Скачать с ютуб تكتيك النرجسي بيسيطر بيه على حياتك تماما من غير ماتحسي в хорошем качестве

تكتيك النرجسي بيسيطر بيه على حياتك تماما من غير ماتحسي

رقم واتس اب الحجز وشراء كتاب التشافي من العلاقة النرجسية 00971568496791 لينك الواتس اب https://wa.me/message/MKKOMJ3C77WMB1 حجز الاستشارات : https://kawtharsanad.com/ ما عليك سوى الانتساب إلى هذه القناة للاستفادة من المزايا:    / @user-id-kawthers-sanad   ازاي النرجسي بيوصلك انك تمشي على قشر بيض وازاي تقاومي دة النرجسي في بداية الحياة معاكي زي ماكلنا عارفين بيبدأ يحط لك القوانين اللي بتخليكي حرفيا ماشية على قشر بيض . القوانين دي بتتحط بطريقة خفية ولئيمة وخبيثة وانتي أصلا مش منتبهة نهائيا ، القوانين دي بتتحط من اول لحظة النرجسي بيحس انك وافقتي ترتبطي بيه من بداية العلاقة ، بيحطها ازاي قوانين من وانتي مخطوبة مش حيقول لك ترجعي الساعة كذا ولكن حيكلمك في كل الأوقات لحد مايعرف مواعيدك ويحفظها وبعدين يكلمك في ميعاد رجوعك فيلاقيكي ماروحتيش فيسألك انتي فين ويعدي المكالمة وبعدين مايكلمكيش تاني لما تروحي وممكن يسيبك يومين تلاتة ويختفي او لو كلمك بعد ماتروحي يكلمك ببرود كلمتين ويقفل وانتي تحتاري وتبقي بتلفي حوالين نفسك ما انتي مش عارفة ايه اللي حصل وخصوصا انه ماعترضش على حاجة ولا قال لك اتأخرتي ولا روحتي ولا جيتي فانتي تبقي مش فاهمة ولو سألتيه ماله ممكن مايتكلمش ويفضل يتفرج عليكي وانتي محتارة ماله او يكلمك بطريقة غبية ويقول لك انتي عارفة انتي عملتي أيه ويفضل يقرف فيكي ولو هو مش حيخاف من اهلك او حاسس ان حدودك ضعيفة حيقول لك ماتخرجيش مع اخوكي تاني مثلا او تروحي علطول ومفيش مشاوير او ماتخرجيش بعد الشغل من غير اذني ، ولو هو جبان او بيعمل لك حساب اولاهلك حيسكت بس حينكد عليكي بحيث تبقي فاهمة ان التصرف اللي عملتيه خروجك مع اخوكي او مشوار لامك او لصاحبتك او حتى لنفسك او موقف انبسطتي فيه مع حد غيره يتحول لنكد فبعد كدة تخافي تتنفسي من غير ماتقولي له ودة طبعا بتدركيه بعد ما الموقف يتكرر اكتر من مرة ودي اول القواعد او القوانين اللي بيحطها لك النرجسي ممنوع تتنفسي من غير مايكون عنده علم انك حتتنفسي والا .. القانون التاني بقى ودة أسوأ من اللي قبله ، لو حبيتي تهزري معاه ولا تقربي منه نفسيا ولا تتناقشي في أي حاجة ماتخصكوش بس هو مش ملم بيها ولو اتناقش حينكشف غباؤه حيصدك بطريقة غبية جدا وبحدة او يتجاهل وجودك أصلا ومايردش عليكي ويعمل مشغول او يمسك الموبايل ويكلم أي حد وانتي بتكلميه او انه بعد ماتخلصي كلام يقول لك انتي فاهمة حاجة ايه التخريف اللي بتقوليه دة وتلاقيه بيكرر كلامك بعدها باسبوع مع أصحابه ولا أي حد ، المهم انك تفهمي انك اقل منه مش حتى زيه ولا قريبة منه لا انتي اقل وماينفعش تقربي ولا تاخدي وتدي في الكلام كدة انتي تبقي اخدتي عليه وقربتي بزيادة ، بعض الحالات بتقول انها كانت تحلم بيه انه ابوها وكانت بينها وبينه جدار عازل كأنه راجل غريب عنها ، ودة اللي دايما نقوله هو بيحط حدوده من اول يوم