Скачать с ютуб ٩ علامات واضحة بتميز الام النرجسية ... كوثر سند в хорошем качестве

٩ علامات واضحة بتميز الام النرجسية ... كوثر سند

٩ علامات للام النرجسية ١- اول علامة ،لما تيجي تتكلمي معاها في موضوع يخصك او تحكي لها موقف او تشتكي لها من حد او من جوزك حتلاقيها ممكن تقاطعك في وسط الكلام وتحكي موقف مشابه حصل معاها ، او تتكلم في موضوع مشابه يخصها ،وبدل ماتنصحك في اللي انتي جاية تكلميها فيه تبدأ تنتقدك وتقولك انا لما حصل معايا عملت كذا كذا ، انتي مبتعرفيش تتصرفي ، انتي جبانة اصلا ، انتي مبتتعلميش ، وتبدأ بقى سيل الشتايم ٢- حتلاقيها طول الوقت في منافسة مع بنتها وخصوصا بقى اول ماتكبر البنت وتبان انوثتها وجمالها وتبدأ تنتبه للبسها وتبدأ تلفت النظر ، تلاقي الام تحاول تحسسها انها فيها حاجة غلط وانها فيها عيوب اننتي قصيرة انتي تخينة انتي سمرا انتي بيضة زيادة عن اللزوم ، متحطيش حاجة في وشك ، او حطي المهم اعملي عكس اللي انتي عايزاه ، وممكن تكرهها في شكل جسمها او شعرها او لون بشرتها المهم انها تضمن انها تمشي جنبها مطفية ووحشة عشان متلفتش الانظار وتاخد الاضواء منها ٣- بتوصل للبنت انها عبء عليها طول الوقت تقول لها انا حملتك ورضعتك وتعبت فيكي ،انا عملتك بني ادمة وكبرتك انتي تعبتيني واستنذفتيني ومش بيتمر فيكي انا اصلا مكنتش عايزة اخلف ، انتي احسن مكنتيش اتولدتي كان زماني مرتاحة ٤- الام النرجسية بتفشل في حماية بنتها من اي حد بالعكس هي بتيجي في صف اللي يؤذيها يعني لو خطيبها او زوجها تقول له ايوة انا عارفاها هي فيها وفيها وانت اللي حتربيها ، ومش بعيد تفتري عليها في حاجات البنت مش فيها اصلا ، وبعض الامهات النرجسيات توقع بين البنت وخطيبها املا في انه يسيبها وبعضهن تخوض في شرف بنتها ادام خطيبها او جوزها عشان تخرب بيتها ، وممكن يكون لانها عايزة تسترجعها تاني وترجعها تحت سيطرتها او انها غيرانة منها وبعضهن اصلا ممكن تغازل خطيب بنتها او جوزها وتحاول تاخده من بنتها وللاسف دة بيحصل فعلا .وبعضهن بترفض تجوز بناتها اصلا وتقعدهم جنبها باي حجج واهية عشان يفضلوا تحت سيطرتها وعشان هي لما تكبر تلاقي حد ياخد باله منها . ٥- هي معندهاش اي مشاعر ولا تعاطف ، ودايما تستفز مشاعر بنتها خصوصا لو البنت متعاطفة ، وطبعا بتستغل التعاطف دة في مص دم البنت سواء ماديا تاخد مرتبها على اساس بتحوشه لها ، او تاخده على اساس تدفع اكلها او تستغلها في خدمتها في انها تقوم بدورها في كل شغل البيت وهي ترتاح بقى عشان هي تعبت كفاية ، والبنت تاخد دور مش دورها املا في ان امها ترضى عنها ودة عمره مابيحصل ٦- طبعا تلاعب النرجسي بيتطبق بحذافيره زي وصفنا في اساليب التلاعب ، جاس لايتينج ولف ودوران ، وقلب الترابيزة وصمت عقابي وممكن عنف جسدي وطبعا غضب نرجسي ، دة غير التحكم والسيطرة ، وبخل على البنت لدرجة انها ممكن تسيبها تنزل مدرستها او كليتها معهاش اي فلوس ولا مواصلات ولا لها دعوة بيها والكلام دة بالاخص لو الاب مش موجود ، وعادة الام بتبان نرجسيتها اكتر ع البنت بعد ما ابوها يموت او يطلق امها واحيانا بيكون الاب ضعيف وواقع تحت سيطرة الام وفي الحالة دي بتكون الام شرسة جدا مع الكل واحيانا الوضع بيكون اسوأ مايمكن لما يكون الاب كمان نرجسي ٧- البنت لازم طول الوقت تكون ممتنة لتضحيات امها اللي هي انها حملتها وولدتها ، او ممتنة لمجرد انها امها مفروض تحمد ربنا انها امها ، وتقدم فروض الولاء والطاعة والا تبقى جاحدة وعاقة . ٨- الام النرجسية مش بتعرف تحب لكن تعرف تمثل الحب والرضا في المواقف اللي هي عايزة حاجة من البنت او عايزة البنت تسمع كلامها في حاجة في الحالة دي بس تدي لها حب و قبول يعني هي بتستخدم الحب في التلاعب ببنتها ودة اللي بنقول عليه حب مشروط ٩- الام النرجسية بتخترق كل حدود البنت ، مبيكنش فيه لها اي نوع من الخصوصية اطلاقا ، وطبعا التجسس النرجسي وطبعا تفتيش الشنطة والموبايل ، دة غير انها ادام الناس بتعاملها كأنها شيء حقير وتشوه سمعتها وتشتكيها بالزور وتكره العيلة فيها وتحقرها ادامهم ومن كتر ماهي مشوهة صورتها لما بتحقرها وتهينها ادامهم بيساندوا الام طبعا وييجوا ع البنت اكونت الفيس بوك https://www.facebook.com/profile.php?... جروب ادرس عدوك النرجسي   / kawthersanad11