Скачать с ютуб Kaliyanum Kalichiyum Theyyam കലിയനും കലിച്ചിയും തിറയാട്ടം. Nanamkunungi Thira в хорошем качестве

Kaliyanum Kalichiyum Theyyam കലിയനും കലിച്ചിയും തിറയാട്ടം. Nanamkunungi Thira

നായാട്ടു തെയ്യങ്ങളിലൊന്ന്.#കലിയനും_കലിച്ചിയും തിറയാട്ടമെന്നാണ് അറിയപ്പെടുന്നത് എന്നും പറയപ്പെടുന്നു. #തെയ്യം: ചെറു വിവരണം നൂറ്റാണ്ടുകൾ പഴക്കമുള്ള വടക്കേമലബാറിന്റെ തനതു കലാരൂപമാണ് തെയ്യം. വടക്കൻ ജില്ലകളായ കണ്ണൂർ, കാസർകോട് എന്നിവിടങ്ങളിൽ ആണ് ഈ അനുഷ്ഠാനകല കെട്ടിയാടുന്നത്. കഠിനമായ അനുഷ്ഠാന ചര്യകളോടെ ദൈവപ്രീതിക്കുവേണ്ടി ചില സമുദായക്കാർ നടത്തുന്ന നൃത്തരൂപമാണിത്. ദൈവം എന്നതിന്റെ വാമൊഴി രൂപമാണ് തെയ്യം. ഓരോ സമുദായത്തിനും നിശ്ചിത തെയ്യക്കോലങ്ങൾ കെട്ടിയാടാനുള്ള അവകാശം തമ്പുരാൻ നൽകിയിട്ടുണ്ടെന്നാണ് വിശ്വാസം. സങ്കീർണ്ണവും മനോഹരവുമായ മുഖത്തെഴുത്തും കുരുത്തോലകളും പൂക്കളും മറ്റും ഉപയോഗിച്ചുള്ള രക്തവർണ്ണാങ്കിതമായ ആടയാഭരണങ്ങളും ചെണ്ട, ഇലത്താളം, തകിൽ, തുടങ്ങിയ വാദ്യമേളങ്ങളും, ലാസ്യ താണ്ഡവ നൃത്താദികളും സമ്മോഹനമായി സമ്മേളിക്കുന്ന തെയ്യം വിശ്വാസത്തോടൊപ്പം കലാസ്വാദനചാതുര്യവും ഉണർത്തുന്ന അപൂർവമായ ഒരു കലാരൂപമാണ്. വർഷങ്ങൾ നീളുന്ന പരിശീലനത്തിലൂടെ മാത്രമെ ഒരാൾക്ക് നല്ല തെയ്യക്കാരനാകാൻ കഴിയുകയുള്ളൂ. #കലിച്ചി തെയ്യം; കഷ്‌ടതകൾ നിറഞ്ഞ കർക്കിടക മാസത്തിൽ ഈശ്വരാരാധനയിൽ കൂടുതൽ ശ്രദ്ധ കേന്ദ്രീകരിക്കുന്നതു സ്വഭാവികമാണല്ലോ. അതോടൊപ്പം തങ്ങളുടെ കഷ്‌ടപ്പാടുകൾക്ക്‌ പരിഹാരമുണ്ടാക്കിത്തരാൻ ഈശ്വരനോടു പ്രാർത്‌ഥിക്കുകയും ചെയ്യുന്നു. കർക്കിടക മാസത്തിൽ ആണ് കലിയൻ ദിനാഘോഷംവും. കർക്കടകം പടിക്കലെത്തുമ്പോൾ മിഥുനമാസത്തിലെ അവസാനദിവസമാണ്‌ ഈ ചടങ്ങു നടത്തപ്പെടുന്നത്‌. ഒരു ക്ഷുദ്രമൂർത്തി ആയിട്ടാണ്‌ കലിയനെ സങ്കല്പിക്കുന്നതെങ്കിലും ജനങ്ങളുടെ ഐശ്വര്യങ്ങൾക്ക്‌ ആവശ്യമായതെല്ലാം കലിയൻ നല്‌കുമെന്നാണ്‌ വിശ്വാസം. ഇതിനുവേണ്ടി എല്ലാവരും കൂടി കലിയനോട്‌ അപേക്ഷിക്കുകയാണ്‌. ഈ ദിവസം കാലത്തു മുതൽക്കുതന്നെ കലിയനു കൊടുക്കാനുളള ഒരുക്കങ്ങൾ തുടങ്ങും. ഓരോ വീട്ടിലും ഉണ്ടാക്കുന്ന ഭക്ഷണസാധനങ്ങൾ ഉപയോഗിക്കുന്നതിനു മുമ്പ്‌ ഒരു ഭാഗം പ്രത്യേകമായി ഒരു ചിരട്ടയിലോ മറ്റോ എടുത്തുവെക്കുന്നു. വൈകുന്നേരം ആകുന്നതോടെ പരിപാടികൾ ആരംഭിക്കുകയായി. ഇതിൽ നല്ലൊരു പങ്കു വഹിക്കുന്നതു കുട്ടികളാണ്‌. അവർ കൂവ, ഈർക്കിൽ, പ്ലാവില, വാഴയണ മുതലായവ കൊണ്ടു കൃഷിപ്പണിയായുധങ്ങളുടെയും മറ്റും മാതൃകകളുണ്ടാക്കുന്നു. കൂവയും ഈർക്കിലും ഉപയോഗിച്ചു പടന്ന, കൈക്കോട്ട്‌, കരി, നുകം