Скачать с ютуб උඩරට වෙස් ඇඳුම අඳින්නේ මෙහෙමයි || Traditional Dancer's Dance Costume || Sri Lanka 🇱🇰 в хорошем качестве

උඩරට වෙස් ඇඳුම අඳින්නේ මෙහෙමයි || Traditional Dancer's Dance Costume || Sri Lanka 🇱🇰

උඩරට වෙස් ඇඳුම අඳින්නේ මෙහෙමයි || Traditional Dancer's Dance Costume || Sri Lanka 🇱🇰 #kandyandance ●Presentation - Malinga Priyadarshana Maneesha Dilshan ●Videography by - Chamod D Ranasinghe ●Edit - P.M Priyadarshana Audio by -.... Mahathala Kala Uyana.... වෙස් ඇඳුම් කට්ටලය පිලිබද කෙටි හැඳින්වීමක් උඩරට නර්තන ශිල්පියාට උරුම වූ උසස්ම වස්ත්‍රාභරණ සමූහය ලෙස වෙස් ඇඳුම් කට්ටලය හැදින්විය හැකිය. කොහොඹා කංකාරිය නමැති උඩරට ප්‍රධාන ශාන්තිකර්මය කිරීමේදී පමනක් මුල් කාලයේදී අදිනු ලැබූ මෙම ඇඳුම් කට්ටලය මළය රජුගේ ඇඳුමෙන් අර්ධයක් යයි මතයක් පවතී. එයින් අදහස් කරන්නට ඇත්තේ යක්දෙස්සා කොහොඹායක් කංකාරි ශාන්ති කර්මය කිරීමේදී ගනු ලබන්නේ මලය රජුගේ වේශය බවයි. මළය රජු ඌරා පසුපස ලුහුබැඳ ඇත්තේ රාජාභරණයෙන් සැරසී සිංහාසනාරූඪව සිටි මොහොතක බවත්, පඬුවස් රජු උදෙසා යාගය පවත්වා ඇත්තේ මෙම ගමනේදී බවත් ජනප්‍රවාදයේ කියැවේ. එම අවස්ථාවේ රජු ඇඳ සිටි රාජාභරණ වලට අනුව කොහොඹා කංකාරි ශාන්තිකර්මයේදී ඇඳුම් ඇඳීමට එම රජුගෙන් අවසර ලැබුනු බව කියවේ... මේවා තුල වර්තමාන වෙස් නැට්ටුවකුගේ ඇඳුමට සමාන ලක්ෂණ දැකිය හැකිය. අතීතයේ මෙම වෙස් ඇඳුම් කට්ටලයට හිමි වූයේ අති මහත් ගෞරවයකි. එය තැන්පත් කිරීම පවා සිදුවූයේ විහාර දේවාල වැනි පූජනීයත්වයට පත් ස්ථාන වලය. එදා වෙස් ඇඳුම් කට්ටලයට දැක්වූ ගෞරව උපහාර අද තරමක් ඈත්වීම කණගාටුවට කරුණකි.. ....::: වෙස් ඇඳුම් කට්ටලයේ ආභරණ :::.... * ජටාව සහ කොත උඩරට නැටුමේ හිසවෙස් බැඳීමේ සුබ මොහොතින් තම ගුරුතුමා විසින් හිස මත තබන චෛත්‍යයක හැඩයක් ගන්නා කොහොඹ වැනි ලීයකින් සාදන අඟල් 7ක් පමන උස පළඳනාවකි. මෙය හිස මත නොවැටෙන සේ රැඳවීමට ඝණවූ රෙදි වලින් බැඳීමට පටි සම්බන්ධ කර ඇත. මෙහි කෙළවර දිග අඩි 3 1/2ක් හා පළල අඟල් 2ක් පමණ වූ රෙදි වලින් සකස් කල පටියක් සම්බන්ධ කර ඇත. එහි කෙළවර පොහොට්ටුවක් සම්බන්ධ කර ඇත. මෙය ඒකාවැල නොහොත් ජටාපටිය යන නමින් හඳුන්වයි... * පායිම්පත ගිනි සිළුවක හැඩය ගත්, ලී පටි මත කැටයම් කපා ඒ මත රිදී ඔබ්බවා සකස්කරගත් අඟලක් පමණ පළල පටි 7ක් මේ සඳහා යොදාගෙන ඇත. ජටාවට ඉදිරියෙන් හිස මත මෙය පැළඳ ගනී. එම පටි එකිනෙක සම්බන්ධ වන ආකාරයට පිටුපසින් තද කම්බි දෙකක් යොදා ඇත... * සිඛාබණ්ධනය කෙලවර බෝ පතත්‍රයක හැඩය ගත් ලී පටි 13ක් මත අලංකාර කැටයම් යොදා ඒ මත රිදී ඔබ්බවා අර්ධවෘත්තාකාර හැඩයකට සකස්කර