Скачать с ютуб "გმირი" კრიმინალები - სკანდალური ფილმი მამა-შვილი ვაზაგაშვილის დანაშაულებებზე - 06.08.2016 в хорошем качестве

"გმირი" კრიმინალები - სკანდალური ფილმი მამა-შვილი ვაზაგაშვილის დანაშაულებებზე - 06.08.2016

წარმოგიდგენთ ფილმს სახელწოდებით "გმირი" კრიმინალები, რომელშიც თავმოყრილია ჩვენს მიერ მოძიებული სკანდალური ვიდეო მასალები ზურაბ და იური ვაზაგაშვილების მიერ ჩადენილ დანაშაულებებზე. მოწოდებულ მასალაში ასახულია ვაზაგაშვილების მიერ სხვადასხვა დროს მოკლული და დაყაჩაღებული პირები. აგრეთვე დღეს თქვენ პირველად გაიგებთ, მათ მიერ დღემდე უცნობ სხვა ძალადობრივ ქმედებებს, რომლებსაც მამა-შვილი ვაზაგაშვილი 2006 წლამდე ახორციელებდა. ჩვენს მიერ მოძიებულ მასალებში ნაჩვენებია ვაზაგაშვილების მხრიდან ნაწამები და მოკლულების ოჯახის წევრების მიერ წარმოდგენილი მტკიცებულებები. ფილმში საუბარია არაერთ სხვა უმძიმეს დანაშაულებებზეც, როგორიც არის: ყაჩაღობა, ძარცვა, ქონების ქურდული და სხვა ძალადობრივი მეთოდებით წართმევა. თუმცა მიუხედავად ამ ყველაფრისა ძალოვანი სტრუქტურების პირველი პირები და სხვა გავლენიანი მოქმედი სუბიექტები დღემდე ატარებენ კრიმინალი ვაზაგაშვილების ინტერესებს, რაც პირდაპირ მიანიშნებს, რომ დღევანდელი ხელისუფლების გარკვეული წრე ფაქტობრივად მფარველობს კრიმინალს. სწორედ ამიტომ მიგვაჩნია, რომ მთავრობა ყველანაირად ცდილობს ვაზაგაშვილების დანაშაულებრივი ქმედებები სხვადასხვა გზებით გადაფაროს და ზემოთ ხსენებული კრიმინალები ბოლომდე დაიცვას. მით უფრო, რომ ხელისუფლებამ, კერძოდ იუსტიციის მინისტრმა თ. წულიკიანმა კრიმინალ ზურაბ ვაზაგაშვილს იუსტიციის სახლის წინ ძეგლიც კი დაუდგა. აქვე გაცნობებთ, რომ ვაზაგაშვილების მიერ ჩადენილი დანაშაულებრივი ქმედებების შედეგად ბევრი სხვა დაზარალებული დღემდე თავს ვერ გრძნობს უსაფრთხოდ. თუმცა ჩვენ მაინც შევძელით რამდენიმე პირთან გასაუბრება და მათი ინტერვიუზე დათანხმება. მათ საჯარო განცხადებებს თქვენ ამ ფილმში პირველად მოისმენთ და ნახავთ. შეგახსენებთ, რომ ე.წ "კორტების სპეცოპერაციის" დროს ასევე გარდაცვლილი ალექსანდრე ხუბულოვიც არაერთგზის ნასამართლევი იყო. ხოლო პოლიტიკური ქულების დასაწერად, დღევანდელი მთავრობა დღემდე ზემოთხსენებული კრიმინალების დამცველია და მათი წახალისების მიზნით უსამართლოდ და უსაფუძვლოდ გაასამართლა ღირსეული პოლიციელები. სწორედ ღირსეულ პოლიციელებს, რომლებიც მრავალი წლის განმავლობაში ებრძოდნენ კრიმინალს და იდგნენ ქვეყნის სადარაჯოზე , ე.წ. "კორტების სპეცოპერაციის" საქმეზე მოსამართლე ბადრი კოჭლამაზაშვილმა ყოველგვარი მტკიცებულებების გარეშე 109 მუხლით, 16 წლიანი პატიმრობა მიუსაჯა. ცრუ მოწმეებით შეკერილ საქმეში, რომელსაც პროკურატურამ გრიფით საიდუმლო დაადო არ დევს არანაირი მტკიცებულება, რომ გიორგი ცააძემ და ირაკლი ფირცხალავამ განზრახ მკვლელობა ჩაიდინეს. გავრცელებული ინფორმაციით მოსამართლე ბადრი კოჭლამაზაშვილს უკანონო განაჩენის გამოცხადებიდან ორ დღეში პრემიის სახით 200 000 ლარი ჩაერიცხა.