തുടങ്ങിയവയുണ്ടാക്കും. പ്ലാവിലമടക്കി ഈർക്കിൽ കൊണ്ടു കുത്തിയിട്ട്‌ അറ്റം കീറിയാൽ പശു, കാള മുതലായവയായി. ചെറിയ ഇലകൊണ്ടു പശുക്കുട്ടികളും. വാഴത്തട്ടയും ഈർക്കിലുമുപയോഗിച്ച്‌ ആല, ഏണി, കോണി എന്നിവയുണ്ടാക്കും. ഇങ്ങനെഉണ്ടാക്കിയതെല്ലാം ഒരു നാക്കിലയിൽ എടുത്തു വെക്കുന്നു. സന്ധ്യയാകുന്നതോടെ ശബ്‌ദംകൊണ്ടു നാടെങ്ങും മുഖരിതമാകും. നൃത്തം ചെയ്യുന്ന ദേവതാസങ്കല്പമാണ്‌ തെയ്യം. തെയ്യത്തിന്റെ നർത്തനം തെയ്യാട്ടം എന്നും തെയ്യത്തിന്റെ വേഷം തെയ്യക്കോലം എന്നും അറിയപ്പെടുന്നു. ദേവാരാധന നിറഞ്ഞ തെയ്യം കലയിൽ മന്ത്രപരമായ അനുഷ്ഠാനം, തന്ത്രപരമായ അനുഷ്ഠാനം, കർമ്മപരമായ അനുഷ്ഠാനം, വ്രതപരമായ അനുഷ്ഠാനം എന്നിവ ഇടകലർന്നുകാണുന്നു. പ്രധാനമായും അമ്മ ദൈവങ്ങൾ ആണ് തെയ്യങ്ങൾ. കൂടാതെ വീരന്മാരെയും തെയ്യങ്ങൾ ആയി ആരാധിക്കുന്നുണ്ട്. ഏതാണ്ട്‌ അഞ്ഞൂറോളം തെയ്യങ്ങൾ ഉണ്ടെന്നാണു പറയപ്പെടുന്നത്‌. എങ്കിലും നൂറ്റിരുപതോളം തെയ്യങ്ങളാണ്‌ സാധാരണമായിട്ടുള്ളത്‌. കലിച്ചി തെയ്യം എന്ന ഈ കലാരൂപം നിരവധി കാവുകളിൽ അരങ്ങേറിയിരുന്നു എങ്കിലും ഇത് ഇപ്പോൾ വിരലിൽ എണ്ണാവുന്ന കാവുകളിൽ മാത്രമാണുള്ളത്. അവിടങ്ങളിൽ ഗുളികനോടൊപ്പം ഇറങ്ങുന്ന രണ്ടു വേഷങ്ങളാണ് കാലനും കലിച്ചിയും. ജീവിതയാത്രയിൽ പരസ്പരം കണ്ടുമുട്ടിയ ഇരുവരും ഒന്നു ചേർന്ന് ഭാര്യാഭർത്താക്കന്മാരായി മാറുകയും അവർക്ക് ഒരു കുഞ്ഞ് ജനിക്കുകയും ചെയ്തു.ഈ കുഞ്ഞിനെ ഗുളികനെ നോക്കാനേല്പിച്ച് ദമ്പതികൾ പോയി. തിരിച്ചു വന്നപ്പോൾ തങ്ങളുടെ കുഞ്ഞിനെ ഗുളികൻ ചുട്ടുതിന്നതറിഞ്ഞ് അവിടെ വച്ച് അമ്മ ബോധരഹിതയായി വീഴുകയും കാലനെ ഗുളികൻ വധിക്കുകയും ചെയ്യുന്നു.ഇത്രയും ഭാഗങ്ങൾ ഈ പൊറാട്ടിലൂടെ ക്ഷേത്ര മുറ്റത്ത് അവതരിപ്പിക്കപ്പെടുന്നു. ഒരു മനുഷ്യന്റെ ജീവിതത്തിലെ വിവിധ ഘട്ടങ്ങൾ ഇതിൽ അനാവരണം ചെയ്യുന്നു. പ്രണയം, വിവാഹം, പ്രസവം, ഗുളികൻ കുഞ്ഞിനെ ചുട്ടു തിന്നുന്നത് തുടങ്ങിയവയെല്ലാം നർമ്മത്തിന്റെ അകമ്പടിയോടെ ഇതിൽ അരങ്ങേറും. മലയ സമുദായത്തിനാണ് ഈ തെയ്യക്കോലം കെട്ടുന്നതിനുള്ള അധികാരം. വേടൻ, കർക്കടോത്തി, കന്നിമതെ, ഗളിഞ്ചൽ, കലിയൻ, കലിച്ചി തുടങ്ങിയവയാണ് കർക്കിടക മാസത്തിലെ മറ്റു തെയ്യങ്ങൾ. ചില പ്രദേശങ്ങളിൽ തെയ്യം നടത്തുന്നതിന്റെ രണ്ടു ദിവസം മുൻപേ “നട്ടത്തിറ“ എന്ന അനുഷ്ഠാനം നടത്താറുണ്ട്‌. പൂജകൾ, ഗുരുതി എന്നിവ ഇതിന്റെ ഭാഗമായി കണ്ടേക്കാം. കാലാനുസൃതമായതാവാം ആചാര രീതികളിൽ ചെറിയ മാറ്റങ്ങളും വന്നിട്ടുണ്ട്. എങ്കിലും മൺമറയാതെ ഈ കലാരൂപം ഇന്നും തുടരുന്നു. ശ്രീജിത്ത് പട്ടാമ്പി കടപ്പാട് വീഡിയോ & ഭാഗിക വിവരങ്ങൾ തെയ്യം പേജ്