Скачать с ютуб ازاي تكوني متفائلة رغم السواد اللي عيشك فيه النرجسي؟ .... كوثر سند в хорошем качестве

ازاي تكوني متفائلة رغم السواد اللي عيشك فيه النرجسي؟ .... كوثر سند

ماتستسلميش لافكارك المتشائمة من كتر ماعانيتي من النرجسي ومن كتر ماخلاكي شايفة الحياة سودا وملهاش معنى ولا لها طعم ، بعض الحالات وصلت انها تتمنى الموت ، وغالبا معظم زوجات النرجسي بييجي عليها وقت تفكر ان الموت ارحم من الحياة مع الشخص دة ، دة بيكون بسبب عدم استقرار الحياة وبسبب كتر المشاكل اللي كل يوم وكل ساعة وبسبب الحياة مع شخص طول الوقت متشائم وتفكيره سوداوي ، كل دة بيؤثر عليكي وبيوصلك ان تفكيرك بيصبح متشائم او علميا اسمه تفكير سلبي ، طيب اذا النرجسي قدر يوصلك ان تفكيرك يبقى زي تفكيره يبقى انتي دلوقتي محتاجة تتخلصي من التفكير السلبي دة وتحوليه لتفكير إيجابي ازاي نقدر نعمل كدة ؟ ١- اول حاجة انك تفهمي ان ينفع تغيري التفكير السلبي – يعني ايه ينفع ؟ يعني انتي اللي تختاري تفكيرك يكون سلبي ولا إيجابي متوهميش نفسك ان دي حاجة غصب عنك ومفيهاش اختيارات ، لا دي اختيار ، طالما اتعلمتي تفكري في تفكيرك يبقى انتي عندك الاختيار انك اما تحتفظي بالتفكير دة او تتخلصي منه ٢- تاني حاجة انك أصلا تكوني مدركة انك بتفكري تفكير سلبي ، وانتي حتدركي ازاي؟ ماهو لو انتي عرفتي برضه تفكري في تفكيرك حتدركي ان تفكيرك سلبي اللي مشافش حلقة ازاي تكوني اقوى من النرجسي تشوفها عشان تعرف يعني ايه تفكري في تفكيرك، ٣- ثالث حاجة خدي دقيقة فضي مخك ، وقفي تفكير لحظة واسألي نفسك انا حفكر في ايه اللحظة الجاية ولاحظي اللي حيحصل ، خدي بالك انتي دلوقتي بتفكري في التفكير اللي لسة حتفكريه !!! مش كدة وبس انتيب تلاحظي تفكيرك وتراقبيه . في اول محاولة حترتبكي وتقولي مفروض افكر في ايه ، مش مفروض انك تقرري تفكري في حاجة أصلا ، بس مفروض تلاحظي اللي حيحصل ، حقول لك وانتي جربي انا جربت لقيت لحظة صمت وفراغ كدة وهدوء وسلام ، ايه دة ليه عشان مفكرتش في حاجة فعلا حرفيا مفكرتش في حاجة الأفكار وقفت كأنها خافت الاحظها ، خطير جدا التدريب دة حيخليكي تقدري تتخلصلي من الأفكار السلبية بس بالتديج والتدريب طيب بعد مافكرتي في تفكيرك واكتشفتي انه تفكير سلبي اسألي نفسك هل مفروض احتفظ بالتفكير دة؟ ووانتي بتسألي نفسك السؤال دة بتكوني لسة بتمرري الأفكار السلبية في دماغك ودة طبعا بسبب الطيار الالي اللي مخك حاطك عليه (حلقة ازاي تبقي حرة وتعيشي حياتك رغم وجود الانرجسي فيها) عشان كدة لازم تستمري على التدريب دة فترة عشان تقدري تغيري برمجة الطيار الالي وتتحكمي في الأفكار وتختاري تفكري في ايه وتتخلي عن الأفكار السلبية طيب حنعمل حاجتين حيساعدوكي انك تسيطري على تفكيرك اكتر من الأول وتبدلي الأفكار السلبية بأفكار إيجابية اول حاجة: لاحظي تقييمك للمواقف وتقييمك لنفسك ، ازاي يعني ؟ شوفي انتي أصلا افكارك باستمرار بتحكم على المواقف وعواقبها يعني نتائجها ، انتي لاحظي احكامك دي متوقفيهاش بس لاحظيها ، لاحظي انك ممكن تحكمي على نفسك وتحاكميها وعلى اسرتك وعلى اولادك وعلى زوجك وزميلاتك ومالياتك وانا واي حاجة بتقابلك الطبيعي انك بتحكمي عليها كويسة ،لا وحشة صح؟ ودة طبيعي جدا ومينفعش نوقفه ابدا بس لازم نلاحظ ايه اللي بيحصل لازم تلاحظي الاحكام دي سلبية ولا إيجابية طيب لاحظي وشوفي هي سلبية ولا إيجابية؟ يعني انتي بتحكمي على نفسك لو حاجة مفهمتيهاش انك غبية ولا ماانتبهتيش كويس ، بتحكمي على ابنك لو سقط في مادة انه فاشل ولا كان مرتبك وخايف لما كان بيمتحن ، طيب اجابتك أصلا على السؤال ماهو الا حكم طيب كدة انتي لاحظتي احكامك اختاري بقى حتعملي فيها ايه خدي بالك لما تحكمي على نفسك لما تقارنيها باللي اذكى منك حتشوفيها غبية ، ولما تقارنيها بالاقل ذكاء منك حتشوفيها ذكية ، يعني المسألة نسبية طيب دي كانت اول حاجة تاني حاجة : شوفي بقى انتي وكلنا بنعمل حاجة : التوقعات حد عارف بكرة فيه ؟ حد عارف ايه اللي حيحصل بكرة ؟ انتي بقى بتتوقعي ايه اللي حيحصل طيب ياترى انتي بتتوقعي كويس ولا وحش ، خير ولا شر ؟ لو توقعاتك عن المستقبل سيئة فدة اسمه القلق ، اذا كنتي علطول حاسة ان اللي جاي أسوأ من النهاردة فدة معناه ان عندك قلق ودة بيخلق جواكي مشاعر ، لاحظي المشاعر دي شوفي التوقعات والاحكام او التقييم الحاجتين دول طول الوقت شغالين معانا واحنا نقدر نتحكم فيهم ،نقدر نخلي احكامنا إيجابية ونقدر نخلي توقعاتنا إيجابية وبكدة بنكون اتخلصنا من الأفكار السلبية جروب ادرس عدوك النرجسي   / kawthersanad11   صفحتي الخاصة للتواصل معي   / kawthersanad1.wordpress