Скачать с ютуб سنين عمرك اللي ضاعت مع النرجسي !! в хорошем качестве

سنين عمرك اللي ضاعت مع النرجسي !!

رقم واتس اب الحجز وشراء كتاب التشافي من العلاقة النرجسية 00971568496791 لينك الواتس اب https://wa.me/message/MKKOMJ3C77WMB1 حجز الاستشارات : https://kawtharsanad.com/ ما عليك سوى الانتساب إلى هذه القناة للاستفادة من المزايا:    / @user-id-kawthers-sanad   من فضللك يادكتوره بالنسبه لينااحنا كده خلاص حياتنا انتهت يعنى هنفضل عايشين لكن مش هقولك ميتين لا الميت بيتعرف مصيره وبيتعامل بعمله لاكن احنا فعلا انتهينا واحنا لسه عايشين انا متدمره وببكي على عمرى وشبابي خلاص انا اتتشافيت من تعلقى بيه أيقنت ان ده مايتحبش لكن انا بتكلم على تعايشى انا نفسى اعيش حياه طبيعيه هتقليلى عيشيها مع ولادك ماشى لكن عاوزه اتحب من آخر عاوزه احس انى ست انا مفرحتش خالص ٢٠ سنه تعبت قوى شوفي ياستي أولا عايزة أقول لك ان حياتك ما انتهتش ولا حاجة ابدا والا كان زمانك بتتحاسبي فعلا وكان زمان عملك انقطع وتقطعت بكي السبل ولا تقدري تسجدي سجدة تطلبي بيها اخرة ، انتي حياتك ممكن تكون ابتدت من وقت ماعرفتي حقيقة الشخص اللي كنتي فاكراه ملاك وطلع العكس ، انتي حياتك ابتدت لما ادركتي ان الشخص دة مايتحبش لكن دي نص رسالة الابتلاء والنص التاني لسة مافهمتيهوش النص التاني لسة ماتعلمتيهوش باقي الرسالة لسة ماوصلكيش عشان كدة الابتلاء لسة قاعد معاكي مامشيش ، مش احنا قلنا الابتلاء رسول جايب لك رسالة لما توصلك الرسالة كاملة الرسول حيمشي لكن انتي لسة مافهمتيش باقي الرسالة ، الرسالة أولها ان دة شخص مايتحبش واخرها ان الحب الحقيقي الوحيد والحقيقة الوحيدة المضمونة في حياتنا هي حب الله باقي الرسالة ان قلبك ملك لله وهو مايقبلش الشراكة في قلبك ، فهمتي نص الرسالة واغفلتي النص التاني فقاعدة تدوري على حد يحبك ويحسسك بانوثتك ويحسسك ان انتي ست يعني من الاخر كدة يحسسك بقيمتك ، طيب قيمتك أصلا لو ماكنتيش تحسي بيها بنفسك وتفهميها بنفسك لو كل العالم اجمع حسسك بيها مش حتحسيها برضه وحتفضلي عايزة حد يقول لك انتي كويسة عشان تحسي بقيمتك مستنية حد يؤكد لك انك لكي قيمة لانك مش مصدقة ، لكن لو صدقتي وعرفتي وفهمتي قيمتك الحقيقية قيمتك في كونك عبد لله وكونه ناداكي باعظم ندا يا عبادي نسبك لعظمته وذاته يعني فيه قيمة اعظم من كدة ، لما حد بتحبيه ويكون له مركز وحيثية ويقول لك يابنتي ولا يقول لك ياصديقتي بتقولي ايه بتقولي ياه انا مهمة عنده دة نسبني لنفسه ، ولله المثل الأعلى قيمتك واهميتك وقدرك نابع من كونك عبد لله سبحانه وتعالى وبعدين من عبادتك وحبك له وبعدين من عملك وانجازاتك في الحياة وبعدين من البصمة اللي حتتركيها في الناس من بعدك وفي القيم اللي حتزرعيها في اولادك واحفادك ، وبعدين في الخير اللي حتعمليه للناس ، قيمتك مش في حب واحد لكي ولا واحدة ولا الناس كلها قيمتك جواكي انتي ماينفعش تحسيها من حد دي مش دايمة اللي بتحسيها من حد دي مؤقتة ولو اتعودتي ع الاعتماد