Скачать с ютуб видео NECHUNG ORACLE BLESSING || WHAT A DAY || DHARAMSHALA VLOG || TIBETAN VLOGGER 2022

Скачать бесплатно и смотреть ютуб-видео без блокировок NECHUNG ORACLE BLESSING || WHAT A DAY || DHARAMSHALA VLOG || TIBETAN VLOGGER 2022 в качестве 4к (2к / 1080p)

У нас вы можете посмотреть бесплатно NECHUNG ORACLE BLESSING || WHAT A DAY || DHARAMSHALA VLOG || TIBETAN VLOGGER 2022 или скачать в максимальном доступном качестве, которое было загружено на ютуб. Для скачивания выберите вариант из формы ниже:

Загрузить музыку / рингтон NECHUNG ORACLE BLESSING || WHAT A DAY || DHARAMSHALA VLOG || TIBETAN VLOGGER 2022 в формате MP3:

Если кнопки скачивания не загрузились НАЖМИТЕ ЗДЕСЬ или обновите страницу
Если возникают проблемы со скачиванием, пожалуйста напишите в поддержку по адресу внизу страницы.
Спасибо за использование сервиса savevideohd.ru

NECHUNG ORACLE BLESSING || WHAT A DAY || DHARAMSHALA VLOG || TIBETAN VLOGGER 2022

གནས་ཆུང་ཆོས་རྒྱལ་ཆེན་པོའི་སྐོར་གྱི་དཔྱད་གཞིའི་ཡིག་ཆ་རྩ་ཆེན་ཁག་ཅིག་ནི་རྒྱལ་དབང་ལྔ་པ་ཆེན་པོ་མཛད་པའི་གནས་ཆུང་དཀར་ཆགདང་། སྡེ་སྲིད་སངས་རྒྱས་རྒྱ་མཚོས་མཛད་པའི་གནས་ཆུང་དཀར་ཆག་ས་གསུམ་གཡོ་བའི་ང་རོ བྱེས་ཀྱི་གནས་ཆུང་གྲྭ་ཚང་གི་དགེ་སློང་ཐུབ་བསྟན་ཕུན་ཚོགས་ཀྱིས་བརྩམས་པའི་ གནས་ཆུང་རྡོ་རྗེ་སྒྲ་དབྱངས་གླིང་གི་ཆོས་འབྱུང་ཀུན་གསལ་ཆུ་ཤེལ་དབང་པོཞེས་པའི་དེབ་དེའི་ནང་དུ། གནས་ཆུང་རྡོ་རྗེ་སྒྲ་དབྱངས་གླིང་གི་བྱུང་བ་དང་། དགའ་ལྡན་ཕོ་བྲང་གིས་གནས་ཆུང་དགོན་དར་རྒྱས་སུ་མཛད་ཚུལ། འབྲས་སྤུངས་དགོན་དང་གནས་ཆུང་ཆོས་རྒྱལ་བར་གྱི་འབྲེལ་བའི་འཕེལ་རིམ། གནས་ཆུང་དགོན་པའི་སྐྱབས་རྗེ་རྣམ་གཉིས་ཀྱི་བྱུང་རིམ། འཕགས་ཡུལ་གནས་ཆུང་གྲྭ་ཚང་གི་བྱུང་བ། གནས་ཆུང་དང་འབྲེལ་བའི་བོད་དུ་ལོ་འཁོར་གཅིིག་གི་མཛད་རིམ་བཅས་ཁུངས་ལྡན་ལོ་རྒྱུས་དག་ལ་གཞི་བཅོལ་ནས་བྲིས་འདུག་པས། གནས་ཆུང་རིག་པ་འདིའི་སྤྱི་དང་བྱེ་བྲག་རིགས་གཅིག་རྐང་འཛིན་གྱི་ཞིབ་འཇུག་བྱེད་མཁན་དག་གིས་དེབ་དེར་ངེས་པར་དུ་གཟིགས་དགོས་ཤིང་། དེབ་འདིའི་ནང་དུ་གནས་ཆུང་སྐུ་རྟེན་ཁག་ཅིག་གི་ཐང་ཀ་དང་ལྡེབས་རིས། སྐུ་འབག་དང་འདྲ་པར། རྒྱལ་པོ་པེ་ཧར་གྱི་བླ་ཤིང་སྒྲོ་བའི་སྡོང་པོའི་འདྲ་པར་དང་རྒྱལ་སྲས་མུ་ནེ་བཙན་པོས་བྷ་ཏ་ཧོར་གྱི་སྒོམ་གྲྭ་བཅོམ་ནས་རྒྱལ་པོ་པེ་ཧར་གྱི་སྐུ་རྟེན་བསེ་འབག་སྨུག་ཆུང་སོགས་གདན་འདྲེན་པའི་བྲིས་རིས་སོགས་ཀྱང་འདུག་ལ། གཞན་ཆོས་རིག་ལས་ཁུངས་ནས་རྩོམ་སྒྲིག་གནང་བའི་ རྒྱལ་བའི་བསྟན་སྲུང་གནས་ཆུང་སྤྲུལ་པའི་ཆོས་རྒྱལ་ཆེན་པོའི་རྟོགས་བརྗོད་ལྷ་ཡི་རོལ་མོ་དམ་ཅན་དགྱེས་པའི་སྒྲ་དབྱངས་ཞེས་པ་དེར་ཡང་རྒྱལ་དབང་ན་རིམ་དང་གནས་ཆུང་བར་གྱི་འབྲེལ་བའི་སྐོར་ཁུངས་ལྡན་གྱི་ལུང་འདྲེན་མང་པོ་ཞིག་འདུག་པས་གཟིགས་རྟོག་གནང་བར་ཞུ། དེབ་དེར་དྲངས་པའི་རྒྱལ་དབང་དགེ་འདུན་རྒྱ་མཚོའི་སྐུ་ཚེའི་སྨད་ཀྱི་རྣམ་ཐར་དགེ་སློང་དཀོན་མཆོག་སྐྱབས་ཀྱིས་མཛད་པའི་ནང་དུ། ཞབས་འབྲིང་འགའ་ཞིག་གིས། དེ་རིང་ཕེབས་ལམ་ཤིན་ཏུ་སྤྲོ་ཞིང་ནམ་དཔྱད་ཡ་མཚན་ཅན་ལེགས་པ་རང་ཞིག་བྱུང་ཞུས་ཚེ། རྗེ་བཙུན་རིན་པོ་ཆེའི་ཞལ་ནས། དེ་ཀ་འདུག སྔར་ནས་བསམ་ཡས་ངོས་ལ་ཡོང་ཚེ་དབྱར་དགུན་གང་ལའང་ནམ་དཔྱད་ལེགས་པ་སོགས་ཆོས་རྒྱལ་ཆེན་པོ་མཉེས་པའི་རྣམ་འགྱུར་སྟོན་པ་ཞིག་ཡོང་གི་ཡོད། དེ་རིང་ཡང་ཐུགས་མཉེས་པའི་གཞི་ལེན་གྱི་ཚུལ་གང་ཡང་ཡོད་རིགས་ན་འདུག་གསུང་། སླར་གསོལ་བ། འོ་ན་ཆོས་རྒྱལ་ཆེན་པོ་འདི་ཡེ་ཤེས་པ་ཡིན་མིན་གྱི་དཔྱད་གཞི་སྣ་ཚོགས་ཤིག་འདུག་པ་དེ་ཇི་ལྟར་ལགས་ཞུས་ཚེ། བཀའ་སྩལ་པ། རྡོ་རྗེ་སློབ་དཔོན་ཨོ་རྒྱན་རིན་པོ་ཆེ་པདྨ་འབྱུང་གནས་སངས་རྒྱས་དངོས་དེས་ཆོས་རྒྱལ་ཆེན་པོ་ལྟ་བུའི་དབང་པོ་རྣོན་པོའི་རྡོ་རྗེའི་སློབ་མ་ཁྱད་པར་ཅན་དེ་ལ་གསང་སྔགས་ཀྱི་དབང་བསྐུར་དམ་ལ་བཞག དབང་དུས་སུ་ཁས་བླངས་པའི་དམ་ཚིག་དང་སྡོམ་པ་ལ་གནས་པའི་སློབ་མ་ཁྱད་པར་ཅན་འདི་ལྟ་བུ་ཡེ་ཤེས་པ་ཡིན་ནམ་བསམ། དེའི་རྒྱུ་མཚན། མ་སྒོམ་གྱུར་ཀྱང་ལྟུང་མེད་ན།།སྐྱེ་བ་བཅུ་དྲུག་དག་ལ་འགྲུབ།། གསུངས་པ་འདི་སྙིགས་དུས་ཀྱི་ཚེ་ཐུབ་བཅུ་དྲུག་པ་ལ་དགོངས་པ་ཡིན་གསུང་། ཞེས་པ་ལྟ་བུ་གནས་ཆུང་ཆོས་སྐྱོང་ཆེན་པོ་སྐྱེ་འཕགས་གང་ཡིན་གྱི་ཚད་གཞིར་འཛིན་ཆོག་པའི་རྡོ་རྗེའི་གསུང་ཚིག་ཀྱང་འདི་རུ་སྣང་། གཞན་གནས་ཆུང་དྲུང་ཡིག་ཡེ་ཤེས་ཡར་འཕེལ་ཞུ་བས་བརྩམས་པའིི་གནས་ཆུང་དཀར་ཆགཅེས་པ་ཞིག་ཀྱང་ཡོད་འདུག་མོད་བདག་གིས་མ་མཇལ། གྲ་བཞི་མིག་དམར་ཚེ་རིང་གིས་བརྩམས་པའི་དབང་དྲག་རོལ་བའི་དགའ་ཚལ་གནས་ཆུང་རྡོ་རྗེ་སྒྲ་དབྱངས་གླིང་གི་དཀར་ཆག་མཐོང་བ་དོན་ལྡན་ཞེས་པ་བོད་ལྗོངས་མི་དམངས་དཔེ་སྐྲུན་ཁང་གིས་སྤྱི་ལོ་ ༢༠༡༠ ལོར་དཔར་སྐྲུན་བྱས་པའི་དེབ་སྤུས་ལེགས་ལོ་རྒྱུས་དང་འདྲ་པར་ཤན་སྦྱར་མ་ཧ་ཅང་ཡག་པོ་ཞིག་ཀྱང་འདུག གནས་ཆུང་ཆོས་རྒྱལ་ཆེན་པོའི་སྐུ་བསྟེན་ནམ་སྐུ་རྟེན་བཅུ་བདུན་རིམ་བྱོན་གྱི་མཚན་ཐོ་གཤམ་གསལ། ༡ བློ་བཟང་དཔལ་ལྡན། དུས་ཚོད་མ་ངེས། ༢ བྱམས་པ་རྒྱ་མཚོ། རིན་སྒང་པ། ཕལ་ཆེར་རྒྱལ་དབང་ལྔ་པ་སྐུ་ན་གཞོན་དུས་སུ་ཡིན་སྙམ། ༣ ནང་སོ་དགོས་ནོར། རྒྱལ་དབང་ལྔ་པའི་སྐུ་དུས་ཡིན་པ་དུ་ཀྰུ་ལའི་གོས་བཟང་དུ་གསལ། ༤ སྲས་པོ་བསོད་ནམས། རྒྱལ་དབང་ལྔ་པའི་སྐུ་དུས། ༥ ཚེ་དབང་དཔལ་འབྱོར། སྤྱི་ལོ ༡༦༧༩ ལོར་སྐུ་རྟེན་གནང་། རྒྱལ་དབང་ལྔ་པའི་སྐུ་དུས། ༦ བློ་བཟང་ལེགས་འབྱོར། ༡༦༩༠ ལོར་སྐུ་རྟེན་གནང་། ༧ ཚངས་དབྱངས་རྟ་མགྲིན་ནམ་བློ་བཟང་བཀྲ་ཤིས། ༡༧༢༥ ལོར་སྐུ་རྟེན་གནང་། རྒྱལ་དབང་སྐུ་ཕྲེང་བདུན་པའི་སྐབས། ༨ ངག་དབང་རྒྱ་མཚོ། ༡༧༤༧ ལོར་སྐུ་རྟེན་གནང་། རྒྱལ་དབང་སྐུ་ཕྲེང་བདུན་པའི་སྐབས། ༩ གཡུ་ལོ་བཀོད་པ། ༡༨༢༢ ལོར་སྐུ་རྟེན་ཡིན་པར་གསལ། རྒྱལ་དབང་སྐུ་ཕྲེང་བཅུ་པའི་སྐབས། ༡༠ བསྐལ་བཟང་ཚུལ་ཁྲིམས། ༡༨༣༧ ལོར་སྐུ་རྟེན་གནང་། རྒྱལ་དབང་སྐུ་ཕྲེང་བཅུ་པའི་སྐབས། ༡༡ ཤྰཀྱ་ཡར་འཕེལ། ༡༨༦༢ ལོར་སྐུ་རྟེན་གནང་། སྐུ་རྟེན་འདིའི་སྐབས་སུ་སྐུ་རྟེན་ལ་གཞུང་ས་ནས་ཏྰ་བླ་མའི་གོ་གནས་བསྩལ། རྒྱལ་དབང་སྐུ་ཕྲེང་བཅུ་གཉིས་པའི་སྐབས། ༡༢ བློ་བཟང་བསོད་ནམས། ༡༩༠༡ ལོར་སྐུ་རྟེན་གནང་། རྒྱལ་དབང་སྐུ་ཕྲེང་བཅུ་གསུམ་པའི་སྐབས། ༡༣ རྒྱལ་མཚན་མཐར་ཕྱིན། ༡༩༡༣ ལོར་སྐུ་རྟེན་གནང་། རྒྱལ་དབང་སྐུ་ཕྲེང་བཅུ་གསུམ་པའི་སྐབས། ༡༤ བློ་བཟང་བསོད་ནམས། ༡༢ པ་ཡང་སྐྱར། རྒྱལ་དབང་སྐུ་ཕྲེང་བཅུ་གསུམ་པའི་སྐབས། ༡༥ བློ་བཟང་རྣམ་རྒྱལ། ༡༩༣༦ ལོར་སྐུ་རྟེན་གནང་། རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་ངོས་འཛིན་གནང་བར་མཛད་རྗེས་བླ་མེད་འཇོག་གནང་མཛད། ༡༦ བློ་བཟང་འཇིགས་མེད། ༡༩༤༥ ལོར་སྐུ་རྟེན་གནང་། རྒྱལ་དབང་སྐུ་ཕྲེང་བཅུ་བཞི་པའི་སྐབས། ༡༧ ཐུབ་བསྟན་དངོས་གྲུབ། ༡༩༨༧ ལོ་ནས་བཟུང་སྐུ་རྟེན་གནང་།

Comments