У нас вы можете посмотреть бесплатно စစ်တပ်နဲ့ စီးပွားဘက်ဖြစ်ရေး ceasefire capitalism ကိုပဲ မြန်မာ့အရေး မူဝါဒအဖြစ် တရုတ် စွဲကိုင်ထားလား или скачать в максимальном доступном качестве, которое было загружено на ютуб. Для скачивания выберите вариант из формы ниже:
Если кнопки скачивания не
загрузились
НАЖМИТЕ ЗДЕСЬ или обновите страницу
Если возникают проблемы со скачиванием, пожалуйста напишите в поддержку по адресу внизу
страницы.
Спасибо за использование сервиса savevideohd.ru
စစ်တပ်နဲ့ စီးပွားဘက်ဖြစ်ရေး ceasefire capitalism ကိုပဲ မြန်မာ့အရေး မူဝါဒအဖြစ် တရုတ် စွဲကိုင်ထားလား တရုတ်နိုင်ငံခြားရေး ဝန်ကြီး ဝမ်ယိ နေပြည်တော်ကို သြဂုတ်လ လလယ်ပိုင်းမှာ ရုတ်တရက် ရောက်လာပြီး စစ်ခေါင်းဆောင်နဲ့ တွေ့ဆုံခဲ့ပြီးတဲ့နောက် တရုတ်ရဲ့ စစ်ကောင်စီ အပေါ် ဆက်ဆံရေးဟာ အပြောင်းအလဲ သိသိသာသာ ဖြစ်လာပါတယ်။ တကျော့ပြန် အာဏာသိမ်းမှုနောက်ပိုင်း စစ်ကောင်စီဟာ တရုတ်ရဲ့ ကျောထောက် နောက်ခံပြုမှုကို အခုအချိန်မှာ အခိုင်အမာဆုံး ရရှိလာတယ်လို့ ကျယ်ကျယ်ပြန့်ပြန့် ရှုမြင်ကြပါတယ်။ မကြာသေးခင်ကပဲ တရုတ်ဆီကနေ တိုက်လေယာဥ်ပျံတွေလည်း မြန်မာစစ်တပ် ထပ်ပြီး ရလာပါတယ်။ တရုတ်ရဲ့ ဖိအားကြောင့် အမျိုးသား ညီညွတ်ရေး အစိုးရ NUG နဲ့ မပတ်သက်ပါဘူး၊ နိုင်ငံရေး အရ မြန်မာစစ်တပ်နဲ့ ဆွေးနွေးဖို့ အသင့်ပဲလို့ ကိုးကန့်တပ် MNDAA က ပြောနေတဲ့ကြားကပဲ စစ်ကောင်စီဟာ သူတို့ MNDAA နဲ့ တိုက်ပွဲမှာ စစ်ရေး ရှုံးနိမ့်ပြီး လက်လွှတ်ခဲ့ရတဲ့ လားရှိုးကို လေကြောင်းတိုက်ခိုက်တာတွေ ဆက်တိုက် လုပ်နေပါတယ်။ ဒီတိုက်ခိုက်မှုတွေ အပေါ်မှာလည်း တရုတ်က နှုတ်ဆိတ် နေပါတယ်။ ဒီတော့ ဘေဂျင်း အစိုးရရဲ့ မြန်မာနိုင်ငံ ဆိုင်ရာ ရည်မှန်းချက်က ဘာလဲ ... ဘာကို တွေ့မြင်ရဖို့ ဦးတည်လုပ် နေတာလဲ ... စတာတွေကို ဒီတစ်ပတ် သတင်းမြင်ကွင်း အစီအစဥ်မှာ ကြားကြရမှာ ဖြစ်သလို .... အမေရိကန်ဘက်ကို ကြည့်ရင်လည်း မြန်မာ့ အကျပ်အတည်းကို ငြိမ်းချမ်းစွာ အဖြေရှာရေးဘက် အလေးထား တိုက်တွန်းနေပါတယ်။ သမ္မတအိုဘားမား လက်ထက် အာရှ အရှေ့ဖျားနဲ့ ပစိဖိတ် ဒေသတလွှားဆိုင်ရာ နိုင်ငံခြားရေးကို တာဝန်ယူခဲ့ပြီး၊ မြန်မာ စစ်တပ် ဒေါ်အောင်ဆန်းစုကြည်နဲ့ကြား အလျှော့အတင်းတွေ လုပ်၊ တံခါးဖွင့်လာအောင် အဓိက ပြောဆို ညှိနှိုင်း ပေးခဲ့သူ ကာ့တ် ကင်းမ်ဘဲလ် Kurt Cambell လည်း အခုနှစ်ထဲမှာပဲ အမေရိကန်ရဲ့ ဒုတိယ နိုင်ငံခြားရေး ဝန်ကြီး ဖြစ်ပါတယ်။ ဒီတော့ အမေရိကန်အနေနဲ့ စစ်တပ်က ပြောနေတဲ့ ရွေးကောက်ပွဲ အပေါ် သဘောမတူဘူးလို့ ပြောထားပေမယ့် ရပ်တည်မှု အပြောင်းအလဲ ရှိလာနိုင်လား။ အခု တချီမှာရော ဒေါ်အောင်ဆန်းစုကြည်ကို လွှတ်၊ ရွေးကောက်ပွဲဝင် ဆိုတဲ့ ဘက်ကို သမိုင်း ရဟတ် တစ်ပတ်ပြန်လည်ပြီး တိုက်တွန်းမှာလား ... စတဲ့ အကြောင်းအရာတွေ အပေါ် ကျယ်ကျယ်ပြန့်ပြန့် ဆွေးနွေးသွားဖို့ ရှိပါတယ်။ ဒီတစ်ပတ် ပါဝင်ဆွေးနွေးကြသူတွေကတော့ ဝါရှင်တန်ဒီစီ မြို့တော် အခြေစိုက် အမေရိကန်ပြည်ထောင်စု ငြိမ်းချမ်းရေး အင်စတီကျု USIP ရဲ့ မြန်မာနိုင်ငံ ဆိုင်ရာ ညွှန်ကြားရေးမှူး ဂျေဆင်တာဝါနဲ့ တရုတ်ရဲ့ မြန်မာ့အရေး မူဝါဒတွေကို အနီးကပ် စောင့်ကြည့် လေ့လာနေတဲ့ တရုတ်-မြန်မာဆက်ဆံရေး အကြောင်း အထူး ကျွမ်းကျင်သူ ဒေါက်တာလှကျော်ဇောတို့ ဖြစ်ပါတယ်။ ဘီဘီစီသတင်းထောက် ကိုဝေဖြိုး စီစဥ်တင်ဆက်ထားတာကို အောက်တိုဘာ ၅ ရက်၊ စနေည မြန်မာစံတော်ချိန် ည ၈ နာရီမှာ ဘီဘီစီမြန်မာပိုင်းရဲ့ ဖေ့စ်ဘုတ်စာမျက်နှာနဲ့ ည ၈ နာရီခွဲ အချိန် ဘီဘီစီမြန်မာပိုင်းရဲ့ ယူကျုချန်နယ်တို့ကနေ ထုတ်လွှင့်ပေးမှာမို့ စောင့်မျှော်ကြည့်ရှု နိုင်ကြပါတယ်။ #ဘီဘီစီမြန်မာပိုင်း #သတင်းမြင်ကွင်း