وانتي مش دريانة وفي نفس الوقت بيخترق حدودك تماما وانتي أصلا جاية بيها مفتحة من بيت اهلك يعني جاهزة وسهلة الاختراق ، ودة اكتر حاجة بتحسسك انك اقل منه وهو دة اللي هو عايزه ، دة غير بقى زياراتك لاهلك وخروجك مع صاحباتك ولو مسكتي كتاب تقرأيه ولا حتى المصحف ولا مسكتي أي حاجة تعمليها لنفسك أي شيء لنفسك ومع نفسك وهو مش فيه حيعقبه نكد ملوش سبب وانتي بمنتهى البساطة عايزة سلام وهدوء ومش عايزة نكد فتلاقي نفسك وقفتي حياتك حرفيا شوفتي لما توقفي الفيديو فجأة على صورة حد بيجري او بيلعب وسعيد وبيمرح حياتك بيحصل لها كدة الصورة بتتجمد الحياة كلها بتتجمد عشان تعيشي بدون نكد ، وبعدين فجأة تيجي واحد من حيث لا نعلم ولاندري وتدخل حياته فتتك ع الفيديو بتاعك فتبدأ الصورة تتحرك تاني ، يعني ايه يعني معظم الحالات بتفضل حياتها متوقفة كدة لحد ماربنا يكشف لها خيانة فتصحى كأن الخيانة ادتها قبلة الحياة تخيلوا سخرية القدر تفوقي وتعودي للحياة بفضل ضحية جديدة زيك او واحدة نرجسية زيه ، وهنا بتصحي وبتكسري كل قشر البيض اللي تحت رجلك وتلاقي نفسك بتتغيري وبالتدريج بتكوني شخصية مختلفة وهو في الأول مش بينتبه لانه مشغول بالمصدر الجيدي للوقود بس لما المصدر يتظبط ويتضمن حينتبه لك وياخد باله انك اتغيرتي فيخاف لاتكوني عرفتي فيرابط في البيت فترة عشان يثبت لك ان مفيش حاجة ويعمل لك هوفرينج ولما ترجعي سنة ويتطمن يمشي تاني ولو ماتطمنش حيعمل مشكلة من لاشيء عشان يمشي ماهو لازم يروح يكمل التظبيط او ياخد وقود او . او أي حاجة المهم انرد فعله في البداية هوفرينج وبعد كدة عينك ماتشوف الا النور ، قصدي الظلام ، من صمت عقابي لغضب نرجسي لكلام جارح لاساءة ادب وطول ما انتي متمسكة بالتغيير طول ماحتشوفي نكد ، بس ماتقلقيش حيفضل كدة لحد مايزهق ويمشي لوحده بس خدي بالك اكتر حاجة مش حتقدري تتحمليها هي منع المصاريف عشان كدة لازم تخفي تغييرك لحد ماتكوني قادرة تصرفي على اولادك وتستغني عنه ماديا ، خلي تغيرك وتطور ذاتك وتقوية نفسك يكون في الخفاء لحد ماتستغني وتكوني مستبيعة ساعتها اعلني تفوقك واعلني استغناؤك دة اذا انتي ناوية تخرجي من العلاقة اما لو ناوية تكملي فالتزمي الصمت وادعي الضعف ولكن بحدود الزمي حدودك وحافظي عليها وماتسمحيش له انه يتعداها ، شوفتي هو بيحط حدوده ازاي من غير ماتحسي ولا تاخدي بالك ، اعملي زيه حطي حدودك بطريقته من غير ماتتكلمي زيه بالظبط بالفعل مش بالكلام ، طيب ازاي حتقاومي الكلام دة وتكسري له البيض كله ؟ اول حاجة انك تفهميه وأول حاجة لازم تفهميها انه لابيحب ولا حيحب ، وتاني حاجة تفهمي اللعبة اللي بيعملها معاكي عشان يخوفك وانه بيربط بين النكد وبين الحاجة اللي بتفرحك عشان تبطلي تفرحي نفسك ، فلما تفهمي دة مش حتتفاعلي ولاحيهمك غضبه ولا زعله ولا نكده ولا حتخافي منه ، مهم اوي كمان انك تفهمي سيكولوجية النرجسي .... الباقي في اول تعليق 0:00-0:34 المقدمة 0:34-7:56 أزاي بيكسر حدودك 7:56-10:39 أزاي تقاومي 10:39-10:57 الخاتمة الخاتمة#صحةـنفسية #القوة #الاكتئاب #النرجسي #النرجسية