Скачать с ютуб مولاناڈاکٹرمحمداسحاق عالم حفظہ اللہ کراچی نمازتراویح 1445ہ в хорошем качестве

مولاناڈاکٹرمحمداسحاق عالم حفظہ اللہ کراچی نمازتراویح 1445ہ

عالم ابن عالم مولانا ڈاکٹر اسحاق عالم سلمہ اللہ کی خوبصورت و دلکش آواز میں تراویح کا ایک اقتباس سماعت فرمائیں ... سبحان اللہ وہ پڑھیں ہم سنیں۔۔۔۔اور سنتے ہی جائیں۔۔۔ ایک ایک لفظ اور حروف کو مکمل تجوید کی رعایت کے ساتھ پڑھنا۔۔۔۔۔اور خوش الحانی کا ایسا بلند ذوق ہونا الگ کمال۔۔۔۔اللہم زد فزد برادرم موصوف سلمہ اور ان کے دیگر برادران سے قدیم تعلق رہا ہے۔۔۔۔اور اس تعلق کی نسبت بھی کافی عالی وارفع ہے۔۔۔۔ آپ کے والد جامع المعقول والمنقول مولانا محمد عالم رحمہ اللہ کی سند فراغ عظیم مادر علمی جامعہ علوم اسلامیہ علامہ بنوری ٹاؤن سے تقریباً 1967/68ء کی تھی۔۔۔محدث العصر علامہ سید محمد یوسف بنوری،مفتی اعظم پاکستان حضرت مفتی ولی حسن ٹونکی رحمہم اللہ جیسی علمی ہستیوں کے فیض یافتہ اور تلمیذ رشید تھے۔۔۔۔علوم وفنون میں آپ کو اللہ نے ایسی مہارت سے نوازا تھا کہ استاذ المحدثین حضرت شیخ سلیم اللہ خان رحمہ اللہ نے آپ کو پہلے ہی سال کی تدریس میں ہدایہ ثالث جیسی کتاب کی تدریس کیلئے منتخب کیا۔۔۔احباب علم و تدریس بخوبی واقف ہیں کہ ہدایہ کی چاروں جلدوں میں ہدایہ ثالث پڑھانے کیلئے کیسی صلاحیت درکار ہوتی ہے۔۔۔صرف یہی نہیں بلکہ اسی پہلے سال دیگر فنون کی بھی پانچ کتب آپ کو پڑھانے کیلئے دی گئیں۔۔۔اور آپ نے اس منصب تدریس کا ایسا حق ادا کیا کہ آپ کے تلامذہ میں عالم اسلام کی عظیم علمی و روحانی اور عبقری شخصیات شامل رہیں۔۔۔۔جن میں عالمی،دینی وفکری تحریکوں کے روح رواں،فقیہ وقت حضرت مولانا مفتی نظام الدین شامزئی ش ہ ی د رحمہ اللہ (سابق شیخ الحدیث ورئیس تخصص فی الفقہ جامعہ بنوری ٹاؤن و استاذالحدیث جامعہ فاروقیہ ) سمیت جیسی کئی نابغہ روزگار ہستیاں شامل ہیں۔۔۔ بہرحال ہمارے محبوب دوست مولانا ڈاکٹر اسحاق عالم سلمہ اللہ ان کے باصلاحیت فرزند ہیں۔۔۔اور اپنے والد رحمہ اللہ کی منصب امامت وخطابت کے جانشین بھی ہیں۔۔۔جامع مسجد عثمانیہ ناظم آباد کے امام و خطیب ہیں اور کراچی یونیورسٹی میں بھی تدریس کی ذمہ داریاں انجام دے رہے ہیں۔۔۔جبکہ اپنے اسی علاقہ میں عثمانیہ ویلفیئر کے نام سے سماجی و رفاہی گرانقدر خدمات کیلئے بھی اللہ نے ان کو ذریعہ بنایا ہوا ہے۔۔۔مختلف اہم دینی و فکری عنوانات پر سیمناروں اور علمی مجالس میں آپ کو خصوصی محاضرات یعنی لیکچرز کیلئے بلایا جاتا ہے۔۔۔۔میڈیائی وسیع دنیا کے بھی رمز شناس ہیں۔۔۔اور اس حوالہ سے عمیق دینی ذوق کا ادراک بھی خوب رکھتے ہیں۔۔۔ بہت خوبصورت لہجہ میں تلاوت قرآن پڑھنے کے آداب اور فطری ذوق سے رب تعالیٰ نے ان کو نوازا ہے۔۔۔۔ گزشتہ کئی سالوں سے جہاں تراویح میں ختم قرآن کی سعادت ان کو مقدر ہورہی ہے وہیں تراویح پڑھانے والے دیگر احباب و رفقاء کیلئے بھی فکر مندی کا قابل تقلید ذوق رہا ہے۔۔۔رب تعالیٰ کے پاک کلام سے دیرینہ لگاؤ اور سعادت آفرین اسی جذبات کے اثرات تھے کہ امسال کراچی میں کئی مقامات پر انہوں نے ایک کامیاب مہم چلائی۔۔۔اور اس حوالہ سے کئی دینی اداروں میں خصوصی نشستیں ہوئیں۔۔۔جس کے کئی مثبت فوائد ثمرات کی شکل میں سامنے آئے۔۔۔اور رمضان میں تراویح میں ختم قرآن کی نسبت سے الحمدللہ سیکڑوں لوگوں نے استفادہ کیا۔۔۔۔ برادرم ڈاکٹر اسحاق عالم سلمہ اللہ کا قرآن پڑھنے اور پڑھانے کا درد مندانہ و مخلصانہ مزاج یقیناً قابل ستائش ہے۔۔۔ ڈاکٹر صاحب سلمہ اللہ سے گزشتہ کئی سالوں سے دینی نسبت سے ایک تعلق ہے۔۔۔کئی احوال پر ہماری آئے روز بے تکلف مجالس و گفتگو ہوتی رہتی ہے۔۔۔میں نے ہمیشہ ان کو دینی اداروں،مدارس و مساجد اور تعلیمی و تربیتی حوالوں سے مستقل فکر مند پایا۔۔۔ان کی یہی فکر ان کو اپنے معاصر رفقاء میں ممتاز بناتی ہے۔۔۔ ڈاکٹر صاحب سلمہ اللہ مضبوط فکری قلمی ذوق کے بھی حامل ہیں۔۔۔مختلف معاشرتی مسائل سمیت دینی افکار و نظریات کو اجاگر کرنے میں ہمہ وقت فعال رہتے ہیں۔۔۔اور ایک بڑا حلقہ جہاں ان کی قرآن سے محبت کی وجہ سے عقیدت رکھتا ہے وہیں ان کے رشحات قلم کا بھی شیدائی ہے۔۔۔ ڈاکٹر صاحب سلمہ اللہ پر لکھنے کیلئے اور بھی بہت کچھ ہے۔۔۔جو ان شاءاللہ پھر کبھی۔۔۔۔ سردست اپنے بھائی سلمہ اللہ کی گزشتہ رات کی تراویح سے ایک مختصر سا اقتباس آپ حضرات سنیں۔۔۔ اگرچہ بہت ہی مختصر ہے۔۔۔ لیکن ان شاءاللہ ہم رمضان کے ان مبارک ایام میں وقتاً فوقتاً دیگر اقتباسات بھی شئیر کریں گے۔۔۔۔ قران سے محبت و تعلق اور عقیدت سے بڑھ کر سعادت کچھ بھی نہیں۔۔۔۔ اللہ تعالیٰ ہمارے بھائی کی اپنے کلام سے جو والہانہ محبت اور لگاؤ ہے اس کو اپنی بارگاہ میں شرف قبولیت سے نوازیں۔۔۔۔۔آمین