Скачать с ютуб هل فلاتر الهوا الرياضية مفيدة فعلاً !!! в хорошем качестве

هل فلاتر الهوا الرياضية مفيدة فعلاً !!!

@عربيتي إيه الفرق بين الفلاتر العادية وفلاتر الهوا الرياضية هل الفلاتر الرياضية بتفرق في الأداء فعلاً إيه هي عيوب فلاتر الهوا الرياضية أعتقد إن أي حد مهتم بتعديل العربيات أول حاجة فكر يعدلها في عربيته هي تركيب فلاتر الهوا الرياضية، سواء بقه غيّر الفلتر الأصلي ببديل عالي الأداء (Replacement) أو بتركيب إنتيك كامل (قصير أو طويل)، وطبعاً غالب اللي قام بالخطوة الأخيرة توجه مباشرة للأنواع الرخيصة نسبياً زي السيموتا مثلاً، أو تقليد لأنواع مشهورة ومعروفة زي (K&N) أو جيتكس، ولكن يبقى السؤال المهم، هل فعلاً الفلاتر الرياضية فعّالة، ولا هو صوت عالي وخلاص؟ قبل ما نجاوب على السؤال وكالعادة ها نعدي بسرعة كده على نقطة أساسية في فهم الإجابة، وهي ما يسمى بالـ (ATF Ratio) أو (Air To Fuel Ratio) واللي اسمها بالعربي نسبة الوقود إلى الهواء، والمعدل المثالي في أغلب المحركات القياسية بتكون 1:14.7 يعني مع كل 14.7 جزء هوا مفترض يكون معاه 1 جزء وقود. دية النقطة اللي صانعي فلاتر الهواء الرياضية بيعتمدوا عليها، وهي إن كل ما زودنا كمية الهواء اللي داخلة للمحرك كل ما كونترول العربية زود كمية الوقود المرسلة للمحرك علشان يوصل للمعدل المثالي للـ ATF (زي ما قلنا مسبقاً 14.7:1)، ولو ها تسأل ازاي الكمية بتزيد في نفس الغرفة بدون تغير مساحة الغرفة هاقولك دية نقاط فيزيائية متعلقة بالحجم والكثافة والفرق بينهم ويعني موضوع طويل شويتين. طيب نوصل للإجابة بتاعت سؤالنا الأساسي. هل فعلاً الفلاتر الرياضية بتفرق في الأداء؟ بإختصار شديد أه في فرق طفيف في الأداء ما بين الفلاتر القياسية الورق اللي بتشتريها من أي محل قطع غيار، وبين فلاتر الهوا الرياضية المحترمة اللي ممكن تشتريها من بعض الأماكن في مصر، والكلام ده مثبت علمياً وعملياُ، في تجارب على أرض الواقع كتير أثبتت ان في تحسن طفيف في أداء العربية مع استخدام فلاتر الهوا الرياضية وفي زيادة في الأحصنة ما بين 1 حصان وحتى 30 حصان للمحركات الكبيرة، مقارنة مع استخدام فلاتر قياسية ورق جديدة في نفس المحركات. ولكن لازم نفهم إن معدل زيادة الأداء مرتبط تماماً بتصميم وشكل نظام الإنتيك بتاع عربيتك، فصحيح إن غالباً في تحسن في الأداء، ولكن لو نظام إنتيك عربيتك مصمم في الأساس بشكل جيد، وما فيهوش أي تقييد لحركة أو كمية الهوا، الفرق ها يقل وهنا نبدأ ننظر للموضوع من نظرة مادية بحتة، يعني أجيب فلتر محترم سعره حالياً لا يقل عن 1000 جنيه بس يعيش معايا طول العمر تقريباً، ولا اجيب كل سنة مثلاُ فلتر ستوك ورق وخلاص، ده قرارك ولازم إنت اللي تقرره. الفرق بين فلاتر الهوا الرياضية والقياسية إيه الفرق بين فلاتر الهوا الرياضية والفلاتر العادية. في فلاتر الهوا الرياضية البديلة (اللي بتركب في سيستم الإنتيك بتاع العربية مباشرة بدل الفلاتر العادية) التصميم مش بيفرق كتير بعكس فلاتر الأطقم الكاملة اللي بتكون بتصميم مخروطي مختلف تماماً، لكن الفرق الأساسي هو مادة تصنيع الفلتر نفسه، زي ما كلنا عارفين الفلاتر القياسية مصنوعة من الورق غالباً، وبرغم إنها أفضل في الفلترة لكنها الأعلى تقييداً لمرور الهوا، لكن الفلاتر الرياضية مصنوعة إما من نسيج خاص من القطن الصناعي المرتفع الجودة وديه الغالبية العظمى من فلاتر الهوا الرياضية، أو الفوم الصناعي عالي الأداء، أو من المعدن، وكل الأنواع بتسمح بمرور هوا كمية أكبر بكتير من الفلاتر القياسية، لكن تختلف درجة فلترة الهوا بينهم حيث أن أفضلهم فلاتر الهوا الرياضية القطنية، ثم الفوم، وأقلهم فلترة فلاتر الهوا الرياضية المعدنية. إيه هي مزايا فلاتر الهوا الرياضية. طبعاً بجانب اكتساب شوية أداء لذاذ كده، يأتي العمر الإفتراضي كميزة مهمة جداً من مزايا الفلاتر الرياضية، علشان الفلاتر دية قابلة للغسل ممكن تعيش معاك طوال عمر المحرك أو العربية حرفياً دون مبالغة، كل اللي عليك إنك كل فترة (تقريباً 20: 30 ألف كلم) هاتفك الفلتر تغسله بالمية والمنظف وتعييد تزييته مرة تانية وتركبه وخلاص، وطبعاً ده أمر لا يمكن حدوثه مع الفلاتر الورق لأن أي تعامل ما بين الفلتر الورق وبين الميه بيكتب شهادة وفاة الفلتر فوراً. طب إيه عيوب فلاتر الهوا الرياضية. زي ما قريت فوق كده فلتر الهوا الرياضي علشان يقوم بوظيفته الأساسية صح (وهي فلترة الهوا) لازم يتم تزييته بزيت خاص بعد غسله، والنقطة دية ليها كذا عيب، أولاً إن حزمة الغسيل دية (المنظف والزيت) اساساً مش رخيصة، يعني في حدود 400 جنيه تقريباً، الحاجة التانية إنك لو زودت كمية الزيت ممكن الزيت يؤثر على بعض مكونات نظام الهوا، زي حساس الإير ماس مثلاً، أو حساس الأيدل، غير إنك غالباً ها تحتاج تغسل البوابة في فترات أقرب من الطبيعي برده لو زودت الزيت الخاص بالفلتر، علشان كده لازم تاخد بالك من كمية الزيت اللي بتحطها على الفلتر، يعني خليك في الموزون. ~-~~-~~~-~~-~ Please watch: "أعرف الفرق بين الجنوط الحديد و الألومنيوم.... و أختار اللي يناسبك 👌👌👌"    • أعرف الفرق بين الجنوط الحديد و الألوم...   ~-~~-~~~-~~-~