عليها عمرك ماترتاحي حتفضلي تستني التقدير والمدح من الاخرين عشان تحسي ان لكي قيمة وتخدمي وتعطي وتضحي عشان حد يقول لك كلمة حلوة ولا ينظر لك نظرة تقدير وبرضه مش حتشبعي زي النرجسي بالظبط ، لكن انتي تقدري تحسي بقيمة نفسك من جواكي مش من الاخرين طيب جزئية الابتلاء والرسالة وضحت طيب احنا مش دراويش زي ما الناس بتقول احنا ناس بنحب ربنا وربنا بيحب العبد العامل اللي بينتج وبيتحرك وبيشتغل عشان كدة لازم ناخد خطوات عملية تساعدنا على تنفيذ الرسالة ، لازم نبدأ نشتغل على نفسنا عشان نفهمها ونقدرها والتقدير يكون من الداخل مش من الاخرين وزي ماقلنا كتير قبل كدة اول خطوة حنقرب من ربنا وبعدين نقرب من نفسنا ازاي؟ نقبل الواقع ونتصالح مع الماضي يعني نرضى باللي ربنا كتبه لنا ونفهم ان الماضي كان صعب لكنه خلص ومشي ومبقاش موجود وخلاص فوضنا امرنا لله في اللي حصل واللي اذى ووكلنا ربنا في حقوقنا وخلصت القصة والحمد لله ، لكن لازم الصعب اللي مرينا بيه لازم نتعلم منه الدروس اللي تنفعنا في اللي جاي ولازم نفهم ازاي ننتبه لنفسنا ومانقعش تاني في اللي وقعنا فيه وأول خطوة في الكلام دة انك تستعيدي احترامك لذاتك وتقديرك لها ، الحياة مع النرجسي بتوصلنا لأننا بنفقد الثقة في نفسنا لانها بتبقى غريبة عننا بنتغرب عنها وبتتغرب عننا فازاي حنثق في حد مانعرفوش عشان كدة بنقول لازم تبدأي تسترجعي ذكرياتك عن نفسك زمان لما كنتي عارفاكي وتبدأي تتعرفي من تاني على قدراتك وامكاناتك وصفاتك الجميلة عشان تستعيدي تقديرك لنفسك وعشان تفهمي انك عندك من الصفات والقدرات اللي تجعلك تستحقين انك تتحبي وتحترمي وتتعاملي احسن معاملة ، الموضوع دة بياخد وقت اكتشافك لقوتك الداخلية بياخد وقت ومجهود وشغل كتير وانتي تقدري توصلي ودة حيحصل كمان عن طريق مساعدات الاخرين ودعمهم لكي ، دوري على ناس تثقي فيهم ويستحقوا انهم يسمعوكي واطلبي منهم الدعم ولو مفيش الجأي لمجموعات الدعم الناس اللي حالهم زي حالك ويكونوا ايجابيين وبيشتغلوا على نفسهم واقوياء وانضمي لهم وادخلي في محيط الحماس والحركة عشان تلاقي اللي يدفعك للامام ، وطبعا من الخطوات المهمة اللي بتمشي فيها التشافي حتى لو كنتي تعافيتي من ادمانه وتمام الا انك مازلتي محتاجة تهتمي بصحتك النفسية والجسدية واحسن طريقة لكدة الخطوات بتاعة التشافي واللي موجودة في قائمة تشغيل تلخيص التشافي اسمعيها ونفذي اللي فيها لان دة علاج وصيانة للصحة النفسية والجسدية ، لما تاخدي الخطوات دي حتلاقي نفسك بدأتي تشوفي الحياة من منظور تاني خالص ، حتفهمي ان الحياة مش بتقف عند حد ولا حد بيموت وهو حي غير بموافقته على كدة ،لان كلنا عندنا مقومات الحياة والعمل والانجاز واللي يستسلم للخلود الى الأرض خلاص هو حر هو اللي حيموت وهو حي هو اللي حيقفل عليه الغرفة الظلمة ويقعد يبكي ويهمل نفسه وطاقته وقوته وينام مع الأموات 0:00-0:21 المقدمة 0:21-0:57 تعليق الحالة 0:57-10:07 الرد علي التعليق 10:07-10:35 الخاتمة #صحةـنفسية #القوة #الاكتئاب #النرجسي #النرجسية