Скачать с ютуб Te-a Hlawnmual - Kumtluang ro a'n ka ti OFFICIAL в хорошем качестве

Te-a Hlawnmual - Kumtluang ro a'n ka ti OFFICIAL

KUMTLUANG RO A'N KA TI He hla hi Pu T.Bualchhuaka, Saikawt, Manipur a cheng mek phuah a ni a. Imphal a an khawsak laiin a nupui, a hmangaih leh a ngaih em em Pi Chawngthanzualin January 9, 1982 khan a thihsan a, a lung a leng hle thin. Chutia a nupui thi ta ngai em ema a awm lai kum 1982 vek khan he hla ‘Kumtluang ro’an ka ti’ tih hi a rawn phuah chhuak ta a ni. Pi HD Lalthanparin thiam tak maiin leh lung kuai em emin a lo sa tawh a, ngaihthlak pawh a hlawh hle. Kum 2018 kum tawp lam atang khan Pu T.Bualchhuaka hla phuah thenkhat hian ka hnen a rawn thleng nawlh mai a. Tichuan, amah leh a fate nen kan inbe ta a, he hla ‘Kumtluang ro a’n ka ti’ tih chu keima sak ngei an duh thute min hrilh a, a hla thu pawh ka duh anga ka siamrem min phalsak nghe nghe. Ka lawm viau rualin ka insit hle mai a, a hla thu pawh hei aia mawi leh nalh zawka thlak dan tur ka hre chuang lo a, a thu a mawiin a inrem dik sa thlap avangin a nihna angin ka rawn sa ta mai bawk. He hla chang khatna tlar hnihna hi a phuah chhuah danah chuan ‘Tah chuan ka thai fam chang hnu hlimthla leh...’ tih a ni a, mahse, ngaithlatu turte han ngaihtuahin ‘Tah chuan maw di fam chang hnu hlimthla leh...’ tia her rem hret a ni ta bawk. Nupui pasal sun tawh te, ngaihzawng lo sun tawh te tan chuan he hla tluk a hla tha hi a awm bik awm lo e. A hla mawina ang hian ka sa chhuak zo ve hauh lo mai a, tin, video pawh hian midang video a tluk zo ve hauh lo tih chu a a lang reng mai. A mamawh tute tan malsawmna, inhnemna a nih ngei theih nan he Music Video hi ka rawn pho chhuak ve a ni e. He hlaa melody min siam saktu (part min pek saktu) hi ka thianpa Hlimpuia Vuite a ni a, a chungah ka lawm em em a ni. A zai ve duh hunah amhin a duh emaw duh lo emaw part ka la pek sak ve ang... hahaaa... A video lamah kan ziak lang ve ta lo, kan lo mang nghilh daih mai, a pawi kan ti tak zet a ni. -Te-a Hlawnmual