Скачать с ютуб أجمل قصيدة للشيخ أحمد بن محمد بن راشد آل مكتوم { عزام } в хорошем качестве

أجمل قصيدة للشيخ أحمد بن محمد بن راشد آل مكتوم { عزام }

ألا يالله عفوك والرضا من رحمتك راجيين تعرف أسرار أنفسنا وأنت اللي تحاسبها أنا أشهد لا إله إلا أنت خلاق البشر من طين تغفر لمن تشاء ومن ظلم نفسه تعذبها تحفظ بلادنا دايم من الحساد و الواشين وكل منهو بظهر الغيب بقواله تغيبها يا قايدنا (خليفة) نمشي بأمرك..فدائيين تحت راية بلاد العز ونلبي مطالبها بحكمك وبوجودك دارنا في كل يوم تزين اطيبب طيبك الطيب ومن طيبك تطيبها و(ابو راشد) يمينك في العسر واللين.. نِعم يمين بجهد وعزم..دولتنا يعليها وينصبها أشوفه من غلاك يعزها ويشلها بكفين أظني للنجوم العالية ناوي يقربها ويا بوراشد رحل (زايد) و(زايد) بسمة المسكين درى بانك و(ابو سلطان) وانضاقت كفو بها ----------------- ثمانمية سنه.. معقول ما فينا صلاح الدين!!! ثمانمية سنه.. وذكورنا ما كن رجل بها ؟؟ تعبنا من عذر بعدين ياكثر الذي بعدين وبعدين العرب تفنى الليالي لو تعاتبها سلام الله يا (خالد) يا (طارق) يا (ابن تاشفين) وسلام الله يا القسام في أرض تحل بها يا ليت المعتصم واللي ذكرنا بعضهم باقين رجالٍ صيحة المظلوم لا ثارت تجاوبها يا كثر سيوفنا لكن تعلق دوم للتزيين وخف حنين لو نفزع ترانا مانرد بها قسم بالله لو فينا رجل ماغمضتله عين وأرواح الصغار بدون جرم الموت يجذبها تسيرنا الشراذم من مذلة مانقول لوين تهجينا الخضوع وغابت العز وشاربها تضيع حقوقنا مابين حزب يسار حزب يمين نقول المصلحة وحده ولكن كيف نكسبها رجال أعمال بس همهم تحسب الفلس والفلسين وجسم الطفل في غزة لذيذ النوم حاربها تفرقنا على صوت المدافع والسنين سنين إذا غارت علينا بس نستنكر ونشجبها سنين الذل والعربان وما لبوك يا حطين تجرأ بالديار البوم وكل منهو يمر بها على كم طاولة ياكم تنازلنا إلين الحين وتبقت ورقة التوت وقريب أظن نجذبها خطابات إجتماعات تدق بقبرنا أسفين يزيد بها التنازل بس ماحق يرد أبها تنازلنا عن الأرض والعرض وبقايا الدين نسوق الإحتلال بكفنا ونحب منكبها بقاعات التفاوض كبرت كروش وأهين جبين يموت (محمد الدرة) ونحن نرقص لمطربها على صرخة رضيع وطفل وشيوخ تجر ونين بدال نفزع للصرخات كم طحنا بجانبها عدو الله محتل الأراضي من سنة خمسين ومازلنا نفاوض لين كل الشام يسلبها مطامع دولة كبرى من الأبيض إلى النهرين نشوف ونسمع وظل المخادع كيف يحجبها كأنا نطلب الفزعات من شارون أو رابين وطعنات الغدر كل يوم لكن مانحس بها أنا ما أبكي على غزة ولا ابكي على فلسطين أنا ابكي بلاد الشام مشرقها لمغربها من الجولان لشبعة إلى الضفة من الصوبين إلى غزة عذاب المعتدي واللي يحاربها إذا ماقلت في حقة حقيقة قول يصبح دين حقيقة مانكدسها ولا للغير ننسبها وربي خالق الإنسان مهدنة إلى النجدين بعقله يهدي نفسه لموجبها وسالبها ترى ما يكسر العاقل بدون السيف عقل رزين لان للبنادق منطق اقناع جدير بها دعانا الله للوحدة ولكن وين واحنا وين فصايل عنصرية والكتايب من تجاربها مثل قالوه ما تمشي السفينة بأمر ربانيين فكيف أن أصبحوا عشرة فمن منهم يلف بها نبا الوحدة ..نبا القوة ..بدون إصلاح ذات البين نعيش أحلام من ضرب الخيال ولا نواكبها حلوم (ن) مانفسرها ولا تفسير بن سيرين على أوتار سياسي تخططها وتلعبها دخيلك (سيبويه) ونحوك اللي يعرب الضدين فقليا ابو النحو: حال العرب يا كيف تعربها!!.