පළමු වැනි රාජසිංහ රජුගේ වියෝවෙන් පසු පැරණි දේවාලයත් බළකොටුවත් විනාශ වූ අතර පෘතුගීසීන් විසින් බෞද්ධ දේවාල විහාර විනාශ කර වටිනා පුරා වස්තු කොල්ලකනු ලැබිණ. එම අවස්ථාවේදී මෙහි තිබූ දේවාභරණ රැගෙන මෙම කඩුදෙවොල් කන්දට පලා ආ බවත් එම දේවාභරණ කන්දේ සඟවා තැබූ බවත් vi වැනි පරාක්‍රමබාහු රජු විසින් මැණික් බණ්ඩාර දෙවියන් උදෙසා පූජා කළ රන්කඩුව ද මෙම දේවාල භූමියේ තැන්පත් කර ඇති බවත් විශ්වාස කෙරේ. පත්තිනි මහා දේව මන්දිරයට අමතරව විෂ්ණු, සමන්, නාථ, කතරගම, විභීෂණ, ගණ, ඊෂ්වර, ලක්ෂ්මී, දැඩිමුණ්ඩ, මැණික් බණ්ඩාර, සරස්වතී, දෙවොල්, මොරටු, රංවල, භද්‍රකාලී ආදී දෙවිවරුන් උදෙසා පූජෝපහාර පවත්වනු ලැබේ.  210 වරට කැළණි නදියේ බුලත්ගම්පත තොටුපළේදී සිදුකළ කඩුවෙල රන්කඩු පත්තිනි දේවාලයේ දිය කැපීමේ මංගල්‍යය - 2022 ඓතිහාසික කඩුදෙවොල සිද්ධ රංකඩු පත්තිනි දේවාලයේ 210වන ඇසළ මංගල්‍යයේ දිය කැපීමේ චාරිත්‍රය 2022.08.21 පෙරවරුවේ කැළණි නදියේ දි සිදු කෙරිණි. මෙසේ දිය කැපීමෙ චාරිත්‍රය උදෙසා පෙරහැර පිටත්වයාමට පෙර විහාරයට ගොස් බුද්ධ පූජාව හා පත්තිනි, විෂ්‍ණු හා රිට්ටා දේවාල වලට ගමන් තේවා සිදු කරයි. හේවිසි නාද මධ්‍යයේ දේවාභරණ සහිත පෙරහැර දිය කැපීමට දේවාලයෙන් පිට වේ. පසුව සුභ නැකතින් දේවාල භූමියෙ සිටුවන ලද කප සුදු පිරුවටයක ඔතා දේව ආභරණ සහිත පල්ලැක්කිය පිටුපසින් ගමන් කරවයි. දේවාලයට අයත් තොටුපළින් ඔරුවට ගොඩවන බස්නායක නිළමේතුමන් ඇතුළු පිරිසට අමතරව තවත් ඔරුවක හේවිසි කරුවන් ද ශබ්ද පූජා පවත්වමින් කැළණි නදියේ දිය කැපීමට ගමන් කරයි. කඩුදෙවොල සිද්ධ රංකඩු පත්තිනි දේවාලයේ දිය රණකෙළි මංගල්‍යයේ දිය කැපීමේ චාරිත්‍රය කැළණි නදියේ බුලත් ගම්පත සීමාවේ දී සිදු කෙරෙන අතර ඔරුව තුළ තිර රෙදි වලින් ආවරණය කෙරූ කොටසක් තුළ දී මෙම චාරිත්‍ර ඉටු වෙයි. මේ සඳහා පෙරහැරෙහි රන් කඩුව හා වඩම්මවන පත්තිනි දේවියගේ දේවාභරණය යොදා ගනියි. දියට බහා දිය කපා එතැනින් වෙන් වන දිය පහරින් නැවුම් වූ දිය රන් කලයට පුරවා ගනී. දිය කැපීමේ දී දිය බෙදී යන ස්ථානයේ ඒ කැපුම රන් කලයට දිය පුරවා ගන්නා තෙක්ම වෙන්ව පැවතීම දේව අනුහසයි. දිය කැපීමෙන් අනතුරුව බුලත් හුරුළු හා පඬුරු දියට දමමින් අදාළ පැරණි චාරිත්‍ර එලෙසටම සිදු කරනු ලබයි. හක් පිඹීමෙන් දිය කපා අවසන් බව දැන්වූ පසු තොටියන් ඔරුව නැවත ගොඩවන තොටුපළ වෙත ගමන් කරවීම සිදු වේ. චාරිත්‍රානුකූලව පුදසිරිත් කිරීමෙන් අනතුරුව තොටුපළින් ගොඩ වන බස්නායක නිළමේතුමන් පැමිණෙන්නේ හිසේ සිට පිරුවටයකින් වසාගෙන වීම විශේෂත්වයකි. පිරුවට වලින් ආවරණය වී පැමිණි පසු සෙත් ශාන්ති සිදු කරවා කීල ගරා වෙස් පෑමෙන් හිසේ සිට වසා ඇති පිරුවට ඉවත් කිරීම සිදු කෙරේ. දිය කපා ගොඩවන ස්ථානයේ දී ඇසළ මංගල්‍යය ආරම්භයේ දී සිට වූ කප පා කර හැරීම සිදු වේ. කප පා කර හරින පුද්ගලයා කප ඔරුව යටින් පිහිනා රැගෙන ගොස් පා කරයි. එසේ සිදු කරන්නේ සියල්ලන්ගේ වස්දොස් දුරු කර ශාන්තිය උදා කරලීමටයි. පසුව දේවාභරණ හා රන් පැන් කලය එම ස්ථානයේ තැනූ විශේෂ මණ්ඩපයක තැන්පත් කර ගරායක් ශාන්තිකර්මය සිදු කරයි. සියල්ලන්ට දේව දානය පිළිගැන්වීමෙන් අනතුරුව රන් පැන් කලය හා දේවාභරණ රැගත් දිය කපා ගෙවදීමේ පෙරහැර දේවාලස්ථානය වෙත ගමන් අරඹයි. මෙසේ ලබාගන්නා පැන් ඉදිරි වසරේ හිසතෙල් ගෑමේ චාරිත්‍රයේදි නානුමුර මංගල්‍යය සඳහා යොදා ගනියි. මෙම දිය කැපීමේ මහා මංගල්‍යයයෙන් කඩුදෙවොල සිද්ධ රංකඩු පත්තිනි දේවාලයේ 210 වන ඇසළ මංගල්‍යය නිමාවට පත් විය. රට තුළ පැවති ව්‍යවසන තත්ත්වය මත වුවද මෙවර මංගල්‍යය සාර්ථක කරගැනීමට සහය වූ සෑම සියලු දෙනාටම උතුම් සත්පත්තිනි මෑණියන්ගේ පිහිට ආරක්ෂාව නිබඳවම ලැබේවා! තෙරුවන් සරණයි! #Kaduwela #Rankadu #Paththini_Devalaya #Diya_kapime mangalya #water Cutting Ceremony Diya kapana mangalya, Diy kapime mangalya #පත්තිනි දේවාලය #කඩුවෙල #නවගමුව #paththini maniyo රන් අසිපත, මුල්ලේරියා රණබිම, මුල්ලේරියා යුද්ධය, ඉපැරණි රණ නර්තන සම්ප්‍රදාය, කොරතොට සටන් ශිල්පීන්, කඩු පළිහ වාහල නැටුම, දිය රණ කෙළි මංගල්‍ය 2022 @kaduwela @paththinidevalaya @kadudewolapattini Water Cutting Ceremony of Kaduwela Sri Rankadu Paththini Devalaya 2022 Sri Lankans believe that the water collected at the diya kaepima (water-cutting) ceremony is sacred and to touch this water or to bathe in it is considered particularly efficacious to remove evil. Therefore people collect at a spot just below the site of water-cutting to allow the sacralized water to touch their half-naked bodies already immersed in water. This is especially true of the water cutting ceremonies at Kaduwela. The water-cut­ting ceremony at the Kelani Ganga is particularly interesting because it is shared both by the Buddhists and the Hindus.