Скачать с ютуб 【星級斜槓族】Judy鄺潔楹棄當業務分析師入娛圈 曾擔心只有$3,000月薪 配升呢為曲奇餅店、健身室及時裝品牌老闆娘 в хорошем качестве

【星級斜槓族】Judy鄺潔楹棄當業務分析師入娛圈 曾擔心只有$3,000月薪 配升呢為曲奇餅店、健身室及時裝品牌老闆娘

大家對鄺潔楹（Judy）的印象是甚麼？《學是學非》的搞怪主持還是《3日2夜》的爽朗主持？《一舞傾城》中的細細粒還是《愛．回家之開心速遞》中的拜金Venus？事實上，Judy由娛樂新聞台主持，到參與旅遊及綜藝節目，進而加入劇組，演藝之路可說是多姿多彩，充滿機會。此前，原來她是一名業務分析師，但為甚麼她會放棄高薪厚職，選擇不穩定性較高的娛樂圈？ 任業務分析師因有員工優惠？！ Judy修讀商業經濟學出身，她自言對數字比較得心應手，但笑說︰「但咁樣唔等同我對金錢敏感，哈哈！因為我媽媽成日覺得我好大使，譬如我同家人提議聖誕節去食Fine-dining（精緻餐飲），畢竟一年一次，但佢會叫我哋唔好嘥錢，『你畀一堆泡我，我都唔知自己食咗啲咩，然後一個人幾千蚊。』所以佢覺得儲起呢啲錢仲好。」 商科畢業後，Judy選擇在百貨公司任職業務分析師，她憶述︰「最一開始點解我會揀呢間公司，係因為朋友話買嘢有折！細個冇諗太多，大學畢業淨係想搵份工，又有朋友喺嗰度做，再加上買嘢有折喎，所以就揀咗呢份工。」 勇敢嘗試轉行 業務分析師被視為高薪厚職的「筍工」，但Judy卻選擇踏進娛樂圈。「當時我成日要OT，工作又重覆，工時同人工唔成正比。另外，我去研究業務分析師條路，見到同部門嘅同事要用幾年先升一次職，我覺得個過程好慢。我覺得（做業務分析師）有啲浪費咗自己，我唔係覺得自己可以做大事，只係純粹覺得喺電腦前做10年嘢唔係我想做嘅事。」 為何萌生入娛圈的想法？Judy解釋是朋友的一番說話︰「有朋友覺得我好適合做旅遊節目，因為我講嘢有娛樂性；後來機緣巧合下我有機會見B哥（監製張志明）試鏡，但佢話我講嘢唔OK、唔識望鏡頭、係咁眨眼、眼神飄忽，所以建議我先去做娛樂新聞台嘅主播，訓練說話技巧、寫稿同望鏡頭。」 不過，放棄高薪厚職入電視台，可曾後悔？Judy笑謂︰「我記得我第一句係問『你哋電視台係咪得$3,000底薪？如果得$3,000，我真係唔OK㗎。』B哥答我娛樂新聞台多啲，有過萬；當然一定冇業務分析師多，不過當時我只是畢業生，人工唔算好高。我唔想後悔自己冇嘗試過，所以有萬幾蚊人工我都接受。」 創業最重要膽大心細 Judy的事業心絕不受限於娛樂圈，2021年她升呢做曲奇餅店老闆娘，在疫情中開店可說是十分大膽的決定。「我由細到大都鍾意整甜品，特別鍾意整曲奇餅，好多時整咗一打自己食唔晒，所以會分享畀朋友。剛巧有個朋友係幫一個茶葉品牌做Marketing，佢畀咗茶葉我整一個自己嘅曲奇食譜，做一個合作，所以我就開始自家曲奇品牌。」 同年，Judy再開展健身室及時裝品牌系列，她感恩業務分析師的知識能夠大派用場。談到創業的貼士，Judy認為最重要是多與有經驗的人交流，「過來人可以分享佢哋做錯過嘅事，自己唔會重蹈覆徹，佢哋又可以畀一啲新想法你。勇於嘗試都係十分重要，千祈唔好驚，如果我兩年前驚其他人唔鍾意我嘅曲奇，我依家都唔會坐喺度，同大家分享我嘅創業路。」 策劃、記者：Crystal 攝影：Peter 剪接︰Ronnie 監製：Philess/ Winsome 服裝︰Le Petit Bisou 場地︰个園竹語