Скачать с ютуб ازاي تتعامل مع مديرك المباشر؟ | أنواع المديرين | فن التشييد (17) в хорошем качестве

ازاي تتعامل مع مديرك المباشر؟ | أنواع المديرين | فن التشييد (17)

للاشتراك في كورسات الخرسانات والتشطيبات للمهندس/عبد الرحمن الشرنوبي https://bit.ly/3Dk7x6v برجاء الضغط على الرابط التالي -------------------------------------------------- 00:00 المقدمه 06:00 النوع الأول:المدير الدبدوب 07:57 النوع الثاني:المدير ذو الوجهين 13:17 النوع الثالث:المدير الملتهب 17:45 النوع الرابع:المدير الفاسد 22:45 النوع الخامس:المدير الأب 28:03 التعامل مع أنواع المديرين المختلفه 33:30 نهاية الحلقة بعد دخولك مجال هندسة التشييد،بتحتك بثلاث طبقات من المهندسين،أولهم بيكون المديرين اللي بتتعامل معاهم،ده بيبقى تحدي كبير ليك نظرا لفرق السن والخبرة بينك وبينه،ومع اختلاف أنواع المديرين صعوبة التحدي بتزيد،علشان كده خلال حلقتنا النهارده هنفهم مع بضع أنواع المديرين اللي محتمل انك تقابلهم وطريقة التعامل معاهم اللي هتخليك تستفيد منهم أكبر استفادة ممكنة. النوع الأول:المدير الدبدوب.مدير طيب،لذيذ،مابيأذيش حد،في حاله،دبلوماسي،ولكن مشكلته انه مش صاحب قرار،تيجي تقابله بأي مشكله مايديكش حل ليها بيخاف من اتخاذ القرارات وتحمل مسؤوليتها.المدير ده وجوده زي عدمه،ويتعب أكتر مايريح،لأن بحكم اقدميته وخبرته،المفروض انه يكون مصدر معلوماتك سواء في الفنيات او في التعامل مع المقاولين والصنايعيه. النوع الثاني:المدير ذو الوجهين.ظاهره ابن عمك وباطنه ابن فاعلة عتيق.يقابلك في وشك يشكرفيك ويبين حبه وتقديره واحترامه ليك،وأول ما تديله ظهرك يتكلم عنك وحش مع زمايلك،بيشغل المهندسين عصافير علي بعض.في مديرين بيعتمدوا الاسلوب ده في الاداره،وبيعتبروها طريقه ناجح جدا،طالما وصلتني للي أنا عاوزه.ومن وجهة نظري:من ناحية المصلحه،فهي طريقه ناجه،ولكن من الناحيه الأخلاقيه،طريقه فاشله جدا،لأن الشغل هيتغير والمصلحه هتخلص ومش هيتبقى منك كانسان في هذا المكان غير سيرتك الحسنه والعلاقه الطيبه والي بتنفع في الدنيا والآخره.وعلي سبيل المثا:الحاج محمود العربي الله يرحمه. النوع الثالث:المدير الملتهب.ده نوع بيسم بدنك،متوتر وموترك طول الوقت،اعصابه بايزه،علي طول زعيق وشخط ونطر،مابيسمعش لحد،قراراته عمياء،بيعمل مشاكل،الموقع كله متكهرب بسببه،وبالنسبه لانتاجه مابيكنش احسن حاجه.هو للاسف معتقد انه بالطريقه دي بيحفز المهندسين انهم يشتغلوا أكثر وأسرع،وشخص زي ده مابيديش تقدير مادي ولا معنوي مهما كان مستوى شغلك،ودائما محسسك بالتقصير،وان أي حاجه تعملها هو ممكن يعملها بمنتهى السهوله.والحل الوحيد للتعامل مع مدير زي ده،ان انت تسيبه وتمشي في أقرب فرصه تجيلك.فعلا"المدير نص الشغلانه" ومهما كان المرتب.والشركه الي عندها مدير زي ده،عليها انها تمشيه،لأنه أداه لطرد الموظفين. النوع الرابع:المدير الفاسد:وهو المدير الي بيستغل صلاحيته للتربح خارج المرتب الي بياخده من الشركه وبدون علمها،وذلك بانه ياخد نسبه من المقاول نظير انه يرسي عليه الشغل.يبقى كده في شبهه،والموضوع مغري جدا،لأنك مش خسران حاجه انت هتعمل نفس الي بتعمله وهتستلم نفسالي بتستلمه،والمقاول هينفذ الشغل زي ماكان هينفذه،بس انت كسبان وهو كسبان.لابد تتأكد ان المصدر الي بيجيلك منه الفلوس 100% حلال ومافيهوش شبهة حرام.لو انا عندي مديري المباشر بالشكل ده فانا هواجهه أولا،لو المشكله مااتحلتش هصعد الموضوع لمن هو أعلي منه في التسلسل القيادي،ماعملش حاجه اتواصل مع الي فوقيه وهكذا. النوع الخامس:المدير الأب:وهو شخص بيكون موجود في الموقع مصدر فايده لأي حد شغال معاه،فايده ومكسب للمديرين الي فوقيه،للمهندسين الي تحتيه،للمقاولين،للصنايعيه،ولكل الموظفين الي بيتعامل معاهم.شخصيه متزنه نفسيا،محترم،عنده علم غزير،متواضع،تقدر تتعلم منه حجات في الشغل وفي الحياه الشخصيه.وده المدير الي كلنا بنتمى نشتغل معاه. في النهايه،هقلك علي خطوط عريضه للتعامل مع المديرين بكافة أنواعهم المختلفه: قدر الأقدميه اتعامل مع كل انواع المديرين بمنتهى الأدب والاحترام والأصول تسجيل تعليمات المدير كتابيا اسأل مديرك في حلول المشاكل الإدارية،ماتسألوش في الفنيات ده كان ملخص عن أنواع المديرين وأهم النصايح في التعامل معاهم.ياترى المدير الى اتعاملت معاه كان من أي نوع؟ وهل قابلك أنواع مديرين تانيين ماذكرناهمش في الحلقه؟ياريت تكتبولنا في التعليقات. تابعوا الحلقه كامله. -------------------------------------------------- #المدير #مهندس_تنفيذ #مهندس_موقع #احترف_التنفيذ #عبد_الرحمن_الشرنوبي -------------------------------------------------- - لمتابعة الحلقات علي القناة أسبوعيا الرجاء عمل subscribe:    / abdalrahmanalsharnouby   - لمتابعة القناة علي Facebook الرجاء الدخول علي الرابط:   / abdelrahmnalsharnouby   - لمتابعة القناة علي linked-In الرجاء الدخول علي الرابط:   / abd-al-rahman-al-sharnouby-86905a123   - لسماع الحلقات صوتياً علي Soundcloud الرجاء الدخول علي الرابط   / abd-alrahman-alsharnouby   - لمتابعة القناة علي Instagram الرجاء الدخول علي الرابط:   / abdalrahmanalsharnouby   - لمتابعة القناة علي Twitter الرجاء الدخول علي الرابط:   / abdlrahamns