Скачать с ютуб ദേവീമാഹാത്മ്യoഅദ്ധ്യായം11/ധന്യംനവരാത്രിദേവീസ്തുതി/DeviMahatmyamchaptr11/Narayanistuti/Supatha/DrSyam в хорошем качестве

ദേവീമാഹാത്മ്യoഅദ്ധ്യായം11/ധന്യംനവരാത്രിദേവീസ്തുതി/DeviMahatmyamchaptr11/Narayanistuti/Supatha/DrSyam

Copyright reserved** 🪔സുപഥ-Supathā: The righteous path to self realization🪔 🕉ധന്യം നവരാത്രി - ദേവീസ്തുതി 7 🕉 ധ്യാനം ഉദയസൂര്യന്റെ പ്രഭയോടുകൂടിയവളും ചന്ദ്രകിരീടം ശിരസ്സില്‍ ധരിച്ചിരിക്കുന്നവളും ഉയര്‍ന്ന മാറോടുകൂടിയവളും മൂന്ന്കണ്ണുള്ളവളും മന്ദഹാസം പൊഴിയുന്നവളും വരദം , അങ്കുശം , പാശം , അഭയം ഏന്നിവ കൈകളില്‍ ധരിച്ചിരിക്കുന്നവളുമായ ഭുവനേശ്വരിയെ ഭജിക്കുന്നു.1 ഋഷി പറഞ്ഞു. മഹാസുരശ്രേഷ്ഠന്‍ (ശുംഭാസുരന്‍ ) ദേവിയാല്‍ വധിക്കപ്പെട്ടപ്പോള്‍ , ഇന്ദ്രനോടുകൂടിയവരും അഗ്നി മുന്‍പില്‍ ഗമിക്കുന്നവരുമായ ദേവന്മാര്‍ അഭീഷ്ടസിദ്ധിമൂലം വികസിച്ച അവരുടെ മുഖതാമരകൊണ്ട് (മുഖചന്ദ്രന്‍റെ പ്രകാശംകൊണ്ട് എന്നും അര്‍ത്ഥം ) ദിക്കുകളെ പ്രകാശിപ്പിക്കുന്നവരായിട്ട് കാത്യായനീദേവിയെ സ്തുതിച്ചു. 2 അഭയം തേടുന്നവരുടെ ദുഃഖങ്ങൾ അകറ്റുന്ന ദേവീപ്രസാദിക്കണമേ. അഖിലജഗത്തിനേറേയുംമാതാവായ വിശ്വേശ്വരീ പ്രസാദിച്ചാലും ചരാചരങ്ങൾക്ക് ഈശ്വരി നീ വിശ്വത്തെ രക്ഷിക്കണമേ.3 ദേവി ഭൂസ്വരൂപയായതുകൊണ്ട് ജഗത്തിനു മുഴുവന്‍ ആധാരമാണ്.ലംഘിക്കാന്‍ കഴിയാത്ത വീര്യമുള്ളവളായ ദേവി ജലസ്വരൂപിണിയായി ജഗത്തിനെ മുഴുവന്‍ പുഷ്ടിപ്പെടുത്തുന്നു.4 അനന്തവീര്യവതിയായ വൈഷ്ണവിയുടെ ശക്തിയും ദേവി തന്നെ.ജഗത്തിന് കാരണമായ പരമമായ മഹാമായയും അവിടുന്നു തന്നെ.ഈ ലോകം മുഴുവൻ ദേവിയാൽ മോഹിക്കപ്പെട്ടിരിക്കുന്നു.ദേവി പ്രസന്നയായാൽ ഭൂമിയിൽ വെച്ചു തന്നെ ഭക്തന്മാർക്ക് മോക്ഷത്തിന് കാരണമാകുമെന്ന് പ്രസിദ്ധമാണല്ലോ.5 അല്ലയോ ദേവീ, എല്ലാ (പതിനെട്ട് ) വിദ്യകളും നിന്തിരുവടി യുടെ തന്നെ വകഭേദമാകുന്നു. ഏകമാതാവായ ദേവി ഈ ലോകം മുഴുവൻ നിറഞ്ഞു നിൽക്കുന്നു. അങ്ങനെയുള്ള ദേവിയെ എത്ര സ്തുതിച്ചാലും അധികമാവില്ല.6 സർവഭൂതാത്മികയും ഭക്തന്മാർക്ക് ഭുക്തിയും മുക്തിയും കൊടുക്കുന്നവളുമായ ഭവതിയെ സ്തുതിക്കുന്ന ഈ സ്തോത്രങ്ങൾ പരമോക്തികളായിത്തീരട്ടെ.7 അല്ലയോ ദേവി, എല്ലാവരുടെയും മനസ്സിൽ ബുദ്ധിയുടെ രൂപത്തിൽ സ്ഥിതി ചെയ്യുന്നവളും സ്വർഗവും മോക്ഷവും നല്കുന്നവളുമായ നാരായണീ ദേവിക്ക് നമസ്കാരം.8 സമയമാപിനികളായ കല, കാഷ്ഠ, എന്നീ രൂപങ്ങളിൽ വർത്തിച്ച് ലോകപരിണാമം ഉളവാക്കുന്നവളും ഒടുവിൽ വിശ്വത്തിൻ്റെ ലയം പോലും നടത്താൻ ശക്തിയുള്ളവളുമായ നാരയണീദേവിക്ക് നമസ്കാരം. 9 മംഗളമായ വസ്തുക്കളുടെയെല്ലാം മംഗളകാരിണിയും കല്യാണ സ്വരൂപിണിയും പുരുഷാർത്ഥങ്ങൾ സാധിച്ചു കൊടുക്കുന്നവളും മൂന്നു കണ്ണുള്ളവളും സ്വർണവർണ്ണമുള്ളവളുമായ നാരയണീദേവിക്ക് നമസ്കാരം.10 ലോകത്തിൻ്റെ സൃഷ്ടിസ്ഥിതി സംഹാരത്തിന് കെല്പുള്ളവളും സനാതനിയും സത്വാദി ഗുണങ്ങളുടെ ആശ്രയവും ഗുണ സ്വരൂപിണിയുമായ നാരയണീദേവിക്ക് നമസ്കാരം.11 ശരണം പ്രാപിക്കുന്ന ദീനന്മാരെയും ആർത്തന്മാരെയും രക്ഷിക്കുന്നത് സ്വന്തം അഭീഷ്ടമായുള്ളവളും സകല ലോകത്തിൻ്റെയും സങ്കട നാശിനിയുമായ നാരയണീദേവിക്ക് നമസ്കാരം.12 അരയന്നങ്ങളെ പൂട്ടിയ വിമാനത്തിൽ സ്ഥിതി ചെയ്യുന്നവളും കുശമിട്ട് ജപിച്ച മന്ത്രപൂതമായ ജലം തളിക്കുന്നവളുമായ ബ്രഹ്മാണി രൂപത്തിലുള്ള നാരായണി ദേവിക്ക് നമസ്കാരം.13 ത്രിശൂലം, ചന്ദ്രൻ, നാഗങ്ങൾ എന്നിവയെ ധരിക്കുന്നവളും മഹത്തായ വൃഷഭ വാഹനത്തിൽ സഞ്ചരിക്കുന്നവളുമായ മഹേശ്വരീ സ്വരൂപിണിയുമായ നാരായണീദേവിക്ക് നമസ്കാരം.14 വാഹനമാകുന്ന മയിൽ, കൊടിയടയാളമാകുന്ന കുക്കുടം ഇവയാൽ ചുറ്റപ്പെട്ടവളും വലിയ വേൽ ആയുധമായി ധരിച്ചിരിക്കുന്നവളും പാപമില്ലാത്തവളുമായ കൗമാരീ രൂപത്തിലുള്ള നാരയണീദേവിക്ക് നമസ്കാരം.15 ശംഖ്, സുദർശനചക്രം, ഗദ, ശാർങ്ഗം എന്നീ ഉത്കൃഷ്ടമായ ആയുധങ്ങളെ ധരിക്കുന്നവളായ വൈഷ്ണവീ രൂപത്തിലുള്ള നാരയണീ ദേവിക്ക് നമസ്കാരം.16 അത്യുഗ്രമായ വലിയ ചക്രത്തെ കൈയിൽ ധരിച്ചിരിക്കുന്നവളും ദംഷ്ട്ര കൊണ്ട് ഭൂമിദേവിയെ ഉദ്ധരിച്ചവളുമായ വരാഹരൂപിണിയായ നാരായണീദേവിക്ക് നമസ്കാരം.17 ഉഗ്രമായ നൃസിംഹരൂപത്തിൽ അസുരന്മാരെ കൊല്ലാൻ ഉദ്യമിച്ചവളും മൂലോകങ്ങളെയും രക്ഷിക്കുന്നവളുമായ നാരായണീദേവിക്ക് നമസ്കാരം.18 കിരീടത്തോടു കൂടിയവളും മഹത്തായ വജ്രായുധം കൈയ്യിൽ ധരിച്ചവളും