Скачать с ютуб Dedhalavie'73 en BIBO "Aruba's Sharaton Hotel" "Diablo Club" в хорошем качестве

Dedhalavie'73 en BIBO "Aruba's Sharaton Hotel" "Diablo Club"

Dedhalavie 1973🌹 Mi a risibi un pregunta tocante e motibo cu cancion nan na Ingles y Spaño tawata wordo canta mas cu Papiamento den e temporada cu nos a cuminsa presenta na Hotel nan y prome. Mi splicasion ta cu e influencia di cancion nan di Latino America tawata hopi grandi for di aña nan cu mi a haña tino automaticamente como mucha bo ta capta nan liher. Mama tawata canta bolero nan masha bunita y na su saya semper colga bo ta siña liher. Papa un cantante di Tango tambe a duna su parti cu a capta atencion. Emisora di Radio nan tawata un delicia pa scucha hopi bolero, waracha, cumbia y tambe no lubida televicion di Venezuela, Radio Caracas Televicion tawata segun mi e influencia di mas grandi mirando cu nan tawata presenta espectaculo nan imprecionante. Na 1960, Rock a drenta na Venezuela y a hasi un influencia di biaha ariba nos cu banda nan manera: Supersonicos, Los Darts, Los Impala,Los Zeppy, Los 007 y hopi mas. Estilo di musica a cuminsa cambia. Temporada cu nos a cuminsa cu Dhaddy and the Starschines na Divi Divi Hotel, Landho García y Dennis Raghunath tawata forma parti di banda nan cu tawata presenta cu cancion nan manera di : The Beatles, The Rolling Stones,Pink Floyd, Simon & Garfunkel, The Bee Gees, Creedence Clearwater Revival, Jimi Hendrix, The Beach Boys y hopi mas. Tur e influencia nan aki no solamente a drenta na nos Isla pero rond di Mundo. Tambe nos a wordo contracta na prome instante pa entretene guest nan cu ta di habla Ingles y Spaño cu tawata prudente pa presenta cancion nan cu nan por indentifica nan mes cu ne pa nan canta hunto cu nos si ta nan deseo. Esei no a kita cu nos tawata semper presenta un wals, un tumba pa quest nan conose nos cultura cual nos tawata annuncia tambe na momento cu nos presenta dicho cancion nan. Temporada di Dedhalavie mirando cu nos hende nan a cuminsa bishita nos cu frecuencia na dado momento nos tawata adapta nos cancion nan kada dia dependiendo di nos quest nan. E cancion nan cu mi tawata tin e previligio di a post pa laga un y tur scucha pa prome biaha ta un paar di cancion cu Victor mes a graba via un cassette player chiguito, segun mi den siman graba pa nos a minimalisa zonido y probabelmente nos quest nan tawata habla Ingles y Spaño. Engeneral Aruba tawata tin semper compositor nan y grupo nan tipico cu tawata composita y presenta den nan Idioma cu awe ta un Tesoro pa nos. Mas adilanti lo mi splica e momento y e pakiko cu ami a tuma e desicion pa composita y presenta den mi idioma Papiamento.🌹Saludos Giovanni🥰 E ultimo cancion di e prome parti di Dedhalavie cu mi ta bai trese dilanti ta un bunita instrumental, un Cumbia bou di e tono nan di Dedhalavie. Un bes mas disfruta di e virtuoso Victor Camacho. 🌹 MI TA ASUMI CU BOSO LO TA BAILA🌹