Скачать с ютуб #حصري в хорошем качестве

#حصري

يا كنترول القصيد الجزل سجل دخول لاجيت رحب وفك ابوابك المغلقه خيل الطواري على صدري تصول وتجول والليل ماهوب ليل اسهر وطق ورقه ليلٍ معه هاجس التفكير يلقى حلول يستنطق افكاري بمسراه واستنطقه يابو مفرح رفيقك له ليال معزول عن جمعة الناس والازعاج فيه غلقه اليا دخل في مكانن فيه للناس ضول تقول كنه يجر بيده للمشنقه يتعب ويسهر وعنده حلم صعب الوصول ماهوب مرتاح لين يجيه ويحققه واللي يبا العز ما يدخل عزومه خمول لو حطه الوقت بين النار والمطرقه علم شيوخ الكلام ان ابن مصلح يقول المدح له باب ما كلٍ يبا يطرقه احيان تلقى الثقه ميزة ثقال العقول واحيان ما ينكب الرجال غير الثقه والشيخ لا صار متنه ما يشيل الحمول ولا وش اللي عن عيال النساء يفرقه يعيش ( هتلر سبيع ) اللي يقول ويطول شيخٍ عليه الهقاوي دايم معلقه يا سايق البن لا جاء للفناجيل دول اول فناجيلها للشيخ نايف سقه يا كم سجينٍ بعد صكت عليه القفول بذل مساعيه ابن درعان لين اطلقه معطيه ربي على وجه البسيطه قبول من وين ما يتجه خطواته موفقه يملك فنون الخطابه مع جزال الفعول يجمل بموقفه ويجمل بمنطقه عنده على الكايدة لا عرّضت له ميول معطيه ربي عليها سلطتٍ مطلقه لولا صلاته ما ميّل هامته للنزول حرٍ يعشق المعالي مثل ما تعشقه مقدام خيالت العشوا حماة الذلول اسمٍ يرفرف على كبد السماء بيرقه قبيلتن فعلها بين القبايل يهول امجادن موثقه وفعولن موثقه محازم سبيع بن عامر حمول الخيول لا ضعف شوف الجبان وصاب سمعه صقه يا كم عقيدٍ تهاب اسمه كبار الزحول اليا سمع باسمنا وقف وبش عرقه تبين شمس النهار بكل يوم وتزول وامجادنا شمسها طول الدهر مشرقه اللي يحاول يعد امجادنا عرض طول كنه يحاول يغرف البحر بالملعقه كلمات : محمد بن خالد ابن مصلح