ആയിരം കണ്ണുകൾ കൊണ്ട് ശോഭിക്കുന്നവളും വൃത്രാസുരനെ വധിച്ചതും ഐന്ദ്രീരൂപത്തിലുള്ളതുമായ നാരയണീ ദേവിക്ക് നമസ്കാരം.19 ശിവദൂതീ രൂപത്തിൽ അസുരന്മാരുടെ സേനയെ നശിപ്പിച്ചവളും ഭയങ്കര രൂപമുള്ളവളും മഹത്തായ ശബ്ദത്തോടു കൂടിയവളുമായ നാരയണീ ദേവിക്ക് നമസ്കാരം.20 വലിയ ദംഷ്ട്രകളെക്കൊണ്ട് ഭയങ്കരമായ മുഖത്തോടു കൂടിയവളും ശിരസ്സുകൊണ്ടുള്ള മാല അണിഞ്ഞവളും മുണ്ഡനെ വധിച്ചവളും ചാമുണ്ഡ രൂപിണിയുമായ നാരയണീദേവിക്ക് നമസ്കാരം. 21 ലക്ഷ്മീ സ്വരൂപിണിയും ലജ്ജാസ്വരൂപിണിയും മോക്ഷപ്രദയും മഹാവിദ്യസ്വരൂപിണിയും ധർമ കർമ്മങ്ങൾ ചെയ്യാൻ പ്രേരകമായിട്ടുള്ള ശ്രദ്ധ സ്വരൂപിണിയും സമ്പത് സമൃദ്ധി രൂപിണിയും പിതൃ തൃപ്തിയെ കൊടുക്കുന്ന സ്വാധാരൂപിണിയും നിത്യ സ്വരൂപിണിയും പ്രളയസ്വരൂപിണിയും മഹാസ്വരൂപിണിയുമായ നാരയണീദേവിക്ക് നമസ്കാരം.22 ശാസ്ത്രങ്ങൾ മനസ്സിലാക്കുന്നതിന് കെല്പു നൽകുന്ന മേധാ രൂപിണിയായും വാഗ്ദേവതയായും ശ്രേഷ്ഠയായും ഐശ്വര്യമായും കപില വർണ്ണയായും തമോരൂപിണിയായും നിയതയായും വർത്തിക്കുന്ന നാരായണീ ദേവിക്ക് നമസ്കാരം.. ഞങ്ങളിൽ പ്രസാദിച്ചാലും. 23 പല സന്ദർഭങ്ങളിലായി പലസ്വരൂപ ത്തിൽ അവതരിച്ചിട്ടുള്ളവളും സർവ്വത്തിൻ്റെയും സ്വാമിനിയും സർവ്വ ശക്തികളെയും ഉൾക്കൊള്ളുന്നവളുമായ ഹേ ദേവി, ഞങ്ങളെ ഭയങ്ങളിൽ നിന്ന് രക്ഷിച്ചാലും.ഹേ ദുർഗേ,നമസ്കാരം.24 ഹേ കാത്യായനീ ദേവി, മുക്കണ്ണോടു കൂടിയ ദേവിയുടെ ശാന്തമായ ഈ മുഖം ഞങ്ങളെ എല്ലാ ഭൂതങ്ങളിൽ നിന്നും രക്ഷിക്കട്ടെ. അവിടുത്തേക്ക് നമസ്കാരം.25 **Copyright -: All the content published in this channel is protected under copyright law and should not be used or reproduced in full or part , without creator's (Dr. Syam Malayil alias Dr. Syam M S) prior permission. The right and credit of photos and background music is reserved to its respective creators. Special credits to Pinterest.com for pictures & Yellowtune youtube channel for royalty free music. For queries feel free to contact in our mail id - : [email protected] Ph: 8089462210