Скачать с ютуб 坤哥香港補辦婚禮宴親友 爆媽媽飲新抱茶感觸落淚 в хорошем качестве

坤哥香港補辦婚禮宴親友 爆媽媽飲新抱茶感觸落淚

坤哥香港補辦婚禮宴親友 爆媽媽飲新抱茶感觸落淚 舊年前月突然宣佈同日本女友 浜口愛子 結婚嘅 吳業坤 ，婚後太太移居香港，之前仲為坤歌新歌MV擔任女主角，正式百分百係夫唱婦隨喇。而3月15號佢哋就喺香港補辦婚禮，正式向吳媽媽斟茶，而新娘嘅父母同佢哋嘅日本好友亦都來港見證。 呢日佢哋以襯到絕嘅西裝同低胸婚紗現身同傳媒見面，又多次應要求錫錫。而早前嘅儀式亦跟足傳統，新人以傳統中式裙褂出席，坤哥仲話媽媽一飲新抱茶仲非常高興感觸呀。 坤哥為咗送驚喜，仲一早準備太太偶像嘅一首日文歌曲，喺現場同Live Band演奏之下送上自己無比嘅愛呀。不過佢就話希望等自己事業再穩定一啲之後先再生小朋友，暫時計劃就打算3年後再努力造人喇。 近日將要拍攝《新聞女王》嘅佢，又話要隨即要加入劇組拍攝，所以度蜜月都要再等工作鬆動啲先再安排喇。 去年未有機會親身祝賀嘅圈中好友，好似 伍仲衡 鄭世豪 鄭俊弘 陳惠敏 等呢日就紛紛去到現場送上祝福，而 薛家燕 雖然眼睛發炎，呢日都同 陳敏之 一齊到賀呀。喺劇集《飛虎II》扮演過一對父子嘅 陳山聰 仲話好似娶新抱一樣，所以就算開工都要搵時間親身到場。 而 譚俊彥 就透露婚宴現場情況，仲爆新外父似乎非常想抱孫，用英文猛講Baby呀，至於 胡鴻鈞 就話叫好兄弟早生貴子，希望佢早日升呢做爸爸呀，仲大讚新娘係百分百賢妻咁話呀。 #吳業坤 #浜口愛子 #婚禮 #香港 #新抱茶 #新聞女王 #薛家燕 #陳敏之 #陳山聰 #譚俊彥 #胡鴻鈞 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0