ඇත. එක් කොටසක් අඟල් 5ක් පමණ දිගය. ඒවා එකිනෙක සම්බන්ධ වන ආකාරයට පිටුපස තද කම්බි යොදා ඇත. මේ සෑම කොටසකටම රිදී තහඩුවෙන් කපාගත් බෝපත්‍ර තුන බැගින් එල්ලා ඇත. දෙකෙලවර අඹ ගෙඩියක හැඩය ගත් රිදී තහඩු දෙකක් එල්ලා ඇත. එය පත්තිනි දේවිය සිහිගැන්වීම බව ජනප්‍රවාදයේ කියවෙයි. මෙම පළඳනාව මැද අලංකාර ලෙස රිදී තහඩුවෙන් පමණක් කපාගත් කොටසක් සම්බන්ධ කර ඇත. එය නෙත්තිමාලය නමින් හඳුන්වා ඇත. එය වටා කුඩා බෝපත්‍ර සම්බන්ධ කර ඇත. මෙම සම්පූර්ණ පළඳනාව පොදුවේ වෙස්තට්ටුව යන නමින් හඳුන්වයි... * තෝඩුපත් අඹ ගෙඩියක හැඩයට කපාගත් තුනී ලෑල්ලක කැටයම් කපා ඒ මත රිදී ඔබ්බවා සකස්කරගත් පළඳනාවකි. මෙය අඟල් 3ක් පමණ පළලින්ද අඟල් 5ක් පමණ උසින්ද සකස්කර ඇත. දෙසවන් ඉදිරියෙන් පළදිනු ලැබේ... * කරපටිය අඩ සඳක හැඩයට තද රෙදි වලින් සකසා ඒ මත පබළු වලින් විවිධ අලංකාර මෝස්තර මැවූ කරතැල්ලකි. මෙය පළදිනු ලබන්නේ බෙල්ලටය. සමහර අවස්ථා වල මෙය විවිධ හැඩයෙන් දැක ගැනීමට පුලුවන... * අවුල්හැරය කැබැල්ලෑ පොතු රවුම්වට කපා ඒ මත රිදී බොත්තම් සවි කර මේවා එකිනෙක සම්බන්ධ වන අකාරයට පබලු වැල් වලින් රටා මවා දෙවුරට උඩින් හා යටින් පබලු වැල් පොටවල් පිටුපසට සවි කර පසු පෙදෙස සම්පූර්ණයෙන් ආවරණය වන ලෙස සකස් කරගත් පළඳනාවකි... * උරබාහු පිත්තලෙන් හෝ රිදියෙන් උරහිසට සරිලන සේ සකස් කරගත් පතුරු දෙකකි. සුළු වශයෙන් විවිධ කැටයම් මෙහිදී දැකිය හැකිය. පළඳිනු ලබන්නේ උරහිස් දෙකටය... * බන්ධි වළලු අත්වලට පැළඳීමට ඇතුලත කුහරයක් සිටින ආකාරයට තඹවලින් හෝ පිත්තල වලින් සකස් කරගත් වළලු විශේෂයකි... * කයිමෙත්ත දිගින් අඟල් තුනක් පමණද, පළලින් අඟලක් පමණද වන ආකාරයට ලී පටි මත කැටයම් කපා ඒ මත රිදී ඔබ්බවා දෑතේ මැණික් කටුව මත පැළඳීමට යොදාගත් ආභරණයකි. සමහර දෙනා මෙයට හස්තකඩ කියාද, වැරදි වචනයක් ව්‍යවහාර කරයි. මේවා කයිමෙත්ත යන නමින් හඳුන්වයි... * සිලම්බු පිත්තල වැනි ලෝහ වලින් ඇතුලත කුහරයක් සිටින සේ පිටතට විවෘතව හඬක් නිකුත්වන ආකාරයට ඒ තුලට ලෝහ බෝල ඇතුලත් කිරීමෙන් නිමකර ගන්නා ලද පාදවල වළලුකර ප්‍රදේශයට පළඳින ආභරණයකි * ඉණ පටිය රිදී එබ්බවූ ලී කැටයම් වලිනුත් රිදී බොත්තම් වලිනුත් මෝස්තරයක් එළිදක්වන ආකාරයට ඉනට බැඳීමට ඝනකම් රෙදි වලින් අඟල් 3ක් පමණ පළලට සකසාගත් ඉණපටියකි... * ඉණ හැඩය රූපයේ දැක්වෙන හැඩයට විල්ලුද වැනි රෙද්දක තැන තැන රිදී බොත්තම් අල්ලා පළඳනාවේ මැදට එකිනෙකට කුඩාවන අන්දමට කැටයම් යෙදූ රිදී බුබුළු වලින් අලංකාර කළ පළඳනාවකි. මේ වටා තැනින් තැන වූල් පොහොට්ටු සම්බන්ධ කර ඇත. මෙය ත්‍රිකෝණාකාර හැඩයක් ගනී. ඉණ සිට දණහිස දක්වා පමණ දිගට සිටින සේ පළඳියි.. #kandyan dance #Mahathala kala uyana