Скачать с ютуб NHCP Lupang Hinirang в хорошем качестве

NHCP Lupang Hinirang

Bilang paggunita sa ika-153 anibersaryo ng kapanganakan ni Julian Felipe, narito ang MTV ng Lupang Hinirang na prodyus ng Pambansang Komisyong Pangkasaysayan ng Pilipinas at ng RockEd Philippines. Inilunsad ito ng Komisyon noong Araw ng Kalayaan ng 2012. Tinugtog ito ng bandang Radioactive Sago Project, sa pagsasaayos ni Francis de Veyra. Ang animation ay likha at sa direksyon ni Arnold Arre. Ipinapakita sa MTV ang pagiging dakila ng tinutuntungan nating Tinubuang Bayan, at dito sa lupaing kinalulugaran natin ngayon naganap ang iba't ibang pangyayari na nagtulak sa ating pagkabansa. Mga pangyayaring limot na ng marami, ngunit ng dahil sa kasaysayan ay nanatili itong buhay; nagpapaalala na minana natin ang Bayang ito mula sa libo-libong taong paglinang sa ating kabihasnan at pagkakakilanlan at sa mga sakripisyong dinanas ng ating mga ninuno. Bawat henerasyon ay naghandog ng kani-kanilang makakaya at nag-alay ng mga pangarap at buhay para sa Bayang ito, tamasahin lamang natin ang sarap at ginhawa ng pagiging malaya. Nagbago man ang panahon, iisa pa rin ang Bayang tinutukoy. Nagbago man ang mukha ng lahing Pilipino, ang diwa’t damdamin nama’y nananatiling Pilipino. MTV mula sa koleksyon ng Heraldry Section ng Pambansang Komisyong Pangkasaysayan ng Pilipinas