Скачать с ютуб عايزة تسيطري ع النرجسي؟ نفذي الكلام دة بالحرف в хорошем качестве

عايزة تسيطري ع النرجسي؟ نفذي الكلام دة بالحرف

رقم حجز الاستشارات والكورسات : ٠٠٢٠١١٥٠٥٨٦٠٥٢ عايزة تسيطري ع النرجسي نفذي الكلام دة اذا قررتي تتعايشي مع النرجسي وفعلا تعافيتي وعايزة حياتك تستقر لازم تحطي في اعتبارك كام حاجة حيساعدوكي على انك تقدري تسيطري على حياتك معاه ١- اول حاجة لازم تفهمي وتدركي تماما حقيقة انك مش بتتعاملي مع شخص بالغ انتيب تتعاملي مع طفل ، طفل لا يحسن التصرف ولا التحدث بمنطقية ، طفل مافهوش براءة الأطفال ابدا وماعندوش كلام بحسن نية اطلاقا وكل كلامه له اهداف واغراض مفيش كلمة او جملة بيقولها الا وبيكون عايز حاجة من وراها ٢- تاني حاجة انتيب تتعاملي مع شخص كذوب هو شخص غير صادق اطلاقا لا في كلامه ولا في مشاعره وانتي عكسه تماما فبتتعاملي معاه بمنتهى الصدق وبيكون صعب عليكي انك تصدقي انه كاذب وخصوصا في مشاعره وبتفضلي تتعاملي معاه بصدق وتيجي تقولي لي انا مش عارفة اتلاعب بيه انا مش واخدة على كدة ،هي المشكلة انك مش عارفة تتواصلي معاه بطريقته ،المشكلة الأكبر ان ماينفعش التواصل بصدق مع شخص كذوب ، يعني ايه التواصل بصدق ، يعني انا عايزاكي تكوني كدابة زيه؟ لا مش دة قصدي طبعا اللي اقصده انك بتتعاملي مع شخصية هلاميه ملهاش ملامح صادقة كل يوم بوش وكل يوم بشكل وكل يوم بمشاعر وكل يوم بكلام وحالة نفسية مختلفة عن اليوم اللي قبله وكل حالة بيدخل فيها بتكون بتخدم مصالحه وطلباته واهمها هدمك وهدم شخصيتك ، طيب الشخص اللي بالاوصاف دي انتي مفروض تتواصلي معاها بصدق؟ يعني تقولي لها كل مشاعرك وتحكي لها كل مشاكلك وتطلبي منها المساعدة ولما تفرحي تبقي عايزة تفرحي معاها ولما تحزني تبقي نفسك هي تطبطب عليكي ودايما تقولي لها اخبارك وتحكي لها يومك بانجازاته بعثراته؟ هو دة التواصل الصادق اللي مش مفروض يكون موجود مع النرجسي لان هو نفسه مش كدة معاكي لان هو ماعندوش أي نوع من الصدق زي ماقلت لك ، فانتي عشان تسيطري عليه وتسيطري عليه هنا مع النرجسي معناها تتقي شره مش تسيطري عليه وتاخدي فلوسه او تاخدي حق مش حقك لا خالص المقصود انك تتقي شره وتاخدي حقوقك وحقوق اولادك وتسيطري على حياتك معاه ٣- انتبهي لاساءات النرجسي الناعمة وماتسمحيلوش انه يصعد الاهانات . هو اللي بيحصل ان النرجسي مش بيبدأ معاكي ابدا بالهانات والتحقير بلفل عالي لا خالص هو أصلا بيبدأ بجس النبض ويشوف حتقبلي اول إهانة ولا حيكون لكي رد فعل ومدة قوة وجدية رد الفعل دة وبيختبر مدى قدرتك على تنفيذ أي كلام قلتيه في رد فعلك دة ، فإذا لقاكي حدودك صلبة وردودك قوية وبتنفذي الكلام اللي بتقوليه زي مثلا تقولي له الكلمة دي لو قلتها لي تاني مش حكمل معاك فيعتذر ويستنى أسبوع مثلا ويكررها ويشوف حتسيبيه فعلا ولا لا واذا نفذتي حييجي يبكي ويركع ويرجعك ولو حس انك رجعتي بسرعة وبسهولة حيحاول يكررها تاني ويشوف في كل مرة حيعرف يرجعك فيها بتضعفي ادامه درجة وبيعرف ديتك دمعتين منه وبترجعي فأبشري المرة اللي بعدها حيصعد ويزود الإهانة ، اما لو صممتي ماترجعيش ودوختيه شوية على مارجعتي حيفهم ان فيه هنا خط احمر ومش حيقرب منه تاني ، المهم انك تفهمي انه بيصعد بالتدريج وكأنه بيبرمجك على تقبل الإهانة بالتريب عليها ،عارفين قصة الضفدعة اللي لو حطوها في مية سخنة بتنط منها في ثانية انما لو حطوها في مية دافية وتحتها شمعة بتسخنها فالمية تسخن بالتدريج والضفدعة مش حاسة لحد ماتموت من غير ماتحس بزيادة السخونة ( قيل ان فيه تجارب اتعملت ع الضفدعة لقوها بتخرج بسرعة من المية لما بتوصل لدرجة معينة ) هو اللي بيحصل معاكي غالبا مطابق لواقع التجربة الحقيقي انك فعلا بتوصلي لدرجة معينة مع النرجسي وتلاقي نفسك خلاص عايزة تنطي وتخرجي من العلاقة وغالبا دة بيحصل لما الإهانة توصل للخوض في الشرف وبعض الناس إهانة الاهل وبعض الناس انه يشتمها صريح والبعض بتوصل لاخرها لو كشفت خيانته ،المهم ان كل واحدة فيكم عندها درجة معينة بتفوق عندها واللي عايزة أقوله لكي مش لازم تفضلي قاعدة لحد ما المية تسخن وتتلسعي عشان تفوقي اعرفي وافهمي واتحركي من بدري عشان تسبقيه بخطوة ،مش تتحركي وتسيبيه لكن تتحركي وتنقذي نفسك من العلاقة الهلامية اللي انتي فيها تتعافي من الإدمان وتتعاملي معاه بالعقل زي ماهو بيتعامل معاكي